ఆల్మా

లేఖనములు

మోర్మన్‌ గ్రంథము

విషయా‌లు
పీఠిక మరియు సాక్ష్యులు
1 నీఫై
2 నీఫై
జేకబ్
ఈనస్
జేరమ్
ఓంనై
మోర్మన్ వాక్యములు
మోషైయ
ఆల్మా
హీలమన్
3 నీఫై
4 నీఫై
మోర్మన్
ఈథర్
మొరోనై

ఆల్మా

1వ అధ్యాయము
నీహోర్‌ అబద్ధ సిద్ధాంతములను బోధించుచూ, ఒక సంఘమును స్థాపించి యాజకవంచనలను ప్రవేశపెట్టి గిడియన్‌ను సంహరించును—అతని నేరముల నిమిత్తము నీహోర్‌ శిక్షించబడును—జనుల మధ్య యాజకవంచనలు, హింసలు వ్యాపించును. యాజకులు తమనుతాము పోషించుకొందురు, జనులు బీదలపట్ల శ్రద్ధ వహించెదరు మరియు సంఘము వర్ధిల్లును. సుమారు క్రీ. పూ. 91–88 సం.
2వ అధ్యాయము
అమ్లిసై రాజుగా ఉండగోరును మరియు జనుల స్వరము చేత తిరస్కరించబడును—అతని అనుచరులు అతడిని రాజుగా చేయుదురు—అమ్లిసైయులు, నీఫైయులతో యుద్ధము చేయుదురు మరియు ఓడించబడుదురు—లేమనీయులు, అమ్లిసైయులు సేనలను కలుపుకొందురు మరియు ఓడించబడుదురు—ఆల్మా, అమ్లిసైని సంహరించును. సుమారు క్రీ. పూ. 87 సం.
3వ అధ్యాయము
ప్రవచన వాక్య ప్రకారము, అమ్లిసైయులు తమపై ముద్రవేసుకొనిరి—లేమనీయులు తమ తిరుగుబాటు నిమిత్తము శపించబడిరి—మనుష్యులు తమ శాపములను తమపైకి తెచ్చుకొందురు—నీఫైయులు, మరియొక లేమనీయ సైన్యమును ఓడించుదురు. సుమారు క్రీ. పూ. 87–86 సం.
4వ అధ్యాయము
పరివర్తన పొందిన వేల మందికి ఆల్మా బాప్తిస్మమిచ్చును—సంఘమందు దుర్నీతి ప్రవేశించి, సంఘాభివృద్ధిని ఆటంకపరచును—నెఫిహా ప్రధాన న్యాయాధిపతిగా నియమించబడును—ప్రధాన యాజకునిగా ఆల్మా తన పూర్తి సమయమును పరిచర్యకు కేటాయించును. సుమారు క్రీ. పూ. 86–83 సం.
5వ అధ్యాయము
రక్షణ పొందుటకు మనుష్యులు పశ్చాత్తాపపడి ఆజ్ఞలను పాటించవలెను, క్రొత్తగా జన్మించి క్రీస్తు యొక్క రక్తము ద్వారా తమ వస్త్రములను శుద్ధిచేసుకొనవలెను, వినయము కలిగి, గర్వము మరియు అసూయలను విడిచిపెట్టి నీతి కార్యములను చేయవలెను—మంచి కాపరి తన జనులను పిలుచును—దుష్క్రియలు జరిగించు వారు అపవాది సంతానమగుదురు—ఆల్మా తన సిద్ధాంతము యొక్క సత్యమును గూర్చి సాక్ష్యమిచ్చును మరియు పశ్చాత్తాపపడమని మనుష్యులను ఆజ్ఞాపించును—నీతిమంతుల పేర్లు జీవ గ్రంథమందు వ్రాయబడును. సుమారు క్రీ. పూ. 83 సం.
6వ అధ్యాయము
జరహేమ్ల యందున్న సంఘము శుద్ధిచేయబడి, క్రమపరచబడెను—బోధించుటకు ఆల్మా గిడియన్‌కు వెళ్ళును. సుమారు క్రీ. పూ. 83 సం.
7వ అధ్యాయము
మరియకు క్రీస్తు జన్మించును—ఆయన మరణ బంధకములను తొలగించి, తన జనుల పాపములను భరించును—పశ్చాత్తాపపడి బాప్తిస్మము పొంది, ఆజ్ఞలను పాటించు వారు నిత్యజీవము కలిగియుందురు—మలినము, దేవుని రాజ్యమును స్వతంత్రించుకొనలేదు—వినయము, విశ్వాసము, నిరీక్షణ మరియు దాతృత్వము అవసరమైయున్నవి. సుమారు క్రీ. పూ. 83 సం.
8వ అధ్యాయము
ఆల్మా, మీలెక్ నందు బోధించుచు, బాప్తిస్మమిచ్చును—అతడు అమ్మోనైహా యందు తిరస్కరించబడును మరియు విడిచివెళ్ళును—తిరిగి వెళ్ళవలెనని, జనులకు పశ్చాత్తాపము ప్రకటించవలెనని ఒక దేవదూత అతడిని ఆజ్ఞాపించును—అతడు అమ్యులెక్ ద్వారా ఆదరించబడును మరియు వారిద్దరు అమ్మోనైహా యందు బోధించెదరు. సుమారు క్రీ. పూ. 82 సం.
9వ అధ్యాయము
అమ్మోనైహా జనులను పశ్చాత్తాపపడమని ఆల్మా ఆజ్ఞాపించును—అంత్యదినములందు ప్రభువు లేమనీయుల పట్ల కనికరము చూపును—నీఫైయులు వెలుగును త్యజించిన యెడల, వారు లేమనీయుల చేత నాశనము చేయబడుదురు—దేవుని కుమారుడు త్వరగా వచ్చును—పశ్చాత్తాపపడి, బాప్తిస్మము పొంది, ఆయన నామమందు విశ్వసించు వారిని ఆయన విమోచించును. సుమారు క్రీ. పూ. 82 సం.
10వ అధ్యాయము
లీహై మనష్షే వంశస్థుడు—తాను ఆల్మాపట్ల శ్రద్ధ వహించవలెనను దేవదూత యొక్క ఆజ్ఞను అమ్యులెక్ వివరించును—నీతిమంతుల ప్రార్థనలు జనులను నాశనము కాకుండా కాపాడును—అవినీతిపరులైన న్యాయవాదులు మరియు న్యాయాధిపతులు జనుల నాశనమునకు పునాది వేయుదురు. సుమారు క్రీ. పూ. 82 సం.
11వ అధ్యాయము
నీఫైయుల ద్రవ్య చలామణి విధానము వివరించబడును—అమ్యులెక్, జీజ్రొమ్‌తో వాదించును—జనులను తమ పాపములయందు క్రీస్తు రక్షించడు—పరలోకరాజ్యమును స్వతంత్రించుకొను వారు మాత్రమే రక్షింపబడుదురు—మనుష్యులందరు అమర్త్యులుగా లేచెదరు—పునరుత్థానము తర్వాత ఇక మరణము లేదు. సుమారు క్రీ. పూ. 82 సం.
12వ అధ్యాయము
ఆల్మా జీజ్రోమ్‌తో మాట్లాడును—దేవుని మర్మములు విశ్వాసులకు మాత్రమే ఇవ్వబడును—మనుష్యులు వారి ఆలోచనలు, నమ్మకములు, మాటలు మరియు క్రియల ద్వారా తీర్పు తీర్చబడుదురు—దుష్టులు ఆత్మీయ మరణమును అనుభవించుదురు—ఈ మర్త్య జీవితము ఒక పరిశీలనా స్థితియైయున్నది—విమోచన ప్రణాళిక, పునరుత్థానమును మరియు విశ్వాసము ద్వారా పాప క్షమాపణను తెచ్చును—పశ్చాత్తాపపడిన వారు అద్వితీయ కుమారుని ద్వారా కనికరమునకు అర్హత పొందుదురు. సుమారు క్రీ. పూ. 82 సం.
13వ అధ్యాయము
మనుష్యులు తమ అధిక విశ్వాసమును సత్‌క్రియలను బట్టి ప్రధాన యాజకులుగా పిలువబడుదురు—వారు ఆజ్ఞలను బోధించవలెను—నీతి ద్వారా వారు పరిశుద్ధపరచబడి ప్రభువు యొక్క విశ్రాంతిలోనికి ప్రవేశించెదరు—వీరిలో మెల్కీసెదెకు ఒకడు—దేవదూతలు దేశమంతటా సువర్తమానములను ప్రకటించుచున్నారు—వాస్తవముగా క్రీస్తు యొక్క రాకడను వారు ప్రకటించెదరు. సుమారు క్రీ. పూ. 82 సం.
14వ అధ్యాయము
ఆల్మా, అమ్యులెక్‌లు చెరసాలలో వేయబడి, కొట్టబడుదురు—విశ్వాసులు, వారి పరిశుద్ధ లేఖనములు అగ్ని చేత దహించబడును—ఈ హతసాక్షులు ప్రభువు చేత మహిమలో చేర్చుకొనబడుదురు—చెరసాల గోడలు విరిగి పడిపోవును—ఆల్మా, అమ్యులెక్‌లు విడిపించబడుదురు, వారిని హింసించిన వారు సంహరించబడుదురు. సుమారు క్రీ. పూ. 82–81 సం.
15వ అధ్యాయము
ఆల్మా, అమ్యులెక్‌లు సైడమ్‌కు వెళ్ళి, సంఘమును స్థాపించుదురు—ఆల్మా, జీజ్రొమ్‌ను స్వస్థపరచును, అతడు సంఘమందు చేరును—అనేకులు బాప్తిస్మము పొందుదురు మరియు సంఘము వృద్ధిచెందును—ఆల్మా, అమ్యులెక్‌లు జరహేమ్లకు వెళ్ళుదురు. సుమారు క్రీ. పూ. 81 సం.
16వ అధ్యాయము
లేమనీయులు అమ్మోనైహా యొక్క జనులను నాశనము చేయుదురు—జోరమ్, నీఫైయులను లేమనీయులపై విజయమునకు నడిపించును—ఆల్మా, అమ్యులెక్ మరియు ఇతరులనేకులు వాక్యమును బోధించుదురు—ఆయన పునరుత్థానము తరువాత క్రీస్తు నీఫైయులకు కనిపించునని వారు బోధించుదురు. సుమారు క్రీ. పూ. 81–77 సం.
17వ అధ్యాయము
మోషైయ కుమారులు ప్రవచనము మరియు బయల్పాటు ఆత్మను కలిగియున్నారు—లేమనీయులకు వాక్యమును ప్రకటించుటకు వారు పలుమార్గములలో వెళ్ళుదురు—అమ్మోన్‌, ఇష్మాయెల్ దేశమునకు వెళ్ళి రాజైన లమోనై యొక్క సేవకుడగును—అమ్మోన్‌, రాజు యొక్క మందలను రక్షించి అతని శత్రువులను సీబస్ యొక్క జలముల వద్ద సంహరించును. 1–3 వచనములు సుమారు క్రీ. పూ. 77 సం.; 4 వ వచనము సుమారు క్రీ. పూ. 91–77 సం.; మరియు 5–39 వచనములు సుమారు క్రీ. పూ. 91 సం.
18వ అధ్యాయము
అమ్మోన్‌ గొప్ప ఆత్మయని రాజైన లమోనై తలంచును—సృష్టి, మనుష్యులతో దేవుని యొక్క వ్యవహారములు మరియు క్రీస్తు ద్వారా వచ్చు విమోచనను గూర్చి అమ్మోన్‌ రాజుకు బోధించును—లమోనై విశ్వసించును మరియు మరణించిన వానివలె నేలపై పడును. సుమారు క్రీ. పూ. 90 సం.
19వ అధ్యాయము
లమోనై నిత్యజీవపు వెలుగును పొందును మరియు విమోచకుని చూచును—అతని కుటుంబము పారవశ్యము పొందును మరియు అనేకులు దేవదూతలను చూచెదరు—అమ్మోన్‌ అద్భుత రీతిలో కాపాడబడును—అతడు అనేకులకు బాప్తిస్మమిచ్చి, వారి మధ్య ఒక సంఘమును స్థాపించును. సుమారు క్రీ. పూ. 90 సం.
20వ అధ్యాయము
చెరసాలలో ఉన్న అతని సహోదరులను విడిపించుటకు ప్రభువు అమ్మోన్‌ను మిద్దొనైకి పంపును—అమ్మోన్‌ మరియు లమోనై దేశమంతటిపై రాజైన లమోనై తండ్రిని కలుసుకొందురు—తన సహోదరుల విడుదలకు అంగీకరించునట్లు వృద్ధుడైన రాజును అమ్మోన్‌ బలవంతము చేయును. సుమారు క్రీ. పూ. 90 సం.
21వ అధ్యాయము
అహరోను క్రీస్తు మరియు ఆయన ప్రాయశ్చిత్తమును గూర్చి అమలేకీయులకు బోధించును—అహరోను మరియు అతని సహోదరులు మిద్దొనై యందు చెరసాలలో వేయబడుదురు—వారి విడుదల తరువాత, వారు సమాజమందిరములలో బోధించుచూ అనేకులు పరివర్తన చెందునట్లు చేయుదురు—ఇష్మాయెల్ దేశమందున్న జనులకు లమోనై మత స్వాతంత్ర్యమును అనుగ్రహించును. సుమారు క్రీ. పూ. 90–77 సం.
22వ అధ్యాయము
అహరోను, లమోనై యొక్క తండ్రికి సృష్టిని గూర్చి, ఆదాము యొక్క పతనము మరియు క్రీస్తు ద్వారా విమోచన ప్రణాళికను గూర్చి బోధించును—రాజు మరియు అతని ఇంటి వారందరు పరివర్తన చెందుదురు—నీఫైయులు మరియు లేమనీయుల మధ్య దేశ విభజన వివరించబడినది. సుమారు క్రీ. పూ. 90–77 సం.
23వ అధ్యాయము
మత స్వాతంత్ర్యము ప్రకటించబడెను—ఏడు దేశములు మరియు పట్టణములందు గల లేమనీయులు పరివర్తన చెందుదురు—వారు తమను ఆంటై-నీఫై-లీహైయులని పిలుచుకొందురు మరియు శాపము నుండి విముక్తులగుదురు—అమలేకీయులు మరియు అమ్యులోనీయులు సత్యమును తిరస్కరించుదురు. సుమారు క్రీ. పూ. 90–77 సం.
24వ అధ్యాయము
లేమనీయులు దేవుని జనులకు వ్యతిరేకముగా వచ్చెదరు—ఆంటై-నీఫై-లీహైయులు క్రీస్తునందు ఆనందించుదురు మరియు దేవదూతల చేత దర్శింపబడుదురు—తమను కాపాడుకొనుట కంటే మరణమును అనుభవించుటను వారు కోరుకొందురు—మరింతమంది లేమనీయులు పరివర్తన చెందుదురు. సుమారు క్రీ. పూ. 90–77 సం.
25వ అధ్యాయము
లేమనీయుల దాడులు విస్తరించును—అబినడై ప్రవచించినట్లు నోవహు యాజకుల సంతానము నశించును—అనేకమంది లేమనీయులు పరివర్తన చెంది ఆంటై-నీఫై-లీహై యొక్క జనులతో చేరుదురు—వారు క్రీస్తు నందు విశ్వసించి, మోషే ధర్మశాస్త్రమును పాటించుదురు. సుమారు క్రీ. పూ. 90–77 సం.
26వ అధ్యాయము
అమ్మోన్‌, ప్రభువునందు అతిశయించును—విశ్వాసులు ప్రభువు చేత బలపరచబడి, జ్ఞానము ఇవ్వబడుదురు—విశ్వాసము చేత మనుష్యులు వేల ఆత్మలను పశ్చాత్తాపపడునట్లు చేయవచ్చును—దేవుడు సమస్త శక్తి కలిగియుండి, అన్ని సంగతులను గ్రహించును. సుమారు క్రీ. పూ. 90–77 సం.
27వ అధ్యాయము
ఆంటై-నీఫై-లీహై జనులను సురక్షిత ప్రాంతానికి తీసుకొనివెళ్ళమని ప్రభువు అమ్మోన్‌ను ఆజ్ఞాపించును—ఆల్మాను కలిసినప్పుడు, అమ్మోన్‌ సంతోషము అతని శక్తిని హరించివేయును—నీఫైయులు ఆంటై-నీఫై-లీహైయులకు జెర్షోన్‌ దేశమును ఇచ్చెదరు—వారు అమ్మోన్‌ యొక్క జనులని పిలువబడిరి. సుమారు క్రీ. పూ. 90–77 సం.
28వ అధ్యాయము
లేమనీయులు ఒక భయంకరమైన యుద్ధమందు ఓడించబడుదురు—పదుల వేలమంది సంహరించబడుదురు—దుష్టులు అంతము లేని వేదన యొక్క స్థితికి అప్పగించబడుదురు; నీతిమంతులు ఎన్నడూ అంతము కాని సంతోషమును సంపాదించెదరు. సుమారు క్రీ. పూ. 77–76 సం.
29వ అధ్యాయము
దేవదూత వంటి ఉత్సాహముతో ఆల్మా పశ్చాత్తాపమును ప్రకటించుటకు కోరును—ప్రభువు సమస్త జనములకు బోధకులను అనుగ్రహించును—ప్రభువు యొక్క కార్యమందు, అమ్మోన్‌ మరియు అతని సహోదరుల విజయమందు ఆల్మా ఆనందించును. సుమారు క్రీ. పూ. 76 సం.
30వ అధ్యాయము
క్రీస్తు విరోధి అయిన కొరిహోర్‌, క్రీస్తును ప్రాయశ్చిత్తమును ప్రవచనాత్మను వెక్కిరించును—దేవుడు లేడని, మనుష్యుని పతనము లేదని, పాపమునకు శిక్ష లేదని మరియు క్రీస్తు లేడని అతడు బోధించును—క్రీస్తు వచ్చునని మరియు ఒక దేవుడున్నాడని సమస్త వస్తువులు సూచించునని ఆల్మా సాక్ష్యమిచ్చును—కొరిహోర్‌ ఒక సూచనను కోరును మరియు మూగవానిగా మొత్తబడును—అపవాది కొరిహోర్‌కు ఒక దేవదూత వలే కనిపించి, ఏమి పలుకవలెనో అతనికి బోధించెను—కొరిహోర్‌ త్రొక్కివేయబడి మరణించును. సుమారు క్రీ. పూ. 76–74 సం.
31వ అధ్యాయము
విశ్వాసభ్రష్టులైన జోరమీయులను సరిదిద్దుటకు ఒక సువార్త సేవకు ఆల్మా నాయకత్వము వహించును—జోరమీయులు క్రీస్తును నిరాకరించుదురు, ఎన్నికను గూర్చి ఒక అసత్యపు భావన యందు విశ్వసించుదురు మరియు ఒకే విధమైన ప్రార్థనలతో ఆరాధింతురు—సువార్తికులు పరిశుద్ధాత్మతో నింపబడుదురు—వారి శ్రమలు క్రీస్తును గూర్చిన సంతోషమందు హరించివేయబడెను. సుమారు క్రీ. పూ. 74 సం.
32వ అధ్యాయము
తమ శ్రమల వలన వినయులైన బీదవారికి ఆల్మా బోధించును—విశ్వాసము, చూడబడనప్పటికీ సత్యమైన దానియందు ఒక నిరీక్షణయైయున్నది—దేవదూతలు స్త్రీ పురుషులకు, పిల్లలకు పరిచర్య చేయునని ఆల్మా సాక్ష్యమిచ్చును—వాక్యమును ఆల్మా ఒక విత్తనముతో పోల్చును—అది నాటబడి, పోషించబడవలెను—అప్పుడు అది ఒక వృక్షముగా ఎదిగి, దాని నుండి నిత్యజీవమను ఫలము కోయబడును. సుమారు క్రీ. పూ. 74 సం.
33వ అధ్యాయము
మనుష్యులు అన్ని స్థలములలో ప్రార్థన చేయవలెనని, ఆరాధించవలెనని మరియు కుమారుని కారణముగా తీర్పులు త్రిప్పివేయబడినవని జీనస్ బోధించెను—కుమారుని కారణముగా కనికరము అనుగ్రహించబడినదని జీనక్ బోధించెను—అరణ్యమందు దేవుని కుమారుని గూర్చిన ఒక సూచనను మోషే ఎత్తియుండెను. సుమారు క్రీ. పూ. 74 సం.
34వ అధ్యాయము
రక్షణ కొరకు వాక్యము క్రీస్తు నందు ఉన్నదని అమ్యులెక్ సాక్ష్యమిచ్చును—ప్రాయశ్చిత్తము చేయబడని యెడల సమస్త మానవజాతి నశించును—మోషే ధర్మశాస్త్రము అంతయు దేవుని కుమారుని యొక్క బలి వైపు దృష్టి సారించును—విమోచన యొక్క నిత్య ప్రణాళిక, విశ్వాసము మరియు పశ్చాత్తాపముపై ఆధారపడియున్నది—భౌతిక మరియు ఆత్మీయ దీవెనల కొరకు ప్రార్థించుడి—ఈ జీవితము దేవుడిని కలుసుకొనుటకు మనుష్యులు సిద్ధపడు సమయమైయున్నది—దేవుని యెదుట భయముతో మీ రక్షణను సాధించుకొనుడి. సుమారు క్రీ. పూ. 74 సం.
35వ అధ్యాయము
వాక్యము యొక్క బోధ, జోరమీయుల పన్నాగమును నాశనము చేయును—పరివర్తన పొందిన వారిని వారు బహిష్కరింతురు, అప్పుడు వారు జెర్షోన్‌లో అమ్మోన్‌ యొక్క జనులతో చేరుదురు—జనుల దుష్టత్వమును బట్టి ఆల్మా దుఃఖించును. సుమారు క్రీ. పూ. 74 సం.
36వ అధ్యాయము
ఒక దేవదూతను చూచిన తరువాత, తన పరివర్తనను గూర్చి ఆల్మా హీలమన్‌కు సాక్ష్యమిచ్చును—శిక్షావిధికి లోనైన ఆత్మ యొక్క వేదనలను అతడు అనుభవించును; అతడు యేసు నామమున ప్రార్థన చేసిన తరువాత దేవుని వలన జన్మించెను—మధురమైన సంతోషము అతని ఆత్మను నింపెను—దేవదూతల సమూహములు దేవుడిని స్తుతించుటను అతడు చూచెను—పరివర్తన పొందిన వారనేకులు అతని వలె చూచి అనుభవించిరి. సుమారు క్రీ. పూ. 74 సం.
37వ అధ్యాయము
ఆత్మలను రక్షించుటకు కంచు పలకలు మరియు ఇతర లేఖనములు భద్రపరచబడినవి—జెరెడీయులు వారి దుష్టత్వమును బట్టి నాశనము చేయబడిరి—వారి రహస్య ప్రమాణములు మరియు నిబంధనలు జనుల నుండి దూరముగా ఉంచబడవలెను—మీ కార్యములన్నిటిలో ప్రభువుతో ఆలోచన చేయుము—లియహోనా నీఫైయులను నడిపించినట్లు క్రీస్తు యొక్క మాట మనుష్యులను నిత్యజీవమునకు నడిపించును. సుమారు క్రీ. పూ. 74 సం.
38వ అధ్యాయము
నీతి నిమిత్తము షిబ్లోన్‌ హింసింపబడును—రక్షణ క్రీస్తు యందున్నది, ఆయనే లోకమునకు జీవము మరియు వెలుగైయున్నాడు—మీ కామోద్రేకములన్నిటికి కళ్ళెము వేయుడి. సుమారు క్రీ. పూ. 74 సం.
39వ అధ్యాయము
లైంగిక పాపము హేయకరమైనది—కోరియాంటన్‌ యొక్క పాపములు, జోరమీయులు వాక్యమును అంగీకరించకుండునట్లు చేసెను—క్రీస్తు యొక్క విమోచన దానికి ముందు జీవించిన విశ్వాసులను రక్షించుట యందు ప్రతిచర్యను కలిగియున్నది. సుమారు క్రీ. పూ. 74 సం.
40వ అధ్యాయము
క్రీస్తు మనుష్యులందరి పునరుత్థానమును తెచ్చును—వారి పునరుత్థానము యొక్క దినమునకై ఎదురుచూచుటకు నీతిమంతులైన మృతులు పరదైసునకు, దుష్టులు వెలుపలి చీకటిలోనికి వెళ్ళుదురు—పునరుత్థానమందు సమస్తము వాటి సరియైన, పరిపూర్ణమైన రూపమునకు పునఃస్థాపించబడును. సుమారు క్రీ. పూ. 74 సం.
41వ అధ్యాయము
పునరుత్థానమందు మనుష్యులు అంతము లేని సంతోషము లేదా అంతము లేని దౌర్భాగ్యము యొక్క స్థితికి లేచి వచ్చెదరు—దుష్టత్వము ఎన్నడూ సంతోషము కాదు—శరీర సంబంధులైన మనుష్యులు లోకమందు దేవుడు లేకయున్నారు—మర్త్యత్వమందు సంపాదించుకొన్న స్వభావములు మరియు గుణములను ప్రతి మనుష్యుడు పునరుత్థానమందు తిరిగి పొందును. సుమారు క్రీ. పూ. 74 సం.
42వ అధ్యాయము
పశ్చాత్తాపపడి, దేవుడిని సేవించుటకు మనుష్యుని సమర్థునిగా చేయుటకు మర్త్యత్వము ఒక పరిశీలనా సమయమైయున్నది—పతనము సమస్త మానవజాతిపై ఐహికమైన, ఆత్మీయమైన మరణమును తెచ్చెను—పశ్చాత్తాపము ద్వారా విమోచన వచ్చును—లోక పాపముల నిమిత్తము దేవుడు తానే ప్రాయశ్చిత్తము చేయును—పశ్చాత్తాపపడు వారి కొరకు కనికరము కలదు—మిగిలిన వారందరు దేవుని న్యాయమునకు లోబడియున్నారు—ప్రాయశ్చిత్తము మూలముగా కనికరము వచ్చును—నిజముగా పశ్చాత్తాపపడువారు మాత్రమే రక్షింపబడుదురు. సుమారు క్రీ. పూ. 74 సం.
43వ అధ్యాయము
ఆల్మా మరియు అతని కుమారులు వాక్యమును బోధించెదరు—జోరమీయులు మరియు నీఫైయుల నుండి అసమ్మతితో విడిపోయిన ఇతరులు లేమనీయులగుదురు—లేమనీయులు నీఫైయులకు వ్యతిరేకముగా యుద్ధమునకు వచ్చెదరు—మొరోనై, నీఫైయులకు సంరక్షక కవచములను ధరింపజేయును—లేమనీయుల యొక్క యుద్ధ తంత్రమును ప్రభువు ఆల్మాకు తెలియజేయును—నీఫైయులు తమ ఇండ్లను, స్వేచ్ఛను, కుటుంబములను మరియు మతమును సంరక్షించుకొందురు—మొరోనై మరియు లీహై సైన్యములు లేమనీయులను చుట్టుముట్టును. సుమారు క్రీ. పూ. 74 సం.
44వ అధ్యాయము
శాంతి నిబంధన చేయుమని లేదా నాశనము కమ్మని మొరోనై లేమనీయులను ఆజ్ఞాపించును—జరహేమ్న ఆ ప్రస్తావనను తిరస్కరించును మరియు యుద్ధము కొనసాగును—మొరోనై సైన్యము లేమనీయులను ఓడించును. సుమారు క్రీ. పూ. 74–73 సం.
45వ అధ్యాయము
ఆల్మా మాటలను హీలమన్‌ విశ్వసించును—నీఫైయుల నాశనమును ఆల్మా ప్రవచించును—అతడు దేశమును ఆశీర్వదించును మరియు శపించును—మోషే వలే ఆల్మా కూడా ఆత్మ ద్వారా తీసుకొనిపోబడి యుండవచ్చును—సంఘమందు అభిప్రాయ భేదములు పెరుగును. సుమారు క్రీ. పూ. 73 సం.
46వ అధ్యాయము
అమలిక్యా రాజుగా ఉండుటకు కుట్ర పన్నును—మొరోనై స్వేచ్ఛాపతాకమును ఎగురవేయును—వారి మతమును కాపాడుకొనుటకు అతడు జనులను సమకూర్చును—నిజమైన విశ్వాసులు క్రైస్తవులని పిలువబడిరి—యోసేపు యొక్క శేషము కాపాడబడును—అమలిక్యా మరియు అసమ్మతీయులు నీఫై దేశమునకు పారిపోవుదురు—స్వాతంత్ర్యపు ఉద్దేశ్యమును సమర్థించని వారు సంహరించబడిరి. సుమారు క్రీ. పూ. 73–72 సం.
47వ అధ్యాయము
లేమనీయుల యొక్క రాజగుటకు అమలిక్యా వంచన, హత్య మరియు కుట్రను ఉపయోగించును—నీఫైయుల అసమ్మతీయులు లేమనీయుల కంటే అధిక దుర్మార్గులు మరియు భీకరమైన వారు. సుమారు క్రీ. పూ. 72 సం.
48వ అధ్యాయము
అమలిక్యా లేమనీయులను నీఫైయులకు వ్యతిరేకముగా పురిగొల్పును—క్రైస్తవుల ఉద్దేశ్యమును కాపాడుటకు మొరోనై తన జనులను సిద్ధపరచును—అతడు స్వేచ్ఛ మరియు స్వాతంత్ర్యమందు ఆనందించు దేవుని యొక్క బలమైన మనుష్యుడు. సుమారు క్రీ. పూ. 72 సం.
49వ అధ్యాయము
దండెత్తి వచ్చిన లేమనీయులు బలపరచబడిన అమ్మోనైహా మరియు నోవాహ్ పట్టణములను ఆక్రమించలేకపోయిరి—అమలిక్యా దేవుడిని శపించి, మొరోనై రక్తము త్రాగెదనని ఒట్టు పెట్టుకొనును—హీలమన్‌ మరియు అతని సహోదరులు సంఘమును బలపరచుట కొనసాగించెదరు. సుమారు క్రీ. పూ. 72 సం.
50వ అధ్యాయము
నీఫైయుల దేశములను మొరోనై బలపరచును—వారు అనేక క్రొత్త పట్టణములను నిర్మించుదురు—వారి దుష్టత్వము మరియు హేయకరమైన దినములందు నీఫైయులకు యుద్ధములు, నాశనములు సంభవించును—మోరియాంటన్‌ మరియు అతని అసమ్మతీయులు టియాంకమ్ చేత ఓడించబడుదురు—నెఫిహా మరణించును మరియు అతని కుమారుడు పహోరన్‌ న్యాయపీఠమును అధిష్టించును. సుమారు క్రీ. పూ. 72–67 సం.
51వ అధ్యాయము
రాజు-మనుష్యులు చట్టమును మార్చి ఒక రాజును నియమించుటకు కోరుదురు—పహోరన్‌ మరియు స్వతంత్ర మనుష్యులు జనుల స్వరము చేత సహకరించబడుదురు—మొరోనై రాజు-మనుష్యులను వారి దేశమును కాపాడుకొనుటకు లేదా చంపబడుటకు బలవంతము చేయును—అమలిక్యా మరియు లేమనీయులు బలపరచబడిన పట్టణములనేకము స్వాధీనము చేసుకొందురు—టియాంకమ్ లేమనీయుల దాడిని త్రిప్పికొట్టి, అమలిక్యాను అతని గుడారములో సంహరించును. సుమారు క్రీ. పూ. 67–66 సం.
52వ అధ్యాయము
అమలిక్యా తరువాత అమ్మోరోన్‌ లేమనీయుల రాజగును—మొరోనై, టియాంకమ్ మరియు లీహైలు లేమనీయులకు వ్యతిరేకముగా ఒక విజయవంతమైన యుద్ధమందు నీఫైయులను నడిపించుదురు—ములెక్ పట్టణము తిరిగి తీసుకొనబడును మరియు జోరమీయుడైన జేకబ్ సంహరింపబడును. సుమారు క్రీ. పూ. 66–64 సం.
53వ అధ్యాయము
సమృద్ధి పట్టణమును బలపరచుటకు లేమనీయ బందీలు ఉపయోగించబడిరి—నీఫైయుల మధ్య విభేదములు లేమనీయుల విజయములకు దారితీయును—అమ్మోన్ జనుల యొక్క రెండు వేలమంది యువకుమారుల సైన్యాధిపత్యమును హీలమన్‌ తీసుకొనును. సుమారు క్రీ. పూ. 64–63 సం.
54వ అధ్యాయము
అమ్మోరోన్‌ మరియు మొరోనై బందీల మార్పిడి కొరకు సంప్రదించెదరు—లేమనీయులు తమ సైన్యమును ఉపసంహరించుకొని, వారి హత్యాపూర్వకమైన దాడులను ఆపవలెనని మొరోనై కోరును—నీఫైయులు వారి ఆయుధములను పడవేసి, లేమనీయులకు లోబడవలెనని అమ్మోరోన్‌ కోరును. సుమారు క్రీ. పూ. 63 సం.
55వ అధ్యాయము
బందీలను మార్పిడి చేయుటకు మొరోనై తిరస్కరించును—లేమనీయ భటులు త్రాగి మత్తులగుటకు ప్రలోభపెట్టబడుదురు మరియు బందీలైన నీఫైయులు విడిపించబడుదురు—గిడ్‌ పట్టణము రక్తపాతము లేకనే తీసుకొనబడును. సుమారు క్రీ. పూ. 63–62 సం.
56వ అధ్యాయము
లేమనీయులతో యుద్ధము యొక్క పరిస్థితిని వివరించుచూ హీలమన్‌, మొరోనైకి ఒక లేఖ పంపును—ఆంటిపస్ మరియు హీలమన్‌, లేమనీయులపై గొప్ప విజయము పొందెదరు—హీలమన్‌ యొక్క రెండు వేలమంది యువకుమారులు అద్భుతమైన శక్తితో పోరాడుదురు మరియు వారిలో ఒక్కరూ సంహరింపబడలేదు. 1వ వచనము సుమారు క్రీ. పూ. 62 సం; 2–19 వచనములు సుమారు క్రీ. పూ. 66 సం; మరియు 20–57 వచనములు, సుమారు క్రీ. పూ. 65–64 సం.
57వ అధ్యాయము
అంతిపరా స్వాధీనము మరియు క్యుమెని అప్పగింత, తరువాత దాని సంరక్షణను గూర్చి హీలమన్‌ వివరించును—అతని అమ్మోనీయ యువకులు ధైర్యముగా యుద్ధము చేయుదురు; అందరు గాయపడుదురు, కానీ ఎవరూ సంహరింపబడరు—లేమనీయ బందీల యొక్క సంహారము మరియు పలాయనమును గిడ్‌ చెప్పును. సుమారు క్రీ. పూ. 63 సం.
58వ అధ్యాయము
హీలమన్‌, గిడ్‌ మరియు టియోమ్నెర్‌ యుక్తి చేత మాంటై పట్టణమును తీసుకొందురు—లేమనీయులు వెనుకకు వెళ్ళెదరు—వారి స్వాతంత్ర్యమును, విశ్వాసమును కాపాడుకొనుట యందు దృఢముగా నిలిచియున్నందున అమ్మోన్‌ జనుల యొక్క కుమారులు రక్షింపబడుదురు. సుమారు క్రీ. పూ. 63–62 సం.
59వ అధ్యాయము
హీలమన్‌ యొక్క సైన్యములను బలపరచమని మొరోనై పహోరన్‌ను అడుగును—లేమనీయులు నెఫిహా పట్టణమును స్వాధీనపరచుకొందురు—మొరోనై ప్రభుత్వముపై కోపముగా ఉండును. సుమారు క్రీ. పూ. 62 సం.
60వ అధ్యాయము
సైన్యముల పట్ల ప్రభుత్వ నిర్లక్ష్యమును గూర్చి మొరోనై పహోరన్‌కు ఫిర్యాదు చేయును—నీతిమంతులు సంహరించబడుటను ప్రభువు అనుమతించును—తమ శత్రువుల నుండి తమనుతాము విడిపించుకొనుటకు నీఫైయులు వారి సమస్త శక్తి సామర్థ్యములను వినియోగించవలెను—అతని సైన్యములకు సహాయము అందించని యెడల, ప్రభుత్వమునకు వ్యతిరేకముగా యుద్ధము చేయుదునని మొరోనై బెదిరించును. సుమారు క్రీ. పూ. 62 సం.
61వ అధ్యాయము
ప్రభుత్వమునకు వ్యతిరేకముగా జరుగుచున్న తిరుగుబాటు మరియు విప్లవమును గూర్చి పహోరన్‌ మొరోనైకి చెప్పును—రాజు-మనుష్యులు జరహేమ్లను తీసుకొని లేమనీయులతో కలిసియుందురు—తిరుగుబాటుదారులకు వ్యతిరేకముగా పహోరన్‌ సైనిక సహాయము కోరును. సుమారు క్రీ. పూ. 62 సం.
62వ అధ్యాయము
గిడియన్‌ దేశమందు పహోరన్‌కు సహాయపడుటకు మొరోనై వెళ్ళును—తమ దేశమును కాపాడుటకు తిరస్కరించిన రాజు-మనుష్యులు చంపబడిరి—పహోరన్‌ మరియు మొరోనై, నెఫిహాను తిరిగి స్వాదీనపరచుకొందురు—అనేకమంది లేమనీయులు అమ్మోన్‌ యొక్క జనులతో చేరుదురు—టియాంకమ్, అమ్మోరోన్‌ను సంహరించి, తాను కూడా సంహరింపబడును—లేమనీయులు దేశము నుండి తరిమివేయబడి, సమాధానము స్థాపించబడును—హీలమన్‌ పరిచర్య చేయుటకు తిరిగి వచ్చి, సంఘమును నిర్మించును. సుమారు క్రీ. పూ. 62–57 సం.
63వ అధ్యాయము
షిబ్లోన్‌, ఆ తరువాత హీలమన్‌ పవిత్ర గ్రంథములను స్వాధీనపరచుకొందురు—అనేకమంది నీఫైయులు ఉత్తరము వైపు దేశమునకు ప్రయాణము చేయుదురు—హాగోతు ఓడలను నిర్మించును, అవి పడమటి సముద్రములో ప్రయాణించును—మొరోనైహా యుద్ధమందు లేమనీయులను ఓడించును. సుమారు క్రీ. పూ. 56–52 సం.