፩ ልጄ ኦርሰን፣ እኔ ጌታ አምላክ፣ እናም እንዲሁም ቤዛህን ኢየሱስ ክርስቶስ ለአንተ የምንናገረውን ስማ እናም አድምጥ፣ እንዲሁም ተመልከት፤

፪ በጭለማ የሚያበራ እና ጭለማም የማይረዳውን፣ እኔ የአለም ብርሀን እና ሕይወት የሆንኩትን፤

፫ ያመኑ ሁሉ የእግዚአብሔር ልጆች ይሆኑ ዘንድ አለምን በመውደድ እርሱ ህይወቱን አሳልፎ የሰጠውን ስማ እናም አድምጥ፣ እንዲሁም ተመልከት። ስለዚህም አንተ ልጄ ነህ፤

፬ እናም በማመንህ ምክንያት የተባረክ ነህ፤

፭ እናም ይበልጡን የተባረክ ነህ ምክንያቱም ወንጌሌን እንድትሰብክ በእኔ ተጠርተሀል—

፮ ለጠማማና ክፉ ትውልዶች፣ ለዳግም ምፅአቱ የጌታን መንገድ በማዘጋጀት ንስሀን ጩህ እናም ረጅም እና ጉልህ እንደሆነው መለከት ድምጽ ድምጽህን ከፍ አድርግ።

፯ እነሆ፣ እውነት፣ እውነት፣ እልሀለሁ፣ በኃይልና በታላቅ ክብር በደመና ውስጥ የምመጣበት ጊዜ ተቃርቧልና።

፰ እናም ሁሉም ህዝብ ስለሚንቀጠቀጡ፣ የምጽአቴም ጊዜ ታላቅ ቀን ይሆናል።

፱ ነገር ግን ያ ታላቁ ቀን ከመምጣቱ በፊት፣ ጸሀይ ትጨልማለች፣ ጨረቃም ወደ ደምነት ትለወጣለች፤ እናም ከዋክብትም ብርሀናቸውን መስጠት ይከለክላሉ፣ አንዳንዶቹም ይወድቃሉ፣ እና ታላቅ ጥፋትም ኃጢአተኞችን ይጠብቃቸዋል።

፲ ስለዚህም፣ ጌታ እግዚአብሔር ስለተናገረ፣ ድምጽህን ከፍ አድርገህ ከመናገር አትቆጠብ፣ ስለዚህ ትንቢትን ተናገር፣ እና ይህም በመንፈስ ቅዱስ ሀይል አማካይነት ይሰጣል።

፲፩ እናም እምነት ካለህ፣ እነሆ፣ እስከምመጣ ድረስ እኔም ከአንተ ጋር ዘወትር እሆናለሁ—

፲፪ እናም እውነት፣ እውነት፣ እልሀለሁ፣ በቶሎም እመጣለሁ። እኔ ጌታህ እና ቤዛህ ነኝ። እንዲህም ይሁን። አሜን።