१ हेर, परमप्रभु मेरा सेवकहरू जोसेफ स्मिथ जुनियर र सिड्नी रिग्डनलाई यसो भन्नुहुन्छ, कि समय साच्चैँ नै आएको छ कि यो ममा आवश्यक छ र उचित छ कि तिमीहरूले मेरा सुसमाचार घोषणा गर्न आफ्ना मुखहरू खोल्नु पर्छ, अधिराज्यका विषयहरू, धर्मशास्त्रहरूबाट त्यहाँका रहस्यहरू व्याख्या गर्दै, मैले चाहेको जस्तो आत्माको त्यो अंश र शक्तिअनुसार जुन तिमीहरूलाई दिइने छ ।

२ साच्चैँ नै म तिमीहरूलाई भन्छु, तिमीहरूलाई त्यसको जानकारी नदिएसम्म केही समयका लागि संसारमा त्यसका क्षेत्रहरू वरिपरि र चर्चमा पनि घोषणा गर ।

३ साच्चैँ नै यो केही समयका लागि कार्यभार हो, जुन म तिमीहरूलाई दिन्छु ।

४ यसकारण, मेरो अङ्गुरको बगैँचामा तिमीहरू परिश्रम गर । पृथ्वीका बसिन्दाहरूलाई बोलाओ र गवाही देओ र आज्ञाहरू र प्रकाशहरूका लागि मार्ग तयार पार जुन आउने छन् ।

५ अब, हेर यो ज्ञान हो; जसले पढ्छ, उसले बुझ्नुपर्छ र ग्रहण पनि गर्नुपर्छ;

६ किनकि उसलाई जसले ग्रहण गर्छ, यो प्रसस्त मात्रामा दिइने छ, शक्तिसम्म पनि ।

७ यसकारण, तिमीहरूका शत्रुहरूलाई अलमल्याऊ; उनीहरूलाई सार्वजनिक र निजी दुबै रूपमा तिमीहरूलाई भेट्न बोलाओ; अनि जति जति तिमीहरू आस्थावान् छौ तिनीहरूका अपराध प्रकट गरिने छन् ।

८ यसकारण, उनीहरूले परमप्रभु विरुद्ध आफ्ना बलिया तर्कहरू ल्याउनुपर्छ ।

९ साच्चैँ नै, तिमीहरूलाई परमप्रभु यसो भन्नुहुन्छ—तिमीहरूका विरुद्ध कुनै हतियार बनेको छैन जुन प्रभावकारी हुने छ;

१० अनि यदि कुनै मानिसले तिमीहरू विरुद्ध आवाज उठाएमा मेरो आफ्नै समयमा उसको विनाश गरिने छ ।

११ यसकारण, मेरा आज्ञाहरू पालना गर; तिनीहरू सत्य र विश्वासिला छन् । तसर्थ यस्तै हुने छ । आमीन ।