1. Ia la la e olelo aku no oe: E ka Haku e hoolea aku no au ia oe; ua huhu mai oe iaʻu mamua, aka ua huli aku kou huhu, a ke hooluolu mai nei oe iaʻu.

2. Aia hoi, o ke Akua koʻu ola; e paulele au, aole au e makau; no ka mea, o ka Haku, o Iehova oia koʻu ikaika a me koʻu oli; ua lilo mai hoi oia i ola noʻu.

3. Nolaila, me ka olioli e huki oukou i ka wai mailoko mai o na punawai o ke ola.

4. A ma ia la, e olelo ai oukou, E hoolea i ka Haku, e kahea aku i kona inoa, e hookaulana i kana mau hana iwaena o na kanaka, e hai aku ua hapai ia aku kona inoa.

5. E oli aku i ka Haku; no ka mea, ua hana oia i na mea nani; ua ikea keia ma ka honua a pau.

6. E hooho aku a e hookani, e ka mea noho ma Ziona; no ka mea, ua mana ka Mea Hemolele o ka Iseraela mawaena ou.