Ana Mwakuri Ae Korakora Te Atua

Mai iroun Beretitenti Dieter F. Uchtdorf

Kauoman ni Kauntira n te Moan Beretitentii

Tamnei

President Dieter F. Uchtdorf

Eberi 6, 1830

Tebubua wanibwi te ririki n nako, Iotebwa Timiti, Oriwa Kautere, ao tabeman raoia a botiia ni katea Ana Ekaretia Iesu Kristo ibukiia Aika A Itiaki ni Boong aika Kaitira. N aron te rongorongo bon te boowi ae bebete ma e mimitong. Iotebwa e koroia bwa imwiin te toa, “te Tamnei ae Raoiroi e a ruonira n te aro ae rang korakora—tabeman a tatae ni burabeti, ao ngaira ti neboa te Uea, man onrake n te kimwareirei.”¹

Te bwai are e riki n te bong anne e aki ataaki n te aonnaba, aki raonaki n atuun rongorongo ke katanoata. E ngae n anne, aron karawa e na riai ni kaman kimwareirei ao ni kamoamoa te Atua bwa n te bong anne, ana Ekaretia Iesu Kristo e a okira te aonnaba!

Solomon Chamberlain

Man te bong anne ni karokoa ngkai, mirion natin Tamara are i Karawa aika mwaane ma aine aika a kaonaki n te onimaki aika a tia n ira ana kaunganano te Tamnei ae Raoiroi ao n rin n te ran ae tabu ni bwabetiito. Ao iai temanna te aomata ae e ira ana wirikiriki te Tamnei ae Raoiroi ao e bwabetitoaki ao arana Solomon Chamberlain.

Toromon bon te aomata ae raonaki iroun te tamnei ao e a tia ni kabanei aoa aika a mwaiti n tataro, ni kakaea kaitiakan ana bure ao ni butiiaTamana are i Karawa ma teonnon bwa e na kairia nakon te koaua. N tabeua te tai inanon 1816, Solomon e roko te berita nakoina n te mii bwa e na maiu ao e na noora te bong are e na kateaki iai ana Ekaretia Kristo imwiin katean riki aia bootaki abotoro iaon te aba.

Ririki ake imwiina Toromon e a mwananga n te booti ni kaineta Canada ngke e toki baona n te kaawa ae uarereke i Palmyra, New York. Ikekei e namakina te bwai ae e kairoroia bwa e na riai ni waerake. E aki ata bukina bwa e aera ngkai e mena ikekei, e waaki n taetae ma kaain te kaawa. E aki maan imwain ae e ongo taekinan te “Baibara ae koora.” E taku taeka aika uoua aikanne e kanakoa “te mwaaka n aekan te iti-[are] e nako mai taubukin atuu nako tabon waeu.”

Ana kakae e kairia nakon ana auti Timiti, ike e taetae ma naake a roko n ongora te rongorongo ae kamiimi n taekan te euangkerio are e kaokaki. Imwiin kabanean boong aika uabong ao karekean ana kakoaua n te koaua, Toromon e a reita mwanangana nako Canada, n uotia ma ngaia 64 baana aika a boou, iteranibana aika tuai kanimwaki n ana Boki Moomon. N taabo ike e nako iai, e reireiniia aomata, “ake a rietata aroia ao ake a rinano, kaubwai ao kainnano, …ni katauraoi ibukin ana mwakuri ae korakora te Atua are e nang roko.”²

Ana Mwakuri Te Atua Ae Kakannato.

Man te bong anne n Eberi 1830, mirion ake a tia ni karekea te koaua ni kaokan te euangkerio ao n tia n rin n te ran ni bwabetiito. I kakoaua bwa aio “ana mwakuri te Atua ae e kakannato” e a roko iaon te aba n te bong aei. I kakoaua bwa te Uea e taratara Ana Ekaretia ao ni kairia rinanon Ana burabeti, ae Beretitenti Thomas S. Monson. Bon tiaki te kakabwaia ae tataneiai te aba ni maiu ni boong aika kaitira: Aikai taai aika a mimitong, e a kaman noraki irouia burabeti n taai akekei ao n iraki irouia anera aika a bati ake a tararuaia. Te Uea e bon tarataraa raoi Ana Ekaretia. E bon tarataraa raoi naba irouia uake, n aiaron Solomon Chamberlain, n ririmwiin ana kaunganano te Tamnei ae Raoiroi ao n reitaki ma tarina ao mwanena ni kabuta te aonnaba ni buokiia ni uotanako ana mwakuri ae kakannato aio te Atua.

Tamnei iroun Matthew Reier e anaaki man ana bwariko Iotebwa Timiti: Te Burabeti ni Kaokan Bwaai

Tamnei iroun Matthew Reier; kabwarabwaraana iroun Maryn Roos

Aia Tabo Ataei