ስሚዝ፣ ጆሴፍ ዳግማዊ

የኢየሱስ ክርስቶስ እውነተኛ ቤተክርስቲያንን በምድር ላይ በዳግም ለመመለስ የተመረጠ ነቢይ። ጆሴፍ ስሚዝ በዩናይትድ ስቴትስ ኦፍ አሜሪካ በቨርሞንት ስቴት ውስጥ ተወለደ እናም ከ፲፰፻፭ እስከ ፲፰፻፵፬ (እ.አ.አ.) ድረስ በህይወት ኖረ።

በ፲፰፻፳ (እ.አ.አ.)፣ እግዚአብሔር አብ እና ኢየሱስ ክርስቶስ በጆሴፍ ታዩ፣ እናም በምድር ካሉት ቤተክርስቲያኖች መካከል ማንኛቸውም እውነተኛ እንዳልሆኑ ተማረ (ጆ.ስ.—ታ. ፩፥፩–፳)። በኋላም በአሜሪካ ክፍለ አህጉር ላይ ይኖሩ የነበሩ የጥንት ህዝቦችን መዝገብ የያዘውን የወርቅ ሰሌዳ የተደበቀበትን ቦታ በገለጸለት በመልአክ ሞሮኒ ተጎበኘ (ጆ.ስ.—ታ. ፩፥፳፱–፶፬)።

ጆሴፍ የወርቅ ሰሌዳዎችን ተረጎመ እናም በ፲፰፻፴ (እ.አ.አ.) እንደ መፅሐፈ ሞርሞን አተማቸው (ጆ.ስ.—ታ. ፩፥፷፮–፷፯፣ ፸፭)። በ፲፰፻፳፱ (እ.አ.አ.)፣ ክህነትን ከመጥምቁ ዮሐንስ፣ እናም ከጴጥሮስ፣ ከያዕቆብ፣ እና ከዮሐንስ ተቀበሉ። (ት. እና ቃ. ፲፫፤ ፳፯፥፲፪፤ ፻፳፰፥፳፤ ጆ.ስ.—ታ. ፩፥፷፰–፸)።

በእግዚአብሔር እንደተመራም፣ በሚያዝያ ፮፣ ፲፰፻፴ (እ.አ.አ.) ጆሴፍ እና ብዙ ሌሎች ዳግም የተመለሰችውን የኢየሱስ ክርቶስ ቤተክርስቲያን አደራጁ። (ት. እና ቃ. ፳፥፩–፬)። በጆሴፍ አመራር፣ በካናዳ፣ በእንግሊዝ፣ እና በዮናይትር ስቴትስ በምስራቅ ክፍሎች፣ በልዩም በኦሀዮ፣ በምዙሪ፣ እናም በኢለኖይ ውስጥ፣ ቤተክርስቲያኗ አደገች። ጠንካራ መሳደድ ጆሴፍን እና ቅዱሳንን የትም በሚሰፍሩበት ቦታዎች ሁሉ ተከተሏቸው። በሰኔ ፳፯፣ ፲፰፻፵፬ (እ.አ.አ.)፣ ጆሴፍ እና ወንድሙ ሀይረም በካርቴጅ ኢለኖይ፣ በዩናይትድ ስቴትስ ኦፍ አሜሪካ ውስጥ ሰማዕት ሆኑ።