१ हे मेरो चर्चका एल्डरहरू, सुन, जसले मेरो नाममा तिमीहरू स्वयम् लाई एकसाथ एकत्रित गरेका छौ, जीवित परमेश्वरका पुत्र, संसारका मुक्तिदाता यहाँ सम्म कि येशू ख्रीष्ट समेत; किनकि तिमीहरूले जहाँसम्म मेरो नाममा विश्वास गर्छौ अनि मेरा आज्ञाहरू पालन गर्छौ ।

२ पुनः म तिमीहरूलाई भन्छु, मैले तिमीहरूलाई दिने नियमलाई सुन, ध्यान देऊ र पालना गर ।

३ किनकि म साच्चैँ नै भन्छु, जसरी मैले तिमीहरूलाई आज्ञा दिएअनुसार तिमीहरूले आफू स्वयम् लाई एकत्रित गरेका छौ र यो एउटै विषयमा सहमत भएका छौ र मेरो नाममा पितासँग पुकारेका छौ, त्यसरी नै तिमीहरूले प्राप्त गर्ने छौ ।

४ हेर, साच्चैँ नै म तिमीहरूलाई भन्छु, म तिमीहरूलाई यो पहिलो आज्ञा दिन्छु, कि मेरा सेवकहरू जोसेफ स्मिथ, जुनियर र सिड्नी रिग्डनबाहेक तिमीहरू सबै मेरो नाममा अगाडि जाने छौ ।

५ अनि म तिनीहरूलाई आज्ञा दिन्छु कि तिनीहरू केही समयका लागि बाहिर जाने छन् र तिनीहरू फर्केर आउँदा यो आत्माको शक्तिद्वारा दिइने छ ।

६ अनि तिमीहरू मेरो आत्माको शक्तिमा, मेरो सुसमाचारको प्रवचन गर्दै, दुई-दुई गरेर, मेरो नाममा, तुरहीको आवाजले जस्तै आफ्नो आवाज उच्च पार्दै, परमेश्वरका स्वर्गदूतहरूजस्तै मेरा वचन घोषणा गर्दै अगाडि जानु पर्छ ।

७ अनि तिमीहरू पानीले बप्तिस्मा गर्दै यसो भन्दै जानेछौ: पश्चात्ताप गर, पश्चात्ताप गर, किनकि स्वर्गको अधिराज्य नजिकै छ ।

८ अनि यस ठाउँबाट तिमीहरू पश्चिम तर्फका भू-भागहरूमा जानु पर्दछ; र जहाँसम्म तिमीहरूले आफूहरूलाई ग्रहण गर्नेहरू भेट्टाउने छौ तिमीहरूले हरेक भूमिमा मेरो चर्चको निर्माण गर्ने छौ—

९ जब त्यो समय आउँछ यो तिमीहरूलाई माथिबाट प्रकट हुने छ, जब नयाँ यरूशलेमको सहर तयार हुने छ, कि तिमीहरू एक स्थानमा एकत्रित हुन सक्छौ, कि तिमीहरू मेरा जनहरू हुन सक्छौ र म तिमीहरूका परमेश्वर हुने छु ।

१० अनि पुनः, म तिमीहरूलाई भन्छु, कि मेरा सेवक एडवर्ड पार्ट्रिज मैले उनलाई नियुक्त गरेको विभागमा उभिने छ । अनि यस्तो हुन जाने छ, कि यदि उनले उल्लङ्घन गरेमा उनको स्थानमा अर्को नियुक्त गरिने छ । तसर्थ यस्तै हुने छ । आमीन ।

११ पुनः म तिमीहरूलाई भन्छु, कि कसैलाई मेरो सुसमाचारको प्रवचन दिन वा मेरो चर्च निर्माण गर्न अघि जाने अधिकार दिइने छैन, बाहेक उसलाई अधिकार भएको कसैद्वारा नियुक्त गरिएको हुनु पर्छ र चर्चलाई यो जानकारी हुनु पर्छ कि ऊसँग अधिकार छ र चर्चका प्रमुखहरूद्वारा नियमित रूपमा नियुक्त गरिएको छ ।

१२ अनि पुनः, यस चर्चका एल्डरहरू, पादरीहरू र शिक्षकहरूले मेरो सुसमाचारका सिद्धान्तहरू सिकाउने छन्, जुन बाइबल र मोर्मोनको पुस्तकमा छन्, जसमा सुसमाचारको परिपूर्णता छ ।

१३ अनि तिनीहरूले ती करारहरू र चर्चका लेखहरू पालन गर्ने छन् र जसरी तिनीहरू आत्माद्वारा निर्देशित हुने छन्, यी तिनीहरूका शिक्षाहरू हुनु पर्छ ।

१४ अनि आस्थाको प्रार्थनाद्वारा तिमीहरूलाई आत्मा दिइने छ; र यदि तिमीहरूले आत्मा प्राप्त गरेनौ भने तिमीहरूले सिकाउने छैनौ ।

१५ अनि जबसम्म मेरा धर्मशास्त्रहरूको परिपूर्णता दिइँदैन, यी सबै तिमीहरूले आफ्नो शिक्षाका सम्बन्धमा मैले आज्ञा दिए अनुसार गर्नका लागि पालन गर्नु पर्छ ।

१६ अनि जसरी तिमीहरूले आफ्ना आवाजहरू आश्वासीद्वारा उठाउनेछौ, तिमीहरूले मलाई जे असल लाग्दछ त्यस्तै बोल्ने छौ र अगमवाणी गर्ने छौ;

१७ किनकि, हेर, आश्वासीले सबै विषयहरू जान्दछ र पिता र पुत्रको अभिलेख बहन गर्छ ।

१८ अनि अब, हेर, म चर्चसामु बोल्छु । तिमीहरूले हत्या गर्नु हुँदैन; र जसले हत्या गर्छ उसलाई यस संसारमा न त आउने संसारमा क्षमापन मिल्ने छ ।

१९ अनि पुनः, म भन्छु, तिमीले हत्या गर्नु हुँदैन; परन्तु ऊ जसले हत्या गर्छ ऊ मर्ने छ ।

२० तिमीहरूले चोर्नु हुँदैन; र जसले चोर्छ र पश्चात्ताप गर्दैन उसलाई बाहिर निकाला गर्नु पर्छ ।

२१ तिमीहरूले झूटो बोल्नु हुँदैन; जसले झूटो बोल्छ र पश्चात्ताप गर्दैन उसलाई बाहिर निकाला गर्नु पर्छ ।

२२ तिमीहरूले आफ्नी पत्नीलाई आफ्नो सम्पूर्ण हृदयले प्रेम गर्नु पर्छ र उनीप्रति आस्थावान् हुनु पर्छ र अरू कसैसँग होइन ।

२३ अनि जसले एउटी स्त्रीलाई उसको कामवासनाको इच्छाले हेर्छ, उसले आस्थालाई अस्वीकार गर्ने छ र उसले आत्मा पाउने छैन; अनि यदि उसले पश्चात्ताप गर्दैन भने उसलाई बाहिर निकाला गर्नु पर्छ ।

२४ तिमीहरूले व्यभिचार गर्नु हुँदैन; अनि जसले व्यभिचार गर्छ, र पश्चात्ताप गर्दैन, त्यसलाई बाहिर निकाला गर्नु पर्छ ।

२५ परन्तु जसले व्यभिचार गरेको छ र आफ्नो सम्पूर्ण हृदयले पश्चात्ताप गर्छ र त्यसलाई त्याग्छ, र त्यसो पुनः कहिल्यै गर्दैन, उसलाई तिमीले क्षमा गर्नु पर्छ;

२६ परन्तु यदि उसले पुनः त्यसो गर्छ भने, उसलाई क्षमा दिइने छैन, तर बाहिर निकाला गर्नु पर्छ ।

२७ तिमीहरूले आफ्नो छिमेकीलाई दुष्ट बोल्नुहुँदैन, न त उनलाई कुनै हानि नै गर्नुहुन्छ ।

२८ यी विषयहरूका सम्बन्धमा मेरा नियमहरू मेरा धर्मशास्त्रहरूमा दिइएका छन्; भनेर तिमीलाई थाहा छ जसले पाप गर्छ र पश्चात्ताप गर्दैन उसलाई बाहिर निकाला गर्नु पर्छ ।

२९ यदि तिमीहरूले मलाई प्रेम गर्छौ भने तिमीहरूले मेरो सेवा गर्नु पर्छ र मेरा सबै आज्ञाहरू पालना गर्नु पर्छ ।

३० अनि हेर, तिमीहरूले गरिबहरूलाई सम्झने छौ र तिनीहरूको जीविकोपार्जनका लागि आफ्ना धनसम्पत्तिहरूलाई समर्पित गर्ने छौ जुन तिमीले तिनीहरूलाई छुट्याएर दिनु पर्छ, करार र एक कागजात साथ जसलाई तोड्न सकिँदैन ।

३१ अनि जहाँसम्म तिमीहरूले गरिबहरूलाई आफ्ना सम्पत्तिहरू छुट्याएर दिन्छौ, यो तिमीहरूले मलाई गर्ने छौ; र तिनीहरूलाई मेरो चर्चका बिशप र उहाँका सल्लाहकारहरू, दुईजना एल्डरहरू, वा उच्च पादरीहरूका अगाडि राखिने छ, जस्तै कि उनले नियुक्त गर्ने छन् वा नियुक्त गरेका छन् वा त्यस उद्देश्यका लागि छुट्याइएको छ ।

३२ अनि यस्तो हुन जाने छ, कि तिनीहरूलाई मेरो चर्चका बिशपसामु राखिए पछि अनि त्यस पछि उनले मेरो चर्चका सम्पत्तिहरूको पवित्रीकरणका सम्बन्धमा यी प्रमाणहरू प्राप्त गरिसकेपछि, कि मेरा आज्ञाहरूका अनुरूप बाहेक तिनीहरूलाई चर्चबाट लिन सकिँदैन, प्रत्येक मानिसलाई मेरासामु उत्तरदायी बनाइने छ, उसको आफ्नै सम्पत्तिको ढुकुटी वा उसले आफू र परिवारका लागि पवित्रीकरणद्वारा प्राप्त गरेको पर्याप्त छ ।

३३ अनि पुनः, यदि चर्च, वा यसका कुनै व्यक्तिका हातहरूमा सम्पत्तिहरू छन् भने, यो प्रथम पवित्रीकरण पछि उनीहरूको जीविकोपार्जनका लागि आवश्यक भन्दा बढी, जुन विशपलाई समर्पित गर्नका लागि बाँकी अवशेष हो, यसलाई समय-समयमा कत्ति पनि नभएकाहरूलाई, प्रशासनका लागि राखिने छ ताकि हरेक मानिस जसलाई आवश्यक छ उसको आवश्यकताअनुसार पर्याप्त मात्रामा आपूर्ति र उसको चाहनाअनुसार प्राप्त गर्न सकोस् ।

३४ त्यसकारण, गरिब र आवश्यकतामा परेकाहरूलाई प्रशासन गर्न, अवशेषहरू मेरो ढुकुटीमा राखिने छ, जसरी चर्चको उच्च परिषद्, र बिशप र उहाँको परिषदद्वारा नियुक्त गर्नु पर्छ;

३५ अनि चर्चको सार्वजनिक हितका लागि जमीन खरिद गर्ने, आराधनाका घरहरू निर्माण गर्ने र यसपछि प्रकट हुने नयाँ यरूशलेमको निर्माण गर्ने उद्देश्यका लागि—

३६ ताकि त्यस दिनमा जब म मन्दिरमा आउने छु मेरा करारका जनहरू एक स्थानमा एकत्रित हुन सकून् । अनि यो म मेरा जनहरूको मुक्तिका लागि गर्छु ।

३७ अनि यस्तो हुन जाने छ, कि जसले पाप गर्छ र पश्चात्ताप गर्दैन उसलाई चर्चबाट बाहिर निकाला गरिने छ र उसले मेरो चर्चका गरिब र आवश्यकतामा परेकाहरूलाई, वा अर्को शब्दमा, मलाई समर्पण गरेका वस्तु पुनः प्राप्त गर्ने छैन—

३८ किनकि जहाँसम्म तिमीहरूले यिनीहरूमध्ये सबैभन्दा कम हुनेहरूका लागि गर्छौ, तिमीहरूले यो मेरा लागि गर्छौ ।

३९ किनकि यस्तो हुन जाने छ, कि मैले मेरा अगमवक्ताहरूको मुखबाट बोलेका कुराहरू पूरा हुने छन्; किनकि म गैह्र यहूदीहरूका माझमा मेरो सुसमाचार ग्रहण गर्नेहरूका सम्पत्तिलाई मेरा जनहरूका गरिबहरूका लागि समर्पित गर्नेछु जो इस्राएलका घरानाका छन् ।

४० अनि पुनः, तिमी आफ्नो हृदयमा घमण्ड नगर्नू; तिम्रा सबै वस्त्रहरू सादा होऊन् र तिनीहरूको सुन्दरता तिम्रा आफ्नै हातहरूका कार्यको सुन्दरता होओस्;

४१ अनि सबै विषयहरू मेरासामु स्वच्छतामा गरियोस् ।

४२ तिमी अल्छी नहोऊ; किनभने जो अल्छी छ उसले परिश्रमको रोटी खाने छैन न त परिश्रमको वस्त्र नै लगाउने छ ।

४३ अनि तिमीहरूका माझमा जो कोही बिरामी छन् र चङ्गाइ प्राप्त गर्ने आस्था छैन, तर विश्वास गर्छन्, सबै कोमलता, जडिबुटी र हल्का खानाले पोषित गरिने छन् र त्यो एक शत्रुको हातद्वारा होइन ।

४४ अनि चर्चका एल्डरहरू, दुई वा बढी, बोलावट गर्नु पर्छ र तिनीहरूका लागि प्रार्थना गर्नु पर्छ र मेरा नाममा तिनीहरूमाथि हात राख्ने छन्; र यदि तिनीहरूले मृत्युवरण गरे भने तिनीहरूले मेरा निम्ति मृत्युवरण गर्ने छन् र यदि तिनीहरू जीवित रहे भने तिनीहरू मेरा निम्ति जीवित हुने छन् ।

४५ तिमी प्रेमका साथ सँगै बस्नु पर्दछ, यतिसम्म कि तिमी मृत्युवरण गर्नेहरूको क्षतिका लागि रुनु पर्दछ र विशेष गरी ती मानिसहरूका लागि जसलाई महिमित पुनरुत्थानको आशा छैन ।

४६ अनि यस्तो हुन जाने छ कि जसले ममा मृत्युवरण गर्ने छन् मृत्युको स्वाद प्राप्त गर्ने छैनन्, किनकि यो उनीहरूका लागि स्वादिष्ट हुने छ;

४७ अनि जसले ममा मृत्युवरण गर्दैनन्, तिनीहरूलाई धिक्कार छ, किनकि तिनीहरूको मृत्यु तितो छ ।

४८ अनि पुनः, यस्तो हुन जाने छ कि जसलाई चङ्गाइ प्राप्त गर्नका लागि ममा आस्था छ र मृत्युका लागि नियुक्त गरिएको छैन, उसले चङ्गाइ प्राप्त गर्ने छ ।

४९ ऊ जससँग देख्ने आस्था छ उसले देख्ने छ ।

५० ऊ जोसँग सुन्ने आस्था छ, उसले सुन्ने छ ।

५१ लङ्गडो जससँग उफ्रने आस्था छ उफ्रने छ ।

५२ अनि जसले यी विषयहरू गर्नका लागि आस्था राख्दैनन्, तर ममाथि विश्वास गर्छन्, तिनीहरूसँग मेरा पुत्रहरू बन्ने शक्ति छ; र यदि तिनीहरूले मेरा नियमहरू तोडेनन् भने तिमीले तिनीहरूका कमजोरीहरू वहन गर्नु पर्छ ।

५३ तिमी आफ्नो रखवारीका स्थानमा खडा हुने छौ ।

५४ तिमीले आफ्नो भाइको वस्त्र लिनु हुँदैन; तिमीले आफ्नो भाइबाट प्राप्त गरेका चिजहरूका लागि तिमीले तिर्नु पर्छ ।

५५ अनि यदि तिमीले त्यो प्राप्त गर्‍यौ जुन तिम्रो जीविकोपार्जनका लागि आवश्यक भन्दा बढी छ भने, तिमीले यसलाई मेरो ढुकुटीमा दिनु पर्छ, ताकि मैले भनेअनुसार सबै विषयहरू गरियोस् ।

५६ तिमीले सोध्नु पर्छ र मेरा धर्मशास्त्रहरू मैले नियुक्त गरेअनुसार दिइने छ र तिनीहरू सुरक्षित रूपमा संरक्षण गरिने छन्;

५७ अनि यो उचित छ कि तिमीहरूले तिनीहरूका सम्बन्धमा शान्ति धारण गर्नु पर्छ र तिमीहरूले तिनीहरूलाई पूर्ण रूपमा प्राप्त नगरेसम्म तिनीहरूलाई सिकाउनु हुँदैन ।

५८ अनि म तिमीहरूलाई एउटा आज्ञा दिन्छु कि तब तिमीहरूले ती धर्मशास्त्रहरू मानिसहरूलाई सिकाउने छौ; किनकि सबै राष्ट्रहरू, कुटुम्वहरू, भाषाहरू र मानिसहरूलाई ती सिकाइने छन् ।

५९ तिमीले ती विषयहरू लिनु पर्छ जुन तिमीले प्राप्त गरेका छौ, जुन मेरा धर्मशास्त्रहरूमा मेरो चर्चलाई प्रशासन गर्ने मेरा नियम हुनका लागि एक नियमका रूपमा तिमीलाई दिइएको छ;

६० अनि जसले यी विषयहरूअनुसार गर्छ उसले मुक्ति पाउने छ र ऊ जसले त्यसो गर्दैन भने उसलाई दोषी ठहर्‍याइने छ ।

६१ यदि तिमीले सोध्यौ भने, तिमीले प्रकाशमाथि प्रकाश, ज्ञानमाथि ज्ञान प्राप्त गर्ने छौ, ताकि तिमीले रहस्यहरू र शान्तिमय विषयहरू बुझ्न सक—जसले प्रसन्नता ल्याउँछ, कि जसले अनन्त जीवन ल्याउँछ ।

६२ तिमीले सोध्नु पर्छ र नयाँ यरूशलेमको निर्माण कहाँ हुने छ भनेर तिमीलाई मेरो आफ्नै समयमा प्रकट गरिने छ ।

६३ अनि हेर, यस्तो हुन जाने छ कि मेरा सेवकहरूलाई पूर्व र पश्चिम, उत्तर र दक्षिणतिर पठाइने छ ।

६४ अनि अहिले पनि, पूर्वतिर जानेले तिनीहरू जो परिवर्तन हुन्छन् उनीहरूलाई पश्चिमतिर जान सिकाऊन्, अनि यो गोप्य गुटबन्दीहरूको परिणामका कारण हो जुन् पृथ्वीमा आइरहेको छ ।

६५ हेर, तिमीले यी सबै विषयहरू पालन गर्नु पर्छ र तिम्रो पुरस्कार महान् हुने छ; किनकि अधिराज्यका रहस्यहरू बुझ्न यो तिमीहरूलाई दिइएको छ, तर संसारलाई ती बुझ्न दिइएको छैन ।

६६ तिमीहरूले प्राप्त गरेका नियमहरूको पालना गर्नु पर्छ र आस्थावान् हुनु पर्छ ।

६७ अनि यसपछि तिमीले चर्चका करारहरू प्राप्त गर्नु पर्छ, जुन तिमीलाई यहाँ र नयाँ यरूशलेम दुबैमा स्थापना गर्न पर्याप्त हुने छन् ।

६८ त्यसकारण, जसलाई ज्ञानको कमी छ, उसले मसँग मागोस् र म उसलाई उदारतापूर्वक दिने छु र उसलाई हप्काउने छैन ।

६९ आफ्नो हृदयमाथि उठाऊ र आनन्दित होऊ, किनकि तिमीलाई अधिराज्य, वा अर्को शब्दमा, चर्चका साँचाहरू दिइएको छ । तसर्थ यस्तै हुने छ । आमीन ।

७० पादरीहरू र शिक्षकहरू सदस्यहरू जस्तै तिनीहरूका रखवारीहरू हुने छन् ।

७१ अनि बिशपलाई सबै विषयहरूमा सल्लाहकारका रूपमा सहयोग गर्न नियुक्त भएका एल्डरहरू वा उच्च पादरीहरूले, गरिबहरूको भलाइका लागि र अन्य उद्देश्यहरूका लागि, यस पूर्व उल्लेख गरिएको बिशपलाई समर्पण गरिएको सम्पत्तिबाट आफ्ना परिवारहरूको सहायता गर्नु पर्छ;

७२ वा उनीहरूले आफ्ना सबै सेवाहरूका लागि, या त रखवारी वा अन्यथा, सल्लाहकारहरू र बिशपहरूले असल रूपमा सोचे वा निर्णय गरेअनुसार उचित पारिश्रमिक प्राप्त गर्नु पर्छ ।

७३ अनि बिशपले पनि आफ्नो जीविकोपार्जनका साधन प्राप्त गर्ने छन्, वा चर्चमा आफ्ना सबै सेवाहरूका लागि उचित पारिश्रमिक प्राप्त गर्नु पर्छ ।

७४ हेर, म तिमीहरूलाई साच्चैँ नै भन्छु, कि तिमीहरूका माझमा जो कोही व्यक्तिहरूले व्यभिचारका कारण आफ्ना पति या पत्नीलाई त्यागेका छन्, वा अर्को शब्दमा, यदि तिनीहरूले तिमीहरूसामु हृदयको विनम्रतामा कि यो विषय यस्तै हो भनेर गवाही दिन्छन्, तिमीहरूले तिनीहरूलाई तिमीहरूका माझबाट बाहिर निकाला गर्नु हुँदैन;

७५ परन्तु यदि तिमीहरूले पत्ता लगायौ कि कुनै व्यक्तिले व्यभिचारका कारण आफ्ना पति या पत्नीलाई त्यागेका छन् र तिनीहरू आफूस्वयम् अपराधी हुन् र तिनीहरूका पति या पत्नी जीवित छन्, तिनीहरूलाई तिमीहरूका माझबाट निकाला गरिनु पर्छ ।

७६ अनि पुनः, म तिमीहरूलाई भन्छु, कि सबै गहन सोधपुछका सम्बन्धमा, तिमीहरू सतर्क र होसियार हुनु पर्छ, कि यदि तिनीहरू विवाहित छन् भने तिमीहरूका बीचमा यस्तो कसैलाई पनि तिमीहरूले ग्रहण गर्नु हुँदैन;

७७ अनि यदि तिनीहरू विवाहित छैनन् भने, तिनीहरूले आफ्ना सबै पापहरूको पश्चात्ताप गर्नु पर्छ अन्यथा तिमीले तिनीहरूलाई ग्रहण गर्नु हुँदैन ।

७८ अनि पुनः, प्रत्येक व्यक्ति जो ख्रीष्टको यस चर्चसँग सम्बन्धित छ, उसले चर्चका सबै आज्ञाहरू र करारहरू पालन गर्नु पर्छ ।

७९ अनि यस्तो हुन जाने छ, कि यदि तिमीहरूमध्ये कुनै व्यक्तिले हत्या गर्छ भने तिनीहरूलाई सुम्पिइनु पर्छ र भूमिको नियमअनुसार व्यवहार गरिनु पर्छ; स्मरण रहोस् कि तिनका लागि क्षमापन छैन; र यो भूमिको कानुनअनुसार प्रमाणित हुनु पर्छ ।

८० अनि यदि कुनै पुरुष वा स्त्रीले व्यभिचार गर्छन् भने, ऊ वा उनलाई चर्चका दुईजना एल्डरहरू, वा त्योभन्दा बढीका अगाडि कार्यवाही चलाइनु पर्छ, र प्रत्येक वचनलाई चर्चका दुई प्रमाणित गर्नेहरूद्वारा स्थापित गरिनु पर्छ, चर्चका शत्रुद्वारा होइन; तर यदि त्यहाँ दुईभन्दा बढी प्रमाणित गर्नेहरू छन् भने अझै असल हुन्छ ।

८१ परन्तु ऊ वा उनलाई दुई प्रमाणित गर्नेहरूको मुखद्वारा दोषी ठहर्‍याइनु पर्छ; र एल्डरहरूले चर्चका अगाडि विषय राख्ने छन् र चर्चले ऊ वा उनका विरुद्धमा तिनीहरूका हात उठाउनु पर्छ, ताकि तिनीहरूलाई परमेश्वरको नियमअनुसार व्यवहार गर्न सकिन्छ ।

८२ अनि यदि यो सम्भव भएमा, बिशप पनि उपस्थित हुनु आवश्यक छ ।

८३ अनि तिमीहरूले आफ्ना अगाडि आइपर्ने सबै विषयहरूमा यसरी गर्नु पर्छ ।

८४ अनि यदि कुनै पुरुष वा स्त्रीले लुट्दछ भने, ऊ वा उनलाई भूमिको कानुनमा सुम्पिनु पर्छ ।

८५ अनि यदि ऊ वा उनले चोरी गर्छन् भने, ऊ वा उनलाई भूमिको कानुनमा सुम्पिनु पर्छ ।

८६ अनि यदि ऊ वा उनले झुटो बोल्छन् भने, ऊ वा उनलाई भूमिको कानुनमा सुम्पिनु पर्छ ।

८७ अनि यदि ऊ वा उनले कुनै पनि प्रकारको दुष्टता गर्छन् भने, ऊ वा उनलाई परमेश्वरको नियममा समेत सुम्पिनु पर्छ ।

८८ अनि यदि तिम्रा दाजुभाइ वा दिदीबहिनीले तिमीलाई अपमान गर्र्छन भने, तिमीले ऊ वा उनलाई तिमीसँग एक्लै राख्नु पर्छ; र यदि ऊ वा उनले स्वीकार गरे भने तिमीले मेलमिलाप गर्नु पर्छ ।

८९ अनि यदि ऊ व उनले स्वीकार गरेनन् भने तिमीले ऊ वा उनलाई सदस्यहरूकहाँ होइन, तर एल्डरहरूकहाँ चर्चमा सुम्पनु पर्छ । अनि यो त्यो संसारका अगाडि होइन र एक सभामा गरिनु पर्छ ।

९० अनि यदि तिम्रा दाजुभाइ वा दिदीबहिनीले धेरैलाई अपमान गर्छन् भने, ऊ वा उनलाई धेरैकासामु हप्काइनु पर्छ ।

९१ अनि यदि कसैले सार्वजनिक रूपमा अपमान गर्छ भने, ऊ वा उनलाई सार्वजनिक रूपमा नै हप्काइनु पर्छ, ताकि ऊ लज्जित होओस् । अनि यदि ऊ वा उनले स्वीकार गरेनन् भने, उनलाई परमेश्वरको नियममा समर्पण गरिनु पर्छ ।

९२ यदि कसैले गोप्य रूपमा अपमान गर्छ भने, उसलाई गोप्य रूपमा हप्काइनु पर्छ, कि ऊ वा उनले ऊ वा उनी जसलाई अपमान गरेको हो ऊ वा उनीसँग र परमेश्वरसँग गोप्य रूपमा आत्मसात गर्ने अवसर प्राप्त गरून् ताकि चर्चले ऊ वा उनको तिरस्कार गर्दै बोल्न नपरोस् ।

९३ अनि यसरी तिमीहरूले सबै सन्दर्भहरूमा व्यवहार गर्ने छौ ।