Lēsoni 34

Te u Lava ʻo ʻOfa ki he Niʻihi Kehé

Taumuʻá

Ke fakalotolahiʻi ʻa e fānaú taki taha ke nau fakahaaʻi ʻa e ʻenau ʻofa ki he niʻihi kehé ʻi heʻenau lea leleí mo e ngāué.

Teuteú

1. Ako ʻi he faʻa lotu ʻa e Mātiu 7: 12; Maʻake 10: 13–16; Luke 10: 30–37; Sione 13:34.

2. Toe fakamanatu ʻa e talanoa mei he lēsoní 19 fekauʻaki mo Sīsū ʻi heʻene fakamoʻui ʻa e tangata kuí (vakai ki a Sione 9: 7).

3. Faʻu ha ngaahi foʻi haati pepa maʻá e fānau taki taha he kalasí. Tohiʻi ʻa e ʻOku ou ʻofa ʻiate koe ʻi he foʻi hātí taki taha.

4. Ngaahi nāunau ʻoku fiemaʻú:

   1. Tohi Tapu.

   2. Fakatātā 1–3, Ko Sīsū ko e Kalaisí (Ko e Ngaahi Fakatātā ʻo e Ongoongoleleí 240: 62572); fakatātā 1–43, Ko Hono Fakamoʻui ʻe Sīsū ʻa e Tangata Kuí (Ko e Ngaahi Fakatātā ʻo e Ongoongoleleí 213; 62145); fakatātā 1–48, Ko e Fānau ʻOku Vaʻingaʻaki ʻa e Kongokonga Papá; fakatātā 1–2, Ko e Samaletani Angaleleí (Ko e Ngaahi Fakatātā ʻo e Ongoongoleleí 218; 62156).

5. Fai mo ha ngaahi teuteu ki ha ngaahi ʻEkitivitī Fakatupulaki te ke fie fakaʻaongaʻí.

Ngaahi ʻekitivitʻí ke Ako Mei aʻí

Fakaafeʻi ha taha ʻo e fānaú ke ne fai ʻa e fua lotú.

ʻEkitivitī ke taki ʻaki e tokangá

Fakaʻaliʻali ʻa e fakatātā 1–48,Ko e fānau ʻoku nau vaʻinga ʻaki ʻa e kongokonga papá.

ʻEkitivitī ke taki ʻaki e tokangá

• Ko e hā ʻa e meʻa ʻoku fai ʻe he fānau ko ení?

• ʻOkú ke pehē nai ko e fānau ko ení ʻoku nau kaungā-meʻa?

• ʻOku anga fēfē ʻa e fetaulaki ʻa e kaungāmeʻá?

Fakamanatu ki he fānaú ko e ngaahi kaungāmeʻá ʻoku feangaleleiʻaki. ʻI he taimi ʻoku tau angalelei ai ki he niʻihi kehé, ʻoku tau fakahāaʻi ai ʻa e ʻofá kiate kinautolu.

Hivá

Hivaʻi pe lau fakataha mo e fānaú ʻa e “Sīsū Kuo Ne Pehē Mai Feʻofaʻaki” (Children’s Songbook, p. 61) peá ke fakaʻaongaʻi ʻa e founga fakatātaaʻi ʻoku hā atú:

Folofola ʻa Sīsū ke ʻofa he taha kotoa pē (fakamafola atu ʻa e ongo nimá ki he tafaʻakí);

Ngaohi leleiʻi foki kinautolu (kamokamo ki ʻolunga mo lalo ʻa e ʻulú).

ʻI he fonu ho lotó ʻi he ʻofa (hili ho nimá ʻi he fatafata hemá),

ʻE ʻofa ʻiate koe ʻa e tokotaha kotoa pē (fakafehauaki ho nimá ʻi ho fatafatá).

Naʻe fakahaaʻi ʻe Sīsū ʻa ʻEne ʻofa ki he niʻihi kehé ʻaki ʻa ʻEne angaleleí

Fakaʻaliʻali ʻa e fakatātā 1–3, Ko Sīsū ko e Kalaisí, peá ke fakahāaʻi ange ki he fānaú naʻe folofola mai ʻa Sīsū kiate kitautolu ke tau fai lelei ki he niʻihi kehé ʻo hangē ko e meʻa ko ia ʻoku tau fiemaʻu ke nau fai mai kiate kitautolú. Fakaʻaliʻali ʻa e Tohi Tapú peá ke lau ʻa e Mātiu 7:12 ʻo aʻu ki he konga ko ia ʻoku pehē Ke mou fai ia kiate kinautolu. Fakamatalaʻi ange ko e potu folofola ko ení ʻoku ʻuhin-ga ia kapau ʻoku tau fiemaʻu ʻa e niʻihi kehé ke nau angalelei mai, kuo pau ke tau angalelei kiate kinautolu.

Talanoá

Fakaʻaliʻali ʻa e fakatātā 1–43, Ko Hono Fakamoʻui ʻe Sīsū ʻa e Tangata Kuí. Tuku ki he fānaú ke nau tokoni kiate koe ʻi hono fai ʻa e talanoa ko ení ʻo hangē ko ia ʻoku fakaʻaliʻali ʻi he fakatātaá (vakai ki he Sione 9: 1–7).

Talanoá

• Naʻe angalelei fēfē ʻa Sīsū ki he tangata kui ko ení?

Talanoá

Fai ange ʻa e talanoa ʻo Sīsuú ʻi heʻene tāpuakiʻi ʻa e fānau valevalé, ʻo hangē ko ia ʻoku hā ʻi he Maʻake 13: 16.

Talanoá

• Naʻe angalelei fēfē ʻa Sīsū ki he fānau valevalé?

Fakamamafaʻi ʻa hono fakamoleki ʻe Sīsū ʻa ʻEne moʻuí ki hono tokoniʻi ʻo e kakai kehé. Naʻe fakahāaʻi ʻe Sīsū ʻa ʻEne ʻofa ki he kakai kehé, ʻaki ʻa ʻEne angaleleí. Fakamatalaʻi ange naʻe fekauʻi ʻe Sīsū kitautolu ke tau feʻofaʻaki. Lau ʻa e Sione 14: 34 ki he fānaú. ʻAi ʻa e fānaú ke nau angimui atu ʻi he konga “Feʻofaʻaki ʻo hangē ko ʻeku ʻofa ʻiate kimoutolú”.

Hivá

Hivaʻi pe lau fakataha mo e fānaú ʻa e “Feʻofaʻakí” (Children’s Songbook, p. 136).

Hangē ko ʻeku ʻofa atú,

Ke mou feʻofaʻaki.

Ko e fekau foʻoú ni:

Ke mou feʻofaʻaki.

ʻE ʻilo heni

Ko ʻeku ākonga kimoutolu,

Kapau ʻe ʻi ai ha ʻofa

ʻIate kimoutolu

(Copyright © 1961, 1989 by Luacine C. Fox. Used by permission.)

ʻE lava ke tau fakahaaʻi ʻa e ʻofa ki he niʻihi kehé ʻaki ʻetau angaleleí

Talanoá

Fakaʻaliʻali ʻa e fakatātā 1–62, Ko e Samaletani Angaleleí, peá ke fai ange ʻa e talanoa ʻo e Samaletani angaleleí, ʻo hangē ko ia ʻoku hā ʻi he Luke 10: 30–37.

Talanoá

• Ko hai ʻi he talanoá ni naʻe angaleleí?

• Ko e hā ʻa e meʻa naʻe fai ʻe he Samaletaní ke tokoniʻi ʻa e tokotaha naʻe faingataʻaʻiá?

Tokoniʻi ʻa e fānaú ke nau fakakaukau ki ha ngaahi founga te nau angalelei ai ki he niʻihi kehé. ʻAi kinautolu ke nau fevahevaheʻaki ʻa e fakakaukau ko ení pea mo e kau mēmipa kehe ʻo e kalasí.

Fakamatalaʻi ange ko e ngaahi taimi ʻe niʻihi ʻoku faingataʻa ke tau angalelei ki ha taha koeʻuhí ko e tokotaha ko iá ʻokú ne hā taʻe fakakaumeʻa pe faikehe ia meiate kitautolu. Tokoniʻi ʻa e fānaú ke mahino ʻoku fiemaʻu ʻe he tokotaha kotoa pē ke fai lelei ange kiate ia. ʻO tatau ai pē kapau ʻe hā ngali taʻe fakakaumeʻa pe hā faikehe ʻa e toko taha ko iá meiate kitautolu (ʻo hangē ko ení, kapau ʻoku kehe honau kilí meiate kitautolu pe ʻoku ʻi ai hanau faingataʻaʻia fakaesino), ʻoku totonu ke tau fai lelei pe kiate kinautolu.

Fealeaʻaki fekauʻaki mo e mahuʻinga ʻo ʻetau fakahāaʻi ʻa e ʻofá mo e angaleleí ʻi hotau ngaahi fāmilí.

Talanoá

• ʻE anga fēfē ʻa hoʻo fakahaaʻi ʻa e ʻofá ki hoʻo tamaí? ki hoʻo faʻeé? ki ho ngaahi tokouá mo ho tuofāfiné?

Fakamamafaʻi ange ko e taimi ko ia ʻoku tau angalelei ai ki hotau ngaahi fāmilí, ʻoku ʻikai ngata pē ʻi he toe fiefia ange ʻa hotau ngaahi fāmilí, ka ʻoku toe fiefia foki ʻa e Tamai Hēvaní mo Sīsū.

Fakamatalaʻi ange ko e ngaahi taimi ʻe niʻihi ʻoku hanga ʻe he kau pēpeé pe fānau iiki angé ʻo ʻave pe maumauʻi haʻatau ngaahi meʻa. Tokoniʻi ʻa e fānaú ke mahino ko e fānau iiki angé ʻoku ʻikai ke faʻa mahino kiate kinautolu ʻa e meʻa ʻoku nau faí. ʻOku fiemaʻu ke tau ngaahi leleiʻi kinautolu ʻo ʻikai te tau ʻita kiate kinautolu. Kapau ʻoku ʻi ai haʻatau ngaahi meʻa ʻoku ala maumau, ʻoku totonu ke tau feinga ke tauhi malu kinautolu ke ʻoua ʻe aʻu ki ai ʻa e fānau īkí.

Talanoá

• ʻE anga fēfē haʻatau fakahaaʻi haʻatau ʻofa ki he Tamai Hēvaní mo Sīsū?

Fakamamafaʻi ange ko e taimi ko ia ʻoku tau fakahā ai ʻa ʻetau ʻofa ki he Tamai Hēvaní mo Sīsuú ʻa e taimi ko ia ʻoku tau tauhi ai ʻa hona finangaló, ʻo loto ʻapa-sia ʻi he lotú, pea angalelei mo faʻa tokoni kiate kinautolu ʻi hotau ʻātakaí.

ʻE lava ke tau fakahāaʻi ʻa e ʻofá ʻaki ʻa ʻetau lea leleí

ʻEkitivitií

Kole ange ki he fānaú ke nau muimui ki he fakahinohino ʻi laló. ʻI he hili hono fai ʻe he fānaú ʻa e ngaahi founga fakatātaá, fakamālō ange kiate kinautolu ʻi heʻenau muimui ki he fakahinohinó.

ʻEkitivitií

1. Kātaki ʻo tuʻu ki ʻolunga.

2. Fakamolemole ʻo tangutu ki lalo.

3. Kātaki ʻo tuʻu ki ʻolunga pea ke tafoki. Kātaki ʻo tangutu ki lalo. Fakamolemole ʻo toe tuʻu ki ʻolunga.

4. Fakamolemole ʻo kakapa ho nimá ke māʻolunga ki ʻolunga.

5. Kātaki ʻo tangutu fakalongolongo ki lalo.

ʻEkitivitií

• Ko e hā ha foʻi lea fakaʻapaʻapa pe lelei, naʻá ku leaʻaki?

• ʻOku ke ongoʻi fēfē ʻi he taimi ʻoku pehē atu ai ha taha “fakamolemole” mo e “māloó” kiate koe?

Tokoniʻi ʻa e fānaú ke mahino kapau ʻoku tau fiemaʻu ʻa e niʻihi kehé ke nau angalelei mai, ʻoku fiemaʻu ke tau angalelei kiate kinautolu.

Fakamanatu ki he fānaú fekauʻaki mo e ngaahi kupuʻi lea fakaʻapaʻapa, ʻo hangē koe “ʻoku ou kole fakamolemole” mo e “tulou, kātaki” pea mo e ngaahi taimi pea mo e feituʻu kuo pau ke fakaʻaongaʻi ai ʻa e ngaahi kupuʻi lea ko ení. Fai ange ʻa e ngaahi fehuʻi ko ení pe ko ha ngaahi fehuʻi ʻoku tatau mo ia ʻa ia ʻoku feʻunga mo homou ʻulungāanga fakafonuá:

ʻEkitivitií

• ʻE founga fēfē haʻo kole lelei ange ha vai ke ke inu?

• Ko e hā ʻa e meʻa ʻoku totonu ke ke leaʻaki kapau ʻe ʻomai ʻe ha taha ha meʻaʻofa maʻau?

• Ko e hā ʻa e meʻa ʻoku totonu ke ke leaʻaki kapau te ke ngaohi ha taha ke loto mamahi?

• Ko e hā ʻa e meʻa te ke lava ʻo leaʻaki ke ke taki ai ha tokanga ʻa ha tokotaha kehe?

Fakamatalaʻi ange neongo pē ʻoku ʻi ai ha ngaahi taimi ʻe niʻihi ʻoku lea kovi mai ha niʻihi kiate kitautolu, ʻoku totonu pē ke tau kei lea lelei mo ʻofa ke fetongiʻaki.

Hivá

Hivaʻi pea mo e fānaú ʻa e “Sīsū Kuó Ne Pehē Mai Feʻofaʻaki”.

Fakamoʻoní

Fakalāngilangiʻi pe fakamālōʻiaʻi ʻa e fānaú ʻi he ngaahi meʻa ʻokú ke fakatokangaʻi ʻoku nau angalelei aí. Fakamatalaʻi ange koeʻuhí ʻoku ʻofa ʻa e Tamai Hēvaní mo Sīsū ʻi he tokotaha kotoa pē, kuó na hōifua ai ʻi he taimi ʻokú na ʻafioʻi ʻoku tau anga-ʻofa pe angalelei ki he niʻihi kehé. Fai hoʻo fakamoʻoní fekauʻaki mo e Tamai Hēvaní mo Sīsū ʻi heʻena fiemaʻu ko ia kitautolu ke tau angaleleí. Tufa ki he fānaú taki taha ha kiʻi laʻi haati pepa. Tala ange ki he fānaú ʻa e ngaahi foʻi lea ko ia ʻoku ʻasi ʻi he ngaahi foʻi hātí, peá ke fakahāaʻi ange ʻa hoʻo ʻofa kiate kinautolú.

Ngaahi ʻEkitivitī Fakatupulakí

Fili ha niʻihi ʻo e ngaahi ʻekitivitī ko ení ke ke fakaʻaongaʻi lolotonga ʻa e lēsoní.

1. Lau ʻa e ngaahi founga fakatātā ko ení (pe te ke faʻu pē ʻe koe haʻo meʻa pē ʻaʻau), pea ʻai ʻa e fānaú ke nau hiki hake ʻa e ngaahi foʻi haati pepá kapau ʻoku fakatātaaʻi ʻe he meʻa ʻokú ke lau atú ʻa e ʻofá. ʻAi ke nau hili ʻa e ngaahi foʻi hātí ʻi honau fungá ʻo kapau ko e meʻa ʻokú ke lau atú ʻoku ʻikai ke lelei pea ʻoku ʻikai ke ne fakahaaʻi ʻa e ʻofá.

   • Tau fetongi ʻi he taimi ʻoku mou fai ai ha vaʻinga.

   • ʻIteʻita.

   • Tokoniʻi ha toko taha ʻo e fānaú ʻoku mamahiʻia.

   • Taaʻi ha toko taha ʻokú ne ngaohi koe ke ke ʻita.

   • Luelue ʻi he loto ʻapasia ki he falelotú.

   • ʻI haʻo pehē “fakamolemole” mo e “mālō.”

   • Puke ʻa e matapaá ke ava ki ha toko taha kehe.

   • Longoaʻa ʻi he lotú.

   • Tokoni ki he fakamaau mo e fakamāʻopoʻopó.

   Fakamanatu ki he fānaú ko e taimi ko ia ʻoku tau angalelei ai ki he niʻihi kehé, ʻoku tau fakahaaʻi ai ʻa e ʻofá, pea ʻoku fiefia ai ʻa e Tamai Hēvaní mo Sīsū ʻiate kitautolu.

2. Fakakaukau ki ha ngaahi meʻa ʻi he fāmilí ʻa ia ʻe maʻu ai ʻe he fānaú ha faingamālie ke nau fakahaaʻi ʻa e angaleleí mo e ʻofa ki he niʻihi kehé. Hiki ʻa e ngaahi meʻa ko ení ʻi ha ngaahi lauʻi pepa pea tuku ke fili ʻe he fānaú ha taha ʻo e ngaahi meʻá ni mei he lauʻi pepá. Lau ʻa e ngaahi meʻa ko ení pea tuku ange ki he fānaú taki taha ke nau fakamatalaʻi ʻa e founga te nau fai ʻi he taimi ʻe hoko ai ʻa e meʻa ko iá. Mahalo pē te ke fie fakaʻaongaʻi ʻa e ngaahi fakatātā ko ení:

   • ʻOkú ke vaʻinga fakataha mo ho kaumeʻá pea haʻu ha taha kehe ki he lokí. Ko e hā ʻa e meʻa ʻoku totonu ke ke faí?

   • ʻOkú ke fie vaʻinga mo ho kiʻi tuofefiné ʻaki ha meʻa vaʻinga pē ʻe taha. Ko e hā ʻa e meʻa ʻoku totonu ke ke faí?

   • Naʻe ʻave ʻe ho kiʻi tokoua siʻisiʻí haʻo meʻa. Ko e hā ʻa e meʻa ʻoku totonu ke ke faí?

3. ʻI haʻo fakaʻaongaʻi ʻa e ngaahi fakatātā ʻo ha meʻa ʻoku faʻa hoko ʻi he uōtí pe ʻi homou feituʻú, aleaʻi ha founga ke fakahaaʻi ai ʻa e anga-ʻofá mo e ʻofá kiate kinautolu ʻoku faingataʻaʻia fakaesinó. Tokoniʻi ʻa e fānaú ke nau fakakaukauʻi ha ngaahi founga pau te nau lava ai ʻo tokoni ki ha taha ʻoku ʻi ai hano faingataʻaʻia fakaesino.

   • ʻE anga fēfē ʻa ʻetau fakahaaʻi ʻa e ʻofá ki ha taha ʻoku ʻikai ke lava ʻo sio?

   • ʻE anga fēfē ʻa ʻetau fakahaaʻi ʻa e ʻofá ki ha taha ʻoku ʻikai ke lava ʻo fanongo?

   • ʻE anga fēfē ʻa ʻetau fakahaaʻi ʻa e ʻofá ki ha taha ʻoku ʻalu holo ʻi ha saliote pe tokotoko?

4. Tokoniʻi ʻa e fānaú ke mahino kiate kinautolu neongo pē ʻoku ʻi ai ʻa e kakai ʻe niʻihi ʻoku leaʻaki ha lea kehe pe lanu kehe honau kilí ka ko e fānau kotoa pē kitautolu ʻa e Tamai Hēvaní. ʻOku totonu ke tau feangaleleiʻaki. ʻOku totonu ke tau fai ʻa e meʻa kotoa pē ʻo hangē ko ia ʻoku tau fiemaʻu ke nau fai mai kiate kitautolú. Fakamatalaʻi ange ʻoku faikehekehe ʻa e toko taha kotoa pē ʻi ha ngaahi meʻa lahi.

Ngaahi ʻEkitivitī kehe Maʻá e Fānau iiki angé

1. Hivaʻi pe lau ʻa e ngaahi lea ʻo e “ʻOku ou Fie Angalelei” (Children’s Songbook, p. 145).

2. Tokoniʻi ʻa e fānaú ke nau hanga ʻo fai ʻa e kiʻi veesi ʻekitivitī ko ʻení:

   Ko e meʻa fakavale loto ʻa e malimalí (leʻei e ongo hiku ngutú ke ke malimali),

   Pea ʻi heʻeku ongoʻi mamahí (leʻei e ongo hiku ngutú ke ke mata mamahi),

   ʻOku ou feinga ai ke u malimali (leʻei e ongo hiku ngutú ʻo malimali),

   Tuai-e-kemo kuó u ongoʻi fiefia (hili lō ua ho ongo nimá ʻi ho fatafata hemá)!

   (Toʻo mei he Pat Graham, “Feeling Glad,” Friend, Mar. 1990, p.21.)