१ मेरा पुत्र ओर्सन, सुन र सूचित बन अनि हेर, म, परमप्रभु परमेश्वर, यहाँसम्म कि तिम्रा उद्धारकर्ता येशू ख्रीष्ट, तिमीलाई के भन्न चाहन्छु;

२ संसारको ज्योति र जीवन, एक ज्योति जुन अन्धकारमा चम्किन्छ र अन्धकारले यसलाई बुझ्दैन;

३ जसले संसारलाई यति धेरै प्रेम गर्नुभयो कि उहाँले आफ्नै जीवन अर्पण गर्नुभयो, कि जति धेरैले विश्वास गर्ने छन् परमेश्वरका छोराहरू बन्न सक्छन् । यसकारण तिमी मेरा पुत्र हौ;

४ अनि तिमी आशीषित छौ किनकि तिमीले विश्वास गरेका छौ;

५ अनि तिमी अझै बढी आशीषित छौ किनभने मेरो सुसमाचारको प्रवचन दिन तिमीलाई मबाट बोलावट गरिएको छ—

६ तुरहीको आवाज जस्तै आफ्नो आवाजलाई लामो र चर्को दुबै रूपमा उच्च पार्न र उहाँको दोस्रो आगमनका लागि परमप्रभुको मार्ग तयार गर्दै, कुटिल र पथभ्रष्ट सन्ततिहरूकहाँ पश्चात्तापको आवाज उठाऊ ।

७ किनकि हेर, साच्चैँ नै, साच्चैँ नै, म तिमीहरूलाई भन्छु, समय छिट्टै नजिक छ कि म शक्ति र महान् महिमाका साथ एक बादलमा आउने छु ।

८ अनि मेरो आगमनको समयमा यो एक महान् दिन हुने छ, किनकि सबै राष्ट्रहरू थरथर काप्ने छन् ।

९ परन्तु त्यो महान् दिन आउनुपूर्व, सूर्य अँध्यारो हुने छ र चन्द्रमा रगतमा परिणत हुने छ; अनि ताराहरूले तिनीहरूको चमकलाई अस्वीकार गर्ने छन् र केही पतन हुने छन् र महान् विनाशहरूले दुष्टहरूको प्रतिक्षा गर्ने छन् ।

१० यसकारण, आफ्नो आवाजलाई उच्च पार र नछोड, किनकि परमप्रभु परमेश्वरले भन्नुभएको छ; त्यसकारण अगमवाणी गर र यो पवित्र आत्माको शक्तिद्वारा दिइने छ ।

११ अनि यदि तिमी आस्थावान् छौ भने, हेर, म नआउँदासम्म म तिमीसँगै छु—

१२ अनि साच्चैँ नै, साच्चैँ नै, म तिमीहरूलाई भन्छु कि, म छिट्टै आउँछु । म तिम्रो परमप्रभु र तिम्रो उद्धारकर्ता हुँ । तसर्थ यस्तै हुने छ । आमीन ।