१ मेरा सेवकहरू, सिड्नी र पार्ली र लेमन, मेरा वचन सुन; किनकि हेर, साच्चैँ नै म तिमीहरूलाई भन्छु, कि म तिमीहरूलाई एउटा आज्ञा दिन्छु कि जसरी तिमीहरूले यसलाई ग्रहण गरेका छौ, तिमीहरूले गएर शेकर्सहरूसामु मेरो सुसमाचारको प्रवचन दिनु पर्छ जुन तिमीहरूले ग्रहण गरेका छौ ।

२ हेर, म तिमीहरूलाई भन्छु, कि तिनीहरू आंशिक रूपमा सत्य जान्न चाहन्छन् तर सबै होइन, किनकि तिनीहरू मेरा अगाडि सही छैनन् र पश्चात्ताप गर्नु आवश्यक छ ।

३ यसकारण, मेरा सेवकहरू सिड्नी र पार्ली, म तिमीहरूलाई तिनीहरूलाई सुसमाचारको प्रवचन दिन पठाउँछु ।

४ अनि मेरा सेवक लेमनलाई यस कार्यका लागि नियुक्त गरिनु पर्छ, ताकि उनले तिनीहरूसँग तर्क गर्न सक्छन्, उनले तिनीहरूबाट प्राप्त गरेअनुसार होइन तर तिमीहरू मेरा सेवकहरूले उनलाई सिकाएअनुसार; र यसो गर्दा म उनलाई आशीर्वाद दिने छु, अन्यथा उनको उन्नति हुने छैन ।

५ परमप्रभु यसो भन्नुहुन्छ; किनकि म परमेश्वर हुँ र संसारको उद्धारका लागि मेरा जन्माइएका एकमात्र पुत्रलाई संसारमा पठाएको छु र निर्णय गरेको छु कि जसले उहाँलाई ग्रहण गर्छ उसलाई बचाइने छ र जसले उहाँलाई ग्रहण गर्दैन उसलाई दोषी ठहर्‍याइने छ—

६ अनि तिनीहरूले मानिसका पुत्रलाई तिनीहरूले चाहेअनुसार गरे; र उहाँले आफ्नो शक्ति उहाँको महिमाको दाहिनेतर्फ लिनुभएको छ अनि अब स्वर्गहरूमा राज्य गर्नुहुन्छ र सबै शत्रुहरूलाई आफ्नो पाउमुनि राख्न पृथ्वीमा नआउनु हुँदासम्म राज्य गर्नुहुने छ, जुन समय नजिकै छ—

७ म, परमप्रभु परमेश्वरले यो बोलेको छु; तर त्यो समय र दिन कसैलाई जानकारी छैन, न त स्वर्गका स्वर्गदूतहरूलाई नै, न त उहाँ नआउनु हुँदासम्म तिनीहरूलाई जानकारी नै हुने छ ।

८ यसकारण, म चाहन्छु कि सबै मानिसहरूले पश्चात्ताप गर्नु पर्छ, किनकि सबै पापको अधीनमा छन्, ती पवित्र मानिसहरूबाहेक जुन मैले आफैँस्वयम् मा आरक्षित गरेको छु, जसका सम्बन्धमा तिमीहरूलाई जानकारी छैन ।

९ यसकारण, म तिमीहरूलाई भन्छु कि मैले तिमीहरूलाई मेरो अनन्त करार पठाएको छु, त्यो समेत जुन प्रारम्भदेखि नै थियो ।

१० अनि मैले जे प्रतिज्ञा गरेको छु त्यो मैले पूरा गरेको छु र पृथ्वीका राष्ट्रहरूले त्यसलाई शिर झुकाउनु पर्छ; अनि यदि तिनीहरूले स्वयंबाट होइन शिर झुकाउदैनन् भने, तिनीहरूलाई तल ल्याइने छ, किनकि जो अहिले आफैँद्वारा उच्च पारिएको छ, त्यसलाई शक्तिद्वारा विनम्रताको स्थितिमा ल्याइने छ ।

११ यसकारण, म तिमीहरूलाई एक आज्ञा दिन्छु कि तिमीहरू प्राचीनकालका मेरा पुराना प्रेरित, जसको नाम पत्रुस थियो जस्तै यी मानिसहरूका बीचमा जाऊ र तिनीहरूलाई भन:

१२ परमप्रभु येशूको नाममा विश्वास गर, जो सुरुवात र अन्त्यमा पृथ्वीमा हुनुहुन्थ्यो, र आउनुहुने छ;

१३ पवित्र आज्ञाअनुसार, पापहरूबाट छुट्काराका लागि, पश्चात्ताप गर र येशू ख्रीष्टको नाममा बप्तिस्मा लिय;

१४ अनि जसले यसो गर्छ उसले चर्चका एल्डरहरूद्वारा हातहरू राखेर पवित्र आत्माको उपहार प्राप्त गर्ने छ ।

१५ अनि पुनः साच्चैँ नै म तिमीहरूलाई भन्छु, कि जसले विवाह गर्न निषेध गर्छ त्यो परमेश्वरबाट नियुक्त गरिएको होइन, किनकि विवाह मानिसका लागि परमेश्वरबाट नियुक्त गरिएको हो ।

१६ यसकारण, यो नियमसम्मत छ कि उसकी एक पत्नी हुनु पर्छ र तिनीहरू दुई एउटै शरीर हुनु पर्छ र यो सबैको कि पृथ्वीले यसको सृष्टिको उद्देश्यको जवाफ दिन सक्छ;

१७ अनि ताकि संसारको सृष्टि हुनु पूर्व उसको सृष्टिअनुसार मानिसको पूर्वनिर्धारित सङ्ख्याले यो भरिएको हुन सक्छ ।

१८ अनि जसले मासु खान निषेध गर्छ, कि मानिसले त्यही खानु हुँदैन, जसलाई परमेश्वरबाट नियुक्त गरिएको छैन;

१९ किनकि, हेर, जमिनका जनावरहरू र आकाशका चराहरू र त्यो जुन पृथ्वीबाट उत्पादन हुन्छ, खाना र लुगाका रुपमा मानिसको प्रयोगका लागि र ताकि उसँग प्रशस्त मात्रामा हुन सक्छ भनेर नियुक्त गरिएको हो ।

२० परन्तु यो तोकिएको छैन कि एक मानिसले अर्कोभन्दा बढी स्वामित्व पाउनु पर्छ, यसकारण संसार पापमा छ ।

२१ अनि धिक्कार छ मानिसलाई जसले रगत बगाउँछ वा जनावरको मासु खेर फाल्छ र जसको आवश्यकता छैन ।

२२ अनि पुनः, साच्चैँ नै म तिमीहरूलाई भन्छु, कि मानिसका पुत्र न त नारीका रूपमा, न पृथ्वीमा यात्रा गर्ने मानिसका रूपमा नै आउनुहुन्छ ।

२३ यसकारण, छलमा नपर तर अडिग बनेर निरन्तरता देऊ, आकाशहरू हल्लेको हेर्नलाई, र पृथ्वी थरथर कापेको र मातेको मानिस जस्तै अघि-पछि हल्लिनुलाई र उपत्यकाहरू उच्च हुनुलाई र पर्वतहरूलाई होचा बनाउनलाई र अपरिष्कृत स्थानहरू चिल्लो बन्नुलाई प्रतिक्षा गर्दै—अनि यी सबै घट्ने छन् जब स्वर्गदूतले आफ्नो तुरही बजाउने छन् ।

२४ परन्तु परमप्रभुको महान् दिन आउनु अघि, याकूब उजाडस्थानमा फस्टाउने छ र लमानीहरू गुलाब जस्तै फक्रिने छन् ।

२५ सियोन पहाडहरूमा फस्टाउने छ र पर्वतहरूमा रमाउने छ र मैले नियुक्त गरेको स्थानमा एकत्रित हुने छ ।

२६ हेर, म तिमीहरूलाई भन्छु, मैले तिमीहरूलाई आज्ञा गरेअनुसार अघि बढ; आफ्ना सबै पापहरूको पश्चात्ताप गर; माग र तिमीहरूले प्राप्त गर्ने छौ; ढकढक्याओ र यो तिमीहरूका लागि उघारिने छ ।

२७ हेर, म तिमीहरूको अगाडि जाने छु र तिमीहरूको पछिल्तिर रक्षक हुने छु; र म तिमीहरूका बीचमा हुने छु र तिमीहरूलाई खलबल पारिने छैन ।

२८ हेर, म येशू ख्रीष्ट हुँ र म छिट्टै आउँछु । तसर्थ यस्तै हुने छ । आमीन ।