1 రాజులు 19

ప్రభువు ఏలీయాతో మాట్లాడుట

ప్రభువు యొక్క స్వరమును వినుట

ప్రభువు బయలు యాజకులను జయించారని అహాబు రాజు యెజెబెలు రాణితో చెప్పాడు. యెజెబెలు కోపముతో నుండి, ఏలీయా ప్రవక్తను చంపుతానని చెప్పింది.

1 రాజులు 19:1–2

సురక్షితంగా ఉండడానికి ఏలీయా ఇశ్రాయేలు దేశాన్ని విడిచివెళ్ళాడు. అతడు నలువది రాత్రింబగళ్ళు ప్రయాణించాడు, ప్రయాణంలో ఉపవాసమున్నాడు. తర్వాత అతడు సీనాయి కొండకు వచ్చి, దాగుకోవడానికి ఒక గుహను కనుగొన్నాడు. ఆయన ఏలీయాతో మాట్లాడగలిగేలా ఏలీయాను పర్వతము పైకి వెళ్ళమని ప్రభువు చెప్పారు.

1 రాజులు 19:3, 8–11

బలమైన గాలి వచ్చి, గుహ చుట్టూ ఉన్న రాళ్ళను ముక్కలు చేసింది. దాని తర్వాత, భూకంపము నేలను కదిలించింది. తర్వాత మెరుపు పుట్టింది. ఏలీయా గాలి, భూకంపము మరియు మెరుపుల భీకర శబ్దాలను విన్నాడు. కానీ ఆ భీకర శబ్దాలలో ప్రభువు యొక్క స్వరము లేదు.

1 రాజులు 19:11–12

అప్పుడు మిక్కిలి నిమ్మళముగా మాట్లాడు ఒక స్వరమును ఏలీయా విన్నాడు. అది ప్రభువేనని అతనికి తెలుసు. అతను అక్కడ ఏమి చేస్తున్నాడని ప్రభువు ఏలీయాను అడిగారు.

1 రాజులు 19:12–13

సురక్షితంగా ఉండడానికి దాగుకుంటున్నానని ఏలీయా చెప్పాడు. ప్రవక్తలందరు చంపబడ్డారు మరియు జనులు ప్రభువును తిరస్కరించారు.

1 రాజులు 19:14.

ప్రభువు ఏలీయాను ఓదార్చి, ఇంకా అనేకమంది ఇశ్రాయేలీయులు ప్రభువును ఆరాధిస్తున్నారని చెప్పారు. ఇంటికి తిరిగివెళ్ళి, మరొక ప్రవక్తను సిద్ధం చేయమని ప్రభువు ఏలీయాతో చెప్పారు. ఈ క్రొత్త ప్రవక్త పేరు ఎలీషా.

1 రాజులు 19:15–18