Buokan Kamwarakeaia ana Tiibu te teei te Tia Kamaiu

Iroun Beretitenti Henry B. Eyring

Moani Kauntira n te Moan Beretitentii

Man te marooro n te maungatabu ni kabuta n Okitobwa 1997

E a tia n tauraki Te Tia Kamaiu ao ni manga uti. A tia n nako Ana Reirei nako Kariraia. A tabe n akawa ni karokoa ae e a bong, bon akea konaia ae e reke. Ngke a roko irarikin taari, n te bwakantaai, aki te roko ni kinaa ae Ngaia. E weweteia, n tuangiia te tabo are ana kabwakaa iai aia karaun, ao ngke a karaoia, a onrake taian karaun. A kawaekoaia n nako ni Kamauria i taari.

A kunea te ai ae kanaeaki ma te ika ae e kukanaki ao te kariki. Ngkanne E anganiia te tua are e a tei ibukira n tatabemanira nako.

“Ao ngke a tia ni katairiki, e taku Iesu nakon Timon Betero, Timon, natin Iona, ko tangirai riki nakon baikai? E taku nakoina, Eng, te Uea, kona ataia bwa I tangiriko. E taku nakoina, Kamwarakeia au tiibu” (Ioane 21:15).

Ana aomata te Atua Aika A Itiaki a mena n taai nako iaan te berita n nabea temanna ma temanna n te maiu n tamnei, ai moarara riki ake a marau nanoia n te eungkerio.

Te ataei e kona ni karaoi bwaai ake e na nabea aia onimaki temwangina. Ataei a kona ni kaoa temanna ae e a tibwa rairaki n roko ma ngaia nakon bootakin te aro. Ataei a kona ni moangare ao ni kamaura kain te aro ae e boou are e rin n te tabo n taromauri ke inanon te kiraati. Ao ngkana ti karaoia, te Tamnei ae Raoiroi ena bon riki bwa raoraora.

Taian taeka ake ti taekin e kona ni kakorakora ke ni kamamara te onimaki. Ti kainnanoa ana ibuobuoki te Tamnei n taekinii taeka are ena kamwarakeira ao ni kakorakoraira.

Ti kona man te ongeaba ae e bebete ni buoka te Uea ni kairiia ana tiibu, Ana tiibu, nako Nanoni bain mweengana nakon Tamaia ao Tamara.

I kakoaua bwa Iesu bon te Kristo. I ataia bwa E maiu. I kakoaua bwa E kairiira n te mwakuri aei—Ana mwakuri—ni kakoroa bukin te maiu are akea tokina nakoia natin Tamara are ikarawa.

Kona nabea nanona kamwarakea

Tabeakiniia taian Tiibu

Taian Tiibu a bon mamara ao aki kona ni kamanoia i bon irouia. A tangira te tararua ae e onoti bwa aonga ni ikawai rake ni marurung ao ni korakora. Tarai tamnein bwaai tabeua are a kainnaoia taian tiibu.

Te amarake

Te ran

Aia tabo ni maatu ae e mano

Kamanoaia mai irouia kameanti ao kabuanibwai tabeua.

Antai ana Tiibu Teteei te Tia Kamaiu?

Te Tia Kamaiu e bubutia Ana reirei bwa ana anga aia tararua ae e onoti nakoia aomata ake aki matoatoa n te eungakerio ke naake a boou n te Ekaretia. E araniia aomata aikai bwa taian “tiibu te teei.” A kainnanoa temanna are ena buokia bwa aonga n rikirake ni korakora—ni korakora n te euangkerio.

Karanii tamnein tabeua bwaai are a kona ataei ni buokiia ana tiibu teteei te Tia Kamaiu. Ngkanne korea tamnein te bwai teuana ae ko kona ni karaoia.

Kamaura temanna kain am kiraati ae e boou

Kaoa raoraom nakon te Moanrinan

Tibwauaa te Riaona

Man te maingTe Tiibu ae Bua, iroun Del Parson; korobanna ibukin te kameanti ao te tiibu © Katotongan Getty; korobanna ibukin auti ni kaikobwai © Corbis; korobanna ibukin te amarake ao te ran mairoun David Stoker; kabwarabwara iroun Apryl Stott