ኢየሩሳሌም

በእዚህ ዘመን እስራኤል ውስጥ የምትገኝ ከተማ። በታሪካዊ መፅሐፍ ቅዱስ ውስጥ ታላቅ አስፈላጊነት የነበራት ከተማ ናት። ለክርስቲያኖች፣ ለአይሁዶች፣ እና ለእስላሞች ከሁሉም የሚበልጡ አንዳንድ ቅዱስ ቦታዎች በእዚህች ከተማ ውስጥ ይገኛሉ እናም በታማኝ አማኞች በየጊዜው ይጎበኛሉ። ብዙም ጊዜ ቅዱስ ከተማ ተብሎ ይጠራል።

አንድ ጊዜ ሳሌም ተብላ ትታወቅ የነበረችው (ዘፍጥ. ፲፬፥፲፰፤ መዝ. ፸፮፥፪)፣ ኢየሩሳሌም በዳዊት እስከተያዘች ድረስ የኢያቡሳውያን ከተማ ነበረች (ኢያ. ፲፥፩፤ ፲፭፥፰፤ ፪ ሳሙ. ፭፥፮–፯)። እስከዚያም ድረስ ከባህር በላይ ፰፻ ሜትር ከፍ ያለች እንደ ተራራ መሸሸጊያ የምትጠቅም ነበረች። ከሰሜን በስተቀር በሁሉም በኩል በጥልቅ ሸለቆዎች የተከበበች ነበረች።

በኢየሩሳሌም ንጉስ ዳዊት በነገሰበት ዘመን፣ የእንጨት ቤተመንግስት ውስጥ ይኖር ነበር። ነገር ግን፣ በሰለሞን ዘመን መንግስት፣ ህዝቡ ከተማዋን ለማስዋብ የንጉስን ቤተመንግስት እና ቤተመቅደስ ከመገንባት በተጨማሪ ብዙ ነገሮች አደረጉ።

የእስራኤል እና የይሁዳ መንግስቶች ከተከፋፈሉ በኋላ፣ ኢየሩሳሌም የይሁዳ ዋና ከተማ ነበረች። በሚወርሩ ሰራዊቶች ብዙ ጊዜ ተጠቅታ ነበር (፩ ነገሥ. ፲፬፥፳፭፤ ፪ ነገሥ. ፲፬፥፲፫፤ ፲፮፥፭፤ ፲፰–፲፱፤ ፳፬፥፲፤ ፳፭)። በሕዝቅያስ ስር፣ ኢየሩሳሌም የሀይማኖት ማምለኪያ ዋና ቦታ ሆነች ነገር ግን በ፫፻፳ ም.ዓ.፣ በ፻፷፰ ም.ዓ.፣ እና በ፷፭ ም.ዓ. በግማሽ ተደምስሳ ነበር። ሄሮድስ ግድግዳውን እና ቤተመቅደስን እንደገና ገነባ፣ ነገር ግን በ፸ ዓ.ም. በሙሉ ተደመሰሰች።