१ तिम्रा परमप्रभुको आवाजलाई सुन जब म तिमीलाई बोल्छु, मेरी छोरी एमा स्मिथ; किनकि साँच्चै नै म तिमीलाई भन्छु, मेरा सुसमाचारलाई प्राप्त गर्नेहरू सबै मेरा अधिराज्यमा छोराहरू र छोरीहरू हुन् ।

२ मेरा चाहनाका सम्बन्धमा तिमीलाई एक प्रकाश दिन्छु; यदि तिमी आस्थावान छौ र सद्गुणको मार्गमा मेरासामु हिँद्छौ भने, म तिम्रो जीवनको संरक्षण गर्छु अनि तिमीले सियोनमा उत्तराधिकार प्राप्त गर्ने छौ ।

३ हेर, तिम्रा पापहरूबाट तिमीलाई क्षमा गरिएको छ, अनि तिमी चुनिएकी महिला हौ, जसलाई मैले बोलावट गरेको छु ।

४ तिमीले नदेखेका विषयहरूका कारण गनगन नगर, किनकि तिनीहरू तिमीबाट र संसारबाट स्थगित गरिएको छ, जुन आउने समयका लागि ममा ज्ञान छ ।

५ अनि तिम्रो बोलावटको विभाग मेरा सेवक जोसेफ स्मिथ जुनियर, तिम्रा श्रीमानका आश्वाशनका लागि हुने छ, उनको कष्टमा, सानत्वोनाका वचनहरूका साथ, विनम्रताको भावनामा ।

६ अनि तिमी उनको जाने समयमा उनको साथमा जाने छौ र उनका लागि शास्त्री बन्नु, जबसम्म उनका लागि शास्त्री बन्न कोही हुने छैन, ताकि म मेरा सेवक ओलिवर काउड्रीलाई पठाउने छु, जहाँ म चाहन्छु ।

७ अनि तिमीलाई उनका हातहरू राखेर, मेरा आत्माद्वारा तिमीलाई दिइएअनुसार धर्मशास्त्रहरूको व्याख्या गर्न र चर्चलाई प्रोत्साहित गर्न नियुक्त गरिने छ ।

८ किनकि उनले तिमीमाथि आफ्नो हात राख्ने छन् र तिमीले पवित्र आत्मा प्राप्त गर्ने छौ, अनि लेख्न र अझै बढी सिक्न तिम्रो समय दिइनु पर्छ ।

९ अनि तिमीले डराउनु पर्दैन, किनकि तिम्रा श्रीमानले तिमीलाई चर्चमा साथ दिने छन्; किनकि उनको बोलावट तिनीहरूका लागि हो, ताकि म जे चाहन्छु, तिनीहरूको आस्था अनुसार सबै विषयहरू तिनीहरूमा प्रकट हुन सक्छन् ।

१० अनि साँच्चै नै म तिमीलाई भन्छु कि तिमीले यस संसारका विषयहरूलाई त्याग्नु पर्छ र अझ राम्रा विषयहरूको खोजी गर्नु पर्छ ।

११ अनि तिमीलाई पवित्र भजनहरूका छनोट गर्न पनि दिइने छ, जसरी यो तिमीलाई दिइन्छ, जुन मेरा चर्चमा भएकोमा मेरा लागि आनन्ददायक छ ।

१२ किनकि मेरो आत्मा हृदयको गीतमा आनन्दित हुन्छ; हो धर्मीहरूको गीत मेरा लागि प्रार्थना हो र यसको प्रतिउत्तर तिनीहरूका शिरहरूमा आशीर्वादका साथ दिइने छ ।

१३ यसकारण, आफ्नो हृदय उचाल र आनन्दित होऔ र तिमीले गरेका करारहरूमा रहिरहनू ।

१४ विनम्रताको भावनामा निरन्तरता दिनू र घमण्डबाट सावधान हुनू । तिम्रो आत्मा तिम्रो श्रीमानमा र उनीमाथि आउने महिमामा रमाओस् ।

१५ मेरा आज्ञाहरूको निरन्तर पालना गर्नु अनि तिमीले धार्मिकताको मुकुट प्राप्त गर्ने छौ । अनि तिमीले यसो गरेनौ भने, म भएको स्थानमा तिमी आउन सक्ने छैनौ ।

१६ अनि साच्चैँ नै, साच्चैँ नै, म तिमीलाई भन्छु कि सबैका लागि यो मेरो आवाज हो । आमीन ।