१ साच्चैँ नै परमप्रभु यसो भन्नुहुन्छ, म तिनीहरूको सबै अतिरिक्त सम्पत्ति सियोनमा मेरो चर्चका बिशपको हातमा सुम्पिन निर्देशन दिन्छु ।

२ मेरो गृहको निर्माणका लागि र सियोनको आधार बसाल्नका लागि र पादरित्व लागि र मेरो चर्चका अध्यक्षताको ऋणका लागि ।

३ अनि यो मेरा मानिसहरूको दशांशको आरम्भ हुने छ ।

४ अनि त्यस पछि, यसरी दशांश दिइएकाहरूले वार्षिक रूपमा आफ्नो सबै ब्याजको दशांश तिर्ने छन्; अनि यो तिनीहरूका लागि सदासर्वदाका लागि स्थायी नियम हुने छ, मेरो पवित्र पादरित्वका लागि, परमप्रभु भन्नुहुन्छ ।

५ साच्चैँ नै म तिमीहरूलाई भन्छु, यस्तो हुन जाने छ कि सियोनको भूमिमा एकत्रित हुनेहरू सबैले तिनीहरूको अतिरिक्त सम्पत्तिको दशांश दिनु पर्छ र तिनीहरूले यो नियम पालना गर्नु पर्छ अन्यथा तिनीहरू तिमीहरूका माझ बस्न योग्य हुने छैनन् ।

६ अनि म तिमीहरूलाई भन्छु, यदि मेरा जनहरूले यसलाई पवित्र राख्न यो नियमको पालना गरेनन् भने र यस नियमद्वारा सियोनको भूमिलाई मेरा लागि पवित्र बनाइएन भने, कि मेरा निर्धारित नियमहरू र मेरा न्यायहरू त्यहाँ राखिन सक्छन्, कि यो सबै भन्दा पवित्र हुन सक्छ, हेर, साच्चैँ नै म तिमीहरूलाई भन्छु, यो तिमीहरूका लागि सियोनको भूमि हुने छैन ।

७ अनि यो सियोनका सबै किलाहरूमा नमुना बन्ने छ । तसर्थ यस्तै हुने छ । आमीन ।