“ఐగుప్తులో యోసేపు,” పాత నిబంధన కథలు (2022)
“ఐగుప్తులో యోసేపు,” పాత నిబంధన కథలు
ఐగుప్తులో యోసేపు
బానిస ఒక నాయకుడు అవుతాడు
పోతీఫరు అనబడే వానికి యోసేపు బానిసగా అమ్మబడ్డాడు. ఐగుప్తు పరిపాలకుడైన ఫరో వద్ద పోతీఫరు పనిచేసాడు. యోసేపుకు ప్రభువు సహాయం చేసాడని పోతీఫరు చెప్పగలడు. అతడు యోసేపును నమ్మి, అతని ఇంటిపై మరియు అతనికి ఉన్న ప్రతిదానిపై అధికారిగా నియమించాడు.
పోతీఫరు భార్య యోసేపును ఇష్టపడింది. యోసేపు తనతో ప్రభువు యొక్క ఆజ్ఞలు అతిక్రమించాలని ఆమె కోరింది. వద్దు అని యోసేపు ఆమెతో చెప్పాడు.
పోతీఫరు భార్య వినలేదు, కాబట్టి యోసేపు అక్కడనుండి పారిపోయాడు. యోసేపుపైన ఆమె కోపపడింది.
యోసేపు దుస్తులలో ఒక భాగాన్ని ఆమె పోతీఫరుకు చూపించింది. యోసేపు గురించి ఆమె పోతీఫరుతో అబద్ధం చెప్పింది. యోసేపును పోతీఫరు చెరసాలలో పెట్టాడు.
యోసేపు తన కుటుంబము నుండి వేరుచేయబడ్డాడు. అతడు బానిస అయ్యాడు మరియు ఇప్పుడతడు ఖైదీగా ఉన్నాడు. అయినప్పటికీ ప్రభువు యోసేపుకు సహాయము చేసారు. యోసేపు తన ప్రయత్నాన్ని విడిచిపెట్టలేదు. యోసేపులోని మంచిని చూసేలా ప్రభువు చెరసాల యొక్క అధిపతిని ఆశీర్వదించారు. ఆ అధిపతి అతడిని నమ్మడం ప్రారంభించాడు, కాబట్టి అతడు ఇతర ఖైదీలందరిని యోసేపు చేతికప్పగించాడు.
ఫరో కొరకు పనిచేసిన ఇద్దరు ఖైదీలైన పానదాయకుడిని, భక్ష్యకారుడిని యోసేపు కలుసుకున్నాడు. వారిద్దరు విచిత్రమైన కలలు కన్నారు. ప్రభువు శక్తి ద్వారా యోసేపు వారి కలలకు అర్థం ఏమిటో వివరించాడు. పానదాయకుని కల భావమేమిటంటే అతడు విడుదల చేయబడతాడు. మూడు రోజుల తరువాత మరలా ఫరో కోసం పనిచేయడానికి అతడు విడుదల చేయబడ్డాడు.
ఒకరోజు ఫరో తన కలల వల్ల కలత చెందాడు. అతడి కలలకు అర్థం ఏమిటో ఎవరూ చెప్పలేకపోయారు.
కలలకు భావము యోసేపు చెప్పగలడని ఆ పానదాయకుడు జ్ఞాపకం చేసుకున్నాడు.
ఫరో కలలను వివరించడానికి యోసేపు చెరసాల నుండి బయటకు తేబడ్డాడు. ఈ కలల భావం ఏమిటంటే, ఐగుప్తులో ఏడు సంవత్సరాల పాటు పంట సమృద్ధిగా ఉంటుందని, తరువాత ఏడు సంవత్సరాలు కరువు వలన అతి తక్కువ పంట పండుతుందని యోసేపు చెప్పాడు. ఐగుప్తు యొక్క ఉత్తమమైన సంవత్సరాల్లో అదనపు ఆహారాన్ని నిల్వ చేయాలని యోసేపు ఫరోతో చెప్పాడు.
తన కలల గురించి యోసేపు చెప్పినది నిజమని ఫరోకు తెలుసు. అతడు యోసేపును చెరసాల నుండి విడిపించాడు మరియు యోసేపును ఐగుప్తులో గొప్ప నాయకుడిగా చేసాడు. ఏడు సంవత్సరాలు, యోసేపు అదనపు ఆహారాన్ని నిల్వ చేయడానికి ఐగుప్తుకు సహాయం చేసాడు.
అప్పుడు కరువు వచ్చింది. ఈ సమయంలో, ఎవరూ ఎలాంటి ఆహారాన్ని పండించలేకపోయారు. యోసేపు నిల్వ చేసిన ఆహారాన్ని కొనడానికి ప్రజలు ఐగుప్తుకు వెళ్ళారు. యోసేపు కారణంగా, వారు మరియు ఇతరులు కరువునుండి బయటపడడానికి ఐగుప్తీయులు తగినంత ఆహారం నిల్వచేసారు.