१ हेर, अनि सुन, हे मेरा चर्चका तिमी एल्डरहरू, परमप्रभु तिमीहरूका परमेश्वर येशू ख्रीष्ट तिमीहरूका अधिवक्ता समेतले भन्नुहुन्छ, जसलाई मानिसका कमजोरी र प्रलोभनमा परेकालाई कसरी सहयोग गर्ने थाहा छ ।

२ अनि साच्चैँ नै मेरा आँखाहरू तिनीहरूमा छन् जो अझैसम्म सियोनको भूमिमा गएका छैनन्; यसकारण तिमीहरूको उद्देश्य पूर्ण भएको छैन ।

३ यद्यपि, तिमीहरू आशीषित् छौ, किनकि स्वर्गदूतहरूले हेर्नका लागि तिमीहरूले व्यक्त गरेका गवाहीहरू स्वर्गमा अभिलेख गरिएका छन्; अनि तिनीहरू तिमीहरूका कारण रमाउँछन् अनि तिमीहरूका पापहरूबाट तिमीहरूलाई क्षमा गरिएको छ ।

४ अनि अब आफ्नो यात्रालाई निरन्तरता देऊ । सियोनको भूमिमा एकत्रित होओ; अनि एक सभाको आयोजना गर र सँगै रमाओ अनि सर्वोच्चसामु प्रभुभोज अर्पण गर ।

५ अनि त्यसपछि तिमीहरू गवाही दिन, हो, सबैजनासँगै अथवा तिमीहरूलाई ठीक लागेअनुसार दुई दुईजना गरेर समेत फर्कन सक्छौ, मलाई फरक पर्दैन; आस्थावान् मात्रै रह अनि पृथ्वीका बासिन्दाहरू अथवा दुष्टहरूका भेलाहरूमा खुशीका सन्देशको घोषणा गर ।

६ हेर, म, परमप्रभुले तिमीहरूलाई एकसाथ ल्याएको छु ताकि त्यो प्रतिज्ञा पूर्ण होस् ताकि मिजोरीको भूमिमा तिमीहरूमध्ये आस्थावानहरूको संरक्षण होस् अनि सँगै रमाओस् । म, परमप्रभु आस्थावानहरूलाई प्रतिज्ञा गर्दछु र झूट बोल्न सक्दिनँ ।

७ म, परमप्रभु, इच्छुक छु, यदि तिमीहरूमध्ये कोही घोडा चढ्ने अथवा खच्चर चढ्ने अथवा रथ चढ्ने चाहना राख्छौ भने, सबै परिस्थितिहरूमा कृतज्ञ हृदयका साथ यदि उसले यो परमप्रभुका बाहुबाट ग्रहण गरेमा, उसले यो आशीर्वाद प्राप्त गर्ने छ ।

८ यी कार्यहरू तिमीहरूका विवेक र आत्माको निर्देशनहरूअनुसार गर्न तिमीहरूसँगै रहन्छन् ।

९ हेर, अधिराज्य तिमीहरूकै हो । अनि हेर र अवलोकन गर, म सदैव आस्थावानहरूसँग हुन्छु । तसर्थ यस्तै हुने छ । आमीन ।