Mataupu 60
Ua Toe Faaola Mai Tapita e Peteru
Sa i ai se fafine lelei e igoa ia Tapita sa nofo i le aai o Iopa. O ia o se soo o Iesu Keriso. Sa fesoasoani o ia i le tele o tagata ma faia mea lelei e tele.
Sa ma’i o ia ma ua oti.
Sa aumaia e ana uo ia Peteru. Ina ua taunuu o ia iina, sa ia fai atu i uo a Tapita e o ese mai le potu.
Sa tootuli Peteru ma tatalo, ona ia fai atu lea ia Tapita e tu i luga. Sa pupula ona mata ma nofo i luga.
Sa fesoasoani Peteru e faatu o ia i luga. Sa ia valaau i ana uo. Sa latou o mai ma iloa ua ola o ia. Sa faaaoga e Peteru le mana o le perisitua e toe faaola ai Tapita. E toatele tagata i Iopa sa talitonu ia Iesu Keriso ina ua latou iloa sa toe ola mai Tapita.