१ हेर, परमप्रभुले तिमीहरू मेरा सेवकहरूलाई यसो भन्नुहुन्छ, मेरो चर्चका एल्डरहरूलाई पूर्वबाट र पश्चिमबाट र उत्तरबाट र दक्षिणबाट, पत्र वा अन्य कुनै तरिकाले एकसाथ बोलावट गरिनु पर्छ भनेर ममा उचित छ ।

२ अनि यस्तो हुन जाने छ, कि जति जति तिनीहरू आस्थावान् हुन्छन् र ममा आस्थाको अभ्यास गर्छन्, जुन दिन तिनीहरू एकसाथ एकत्रित हुन्छन् म तिनीहरूमाथि मेरो आत्मा खन्याउने छु ।

३ अनि यस्तो हुन जाने छ कि तिनीहरू वरपरका क्षेत्रहरूमा जानु पर्छ र मानिसहरूसामु पश्चात्तापको प्रवचन दिनु पर्छ ।

४ अनि धेरैजना परिवर्तन हुने छन्, यतिसम्म कि तिमीहरूले आफूलाई मानवजातिका नियमअनुसार सङ्गठित गर्ने शक्ति प्राप्त गर्ने छौ;

५ ताकि तिमीहरूका शत्रुहरूले तिमीहरूमाथि शक्ति प्राप्त गर्न सक्दैनन्; ताकि तिमीहरू सबै विषयहरूमा सुरक्षित हुन सक्छौ; ताकि मेरा नियमहरू पालना गर्नका लागि तिमीहरू सक्षम हुन सक्छौ; ताकि शत्रुले मेरा मानिसहरूलाई नष्ट गर्न खोजेका हरेक बन्धन टुट्न सक्छन् ।

६ हेर, म तिमीहरूलाई भन्छु, कि तिमीहरूले गरिब र आवश्यकतामा परेकाहरूलाई भेट्नु पर्छ र तिनीहरूलाई राहत प्रदान गर्नु पर्छ, ताकि तिमीहरूले प्राप्त गरेका मेरो नियमअनुसार सबै विषयहरू पूरा नहुँदासम्म तिनीहरूलाई सुरक्षित राखिने छ । आमीन ।