O Le Faataoto Muamua
O Le Mamoe Na Leiloa
Sa i ai i se leoleo mamoe lelei mamoe e 100. Sa leiloa le tasi.
Sa tuu e le leoleo mamoe le 99 ae alu e su’e le mamoe e tasi ua leiloa. Ina ua ia mauaina, sa fiafia tele o ia.
Sa sii e le leoleo mamoe le mamoe i le fale. Sa valaau e ia ana ana uo uma ma tuaoi e o mai e fiafia faatasi ma ia. Ua ia maua lana mamoe sa leiloa.
Sa faamatala atu e Iesu Keriso i le au Faresaio le uiga o le faataoto. Sa Ia fai atu o i latou o e agasala e pei lava o le mamoe na leiloa.
E pei lava ona manao le leoleo mamoe e lavea’i le mamoe na leiloa, e faapena foi ona manao Iesu e lavea’i i latou o e agasala.
Fai mai Iesu o le mea lea sa Ia talanoa ai ma tagata agasala.
Mataio 18:11 (tagai vaefaamatalaga 11c); Mareko 2:17
Ma e pei ona sa matua fiafia le leoleo mamoe ina ua ia maua lana mamoe sa leiloa, e faapena foi ona fiafia tele Iesu pe a tatou salamo.