፩ እነሆ፣ እንዲህ እልሀለሁ፣ ኦሊቨር፣ በአጽናኙ የሰጠሁትን ራእዮች እና ትእዛዛትን በተመለከተ የምታስተምራቸው ነገሮች ሁሉ በቤተክርስቲያን እንድትሰማ ለአንተ ይሰጥሀል።

፪ ነገር ግን፣ እነሆ፣ እውነት እውነት እልሀለሁ፣ በዚህ ቤተክርስቲያን ውስጥ ከአገልጋዬ ከጆሴፍ ስሚዝ፣ ዳግማዊ በስተቀር ማንም ሰው ትእዛዛትን እና ራእዮችን እንዲቀበል አይሾምም፣ እርሱም እንደ ሙሴ ሁሉ ይቀበላቸዋል።

፫ እና አንተም፣ ልክ እንደ አሮን፣ ለእርሱ ለምሰጣቸውን ነገሮች፣ በእምነት ትዛዛቱን እና ራእዮቹን በኃይል እና በስልጣን ለቤተክርስቲያኗ ለማወጅ ታዛዥ ትሆናለህ።

፬ እናም ለመናገር ወይም ለማስተማር በአጽናኙ ወይም በሁሉም ጊዜ ለቤተክርስቲያኗ በትእዛዝ መልክ ከተመራህ፣ ይህንንም ልታደርገው ትችላለህ።

፭ ነገር ግን በጥበብ እንጂ በትእዛዝ መልክ አትጻፍ፤

፮ እናም የቤተክርስቲያኗ የበላይ እና ከአንተም የበላይ የሆነውን አታዝዘውም፤

፯ ስለሆነም በእርሱ ምትክ ሌላ አስክሾም ድረስ የሚስጥራትን ቁልፎች እና የታተሙትን ራዕዮች ሰጥቼዋለሁ።

፰ እናም፣ እነሆ፣ እልሀለሁ ወደላማናውያን ሄደህ ወንጌሌን ትሰብክላቸዋለህ፤ እናም ትምህርትህን በተቀበሉ መጠን በመካከላቸው ቤተክርስቲያኔን ትመሰርታለህ፤ እናም ራእዬን ትቀበላለህ ነገር ግን በትእዛዝ መልክ አትጻፋቸው።

፱ እናም አሁን፣ እነሆ፣ እልሀለሁ፣ ይህ አልተገለጠም፣ እናም የፅዮን ከተማ የት እንዲሚገነባ ማንም አያውቅም፣ ነገር ግን ከዚህ በኋላ ይሰጣል። እነሆ እልሀለሁ፣ በላማናውያን ድንበር ላይ ይሆናል።

፲ ጉባዔው እስኪፈጸም ድረስ ከዚህ ስፍራ እንዳትሄድ፤ እናም አገልጋዬ ጆሴፍ በጉባኤውም ድምጽ ጉባዔውን እንዲመራ ይሾማል፣ እናም የሚልህን ሁሉ ትናገራለህ።

፲፩ እናም ዳግም፣ ወንድምህን ሀይረም ፔጅን ወስደህ በአንተ እና በእርሱ መካከል ብቻ ከድንጋዩ የጻፈው ነገሮች ከእኔ እንዳልሆኑ እና ሰይጣንም እንዳታለለው ንገረው።

፲፪ ስለሆነም፣ እነሆ እነዚህ ነገሮች ለእርሱ አልተሰጡትም፣ ማናቸውም ነገሮች ቢሆኑ ለማንም የቤተክርስቲያን አባል የቤተክርስቲያኗን ቃል ኪዳን በሚጻረር መልክ አይሰጠውም።

፲፫ ስለሆነም ሁሉም ነገሮች በስራዐት እና በቤተክርስቲያኗ ውስጥ በጋራ ስምምነት፣ በእምነት ጸሎት መከናወን አለባቸው።

፲፬ እናም በላማናውያን መካከል ከመሄድህ በፊት እንደ ቤተክርስቲያኗ ቃል ኪዳን መሰረት ይህ ነገር እንዲረጋጋ ትረዳለህ።

፲፭ እናም ከምትሄድበት ጊዜ ጀምሮ እስከምትመለስበት ጊዜ ድረስ የምታከናውነው ነገር ይሰጥሀል።

፲፮ እናም ወንጌሌን በደስታ ድምጽ በማወጅ በሁሉም ጊዜ አንደበትህን መክፈት ይገባሀል። አሜን።