१ हेर, म तिमीलाई भन्छु, ओलिवर, केही वचनहरू । हेर, तिमी आशीषित छौ र तिमी तिरस्कृत छैनौ । परन्तु घमण्डबाट होशियार हुनु, ताकि तिमी प्रलोभनमा पर्न नपरोस् ।

२ चर्चलाई आफ्नो बोलावटको जानकारी देऊ र संसारसामु पनि, अनि तिम्रो हृदय अबदेखि र सदासर्वदाका लागि सत्यको प्रवचन दिन खोलिने छ । आमीन ।

३ हेर, म तिमीलाई केही वचनहरू बोल्छु, हाइरम; किनकि तिमी पनि तिरस्कृत छैनौ र तिम्रो हृदय खोलिएको छ र तिमीलाई बोल्ने क्षमता दिइएको छ; अनि तिम्रो बोलावट चर्चलाई निरन्तर प्रोत्साहन गर्न र मजबुत बनाउनका लागि हो । यसकारण तिम्रो कर्तव्य चर्चमा सदासर्वदाका लागि हो र यो तिम्रो परिवारको कारण हो । आमीन ।

४ हेर, म तिमीलाई केही वचनहरू बोल्छु, स्यामूएल; किनकि तिमी पनि तिरस्कृत छैनौ र तिम्रो बोलावट चर्चलाई प्रोत्साहन गर्न र मजबुत बनाउनका लागि हो; र तिमीलाई अझै यो संसारसामु प्रवचन दिन बोलावट गरिएको छैन । आमीन ।

५ हेर, म तिमीलाई केही वचनहरू बोल्छु, जोसेफ; किनकि तिमी पनि तिरस्कृत छैनौ र तिम्रो बोलावट पनि चर्चलाई प्रोत्साहन गर्न र मजबुत बनाउनका लागि हो; र अहिलेबाट अनि सदासर्वदाका लागि यो तिम्रो कर्तव्य हो । आमीन ।

६ हेर, म तिमीलाई प्रकट गर्छु, जोसेफ नाइट, यी वचनहरूद्वारा कि, तिमीले आफ्नो क्रूस बोक्नु पर्छ, जसमा तिमीले उच्च स्वर र गोप्य रूपमा अनि तिम्रो परिवारसामु अनि तिम्रो साथीहरूका माझमा अनि सबै स्थानहरूमा प्रार्थना गर्नु पर्छ ।

७ अनि, हेर, सत्य चर्चसँग एकताबद्ध हुनु तिम्रो कर्तव्य हो, अनि तिमीले निरन्तर रूपमा प्रोत्साहनको भाषा बोलनू, ताकि तिमीले श्रमिकको पुरस्कार प्राप्त गर्न सक्छौ । आमीन ।