O Le Faataoto Lona Lua
O Le Tupe Na Leiloa
O se fafine sa i ai ni tupe siliva e 10. Sa leiloa ia te ia lana tupe e tasi. Sa su’e solo e ia le tupe i totonu o le fale.
Mulimuli ane sa maua e ia le tupe. Sa fiafia tele o ia. Sa ia valaau ana uo ma tuaoi e ta’u atu ia i latou. Sa fiafia foi i latou ina ua maua lana tupe sa leiloa.
O taitai ma tagata o le Ekalesia e pei foi o le fafine i le tala; o le tupe na leiloa e pei o se tagata o le Ekalesia e le o toe alu i le lotu pe e le o toe taumafai e ola i tulafono. E pei lava ua leiloa i latou mai le Ekalesia. E manao Iesu Keriso i tagata o le Ekalesia e sue ni uso po o ni tuafafine ua leiloloa ma fesoasoani ia i latou ia toe o mai ia te Ia. E fiafia tele o Ia pe a tupu lenei mea.
O Iesu o le Keriso, 455–56
O uo ma tuaoi i le tala e pei o agelu a le Atua. E fiafia tele agelu pe a salamo se tagata.