१ हेर, म तिमीहरूलाई भन्छु, मेरा सेवकहरू एज्रा र नोर्थ्रप, तिमीहरूका कान खोल र परमप्रभु तिमीहरूका परमेश्वरका वाणीलाई सुन, जसका वचन जिउँदा र शक्तिशाली छन्, जोर्नीहरू र हड्डीको मासीलाई टुक्रा टुक्रा पार्ने दुईधारे तरवारभन्दा पनि धारिला छन्, अन्तस्करण र आत्माका; अनि कुनै हृदयका विवेकी विचार र अभिप्राय हुन् ।

२ किनकि साच्चैँ नै, साच्चैँ नै, म तिमीहरूलाई भन्छु कि तिमीहरूलाई तुरहीको आवाज जस्तै आफ्नो आवाज उच्च पार्दै मेरो सुसमाचारलाई कुटिल र पथभ्रष्ट सन्ततिसामु घोषणा गर्न बोलावट गरिएको छ ।

३ किनकि हेर, बाली काट्नका लागि सेतो भएको छ; र यो एघारौं घण्टा हो र अन्तिम समय हो जब म मजदुरहरूलाई मेरो अङ्गुरको बगैँचामा बोलाउने छु ।

४ अनि मेरो अङ्गुरको बगैँचाको प्रत्येक कण भ्रष्ट पारिएको छ; अनि थोरै बाहेक राम्रो गर्ने त्यहाँ कोही पनि छैन; र तिनीहरूका पाखण्डीपनका कारण, सबैको मस्तिष्क भ्रष्ट भएका कारण धेरै दृष्टान्तहरूमा गल्ती गर्छन् ।

५ अनि साच्चैँ नै, साच्चैँ नै, म तिमीहरूलाई भन्छु कि मैले यो चर्च स्थापना गरेको छु र उजाडस्थानबाट बाहिर बोलाएको छु ।

६ अनि त्यसरी नै म पृथ्वीका चारै क्षेत्रहरूबाट मेरा चुनिएकाहरूलाई एकत्रित पार्ने छु, यहाँ सम्म कि जति धेरैले ममा विश्वास गर्ने छन् र मेरा वाणी सुन्ने छन् ।

७ हो, साच्चैँ नै, साच्चैँ नै, तिमीहरूलाई भन्छु कि बाली काट्नका लागि सेतो भएको छ; त्यसकारण, आफ्नो हँसियामा जोडले हानेर तिम्रो सम्पूर्ण क्षमता, मस्तिष्क र सामर्थ्यले कटनी गर ।

८ तिमीहरूका मुख खोल र ती भरिने छन् र तिमीहरू प्राचीन कालका नफी जस्तै बन्नेछौ, जसले यरूशलेमबाट उजाडस्थानसम्म यात्रा गरेका थिए ।

९ हो, आफ्नो मुख खोल र नछोड र तिमीहरूलाई तिमीहरूका पीठमा बिटा बोकाइएको हुने छ, अनि हेर, म तिमीहरूका साथमा छु ।

१० हो, आफ्नो मुख खोल र तिनीहरू यसो भन्दै भरिने छन्: पश्चात्ताप गर, पश्चात्ताप गर र तिमीहरूले परमप्रभुको मार्ग तयार गर र उहाँका मार्गहरू सिधा बनाऊ; किनकि स्वर्गको अधिराज्य नजिकै छ;

११ हो, पश्चात्ताप गर र बप्तिस्मा लिओ, तिमीहरू प्रत्येकले आफ्ना पापहरूबाट छुट्कारा प्राप्त गर्नका लागि; हो, पानीबाट पनि बप्तिस्मा लिओ, र त्यसपछि आगोको र पवित्र आत्माको बप्तिस्मा आउँछ ।

१२ हेर, साच्चैँ नै, साच्चैँ नै, म तिमीहरूलाई भन्छु, यो मेरो सुसमाचार हो; र स्मरण रहोस् कि तिनीहरूले ममा आस्था गर्नु पर्छ वा तिनीहरूले कुनै पनि स्थितिमा मुक्ति पाउन सक्दैनन्;

१३ अनि यस चट्टानमाथि म मेरो चर्च निर्माण गर्ने छु; हो, यो चट्टानमा तिमीहरू निर्मित छौ अनि यदि तिमीहरूले जारी राख्यौ भने, नरकका ढोकाहरू तिमीहरू विरुद्ध विजयी हुने छैनन् ।

१४ अनि तिमीहरूले चर्चका लेखहरू र करारहरूलाई पालना गर्नका लागि सम्झनु पर्छ ।

१५ अनि जसमा आस्था छ तिमीहरूले मेरो चर्चमा हात राखेर प्रमाणित गर्ने छौ र म तिनीहरूलाई पवित्र आत्माको उपहार दिने छु ।

१६ अनि मोर्मोनको पुस्तक र पवित्र धर्मशास्त्रहरू तिमीहरूका निर्देशनका लागि मबाट दिइएका छन्; र मेरो आत्माको शक्तिले सबै विषयहरूलाई जीवित पार्छ ।

१७ यसकारण, आस्थावान् बन, सदासर्वदा प्रार्थना गर्दै, तिमीहरूका दीपहरू काटेर अनि बाल्दै र तेल तिमीहरूसँगै राख, ताकि तिमीहरू वरको आगमनमा तयार हुन सक्छौ—

१८ किनकि हेर, साच्चैँ नै, साच्चैँ नै, म तिमीहरूलाई भन्छु, कि म छिट्टै आउँछु । तसर्थ यस्तै हुने छ । आमीन ।