Beretitenti Spencer W. Kimball (1895–1985)

Ikawai rake n te kaawa i Arizona, Spencer W. Kimball e reiakina te mwakuri korakora n ana tai n ataei. Bon tibun te Aboroto ae Heber C. Kimball (1801–68) ao natin te titeiki beretitenti, Spencer e karikirakea naba ana koaua ae matoatoa ao ana kakaonimaki ae nene nakon te euangkerio.

Ngke te teei ni mwane ngaia, ana ana mwakuri Spencer te toka iaon te wagon ae kaonaki n te uteute, toutoua te uteute nako naano ngke tarina ake a ikawai a kakarerake taian uteute nakon aon te wagon. Bon te mwakuri ae kabuebue, bubu, ao n raarua, ma e boni karaoia ma tii ngkana e tangi beeron te taromauri ni kanikinaea waakin te Moanrinan, are n te tai anne e wakinaki inanon te wiiki. E rangi n tikiraoi ana rekooti n roroko ao e aki tangiria bwa e na tiitiku. Tarina nako iai riki aia iango ao a moanna ni karenakoa te uteute iaon te wakon ni kabaititia riki. Ngke a taraia bwa a uatao rake taian uteute, Spencer e a bon bwaka i nuukan kawaina n nakon te Moanrinan.

Spencer –W. Kimball e nako ni mwakuri bwa te mitinare, te bitiobi, ao te titeiki beretitenti imwain weteana nakon bwa kaain te abotoro n 1943. Anuana n ana mwakuri e rangi n tanoata, n aki ongea aorakina aika a kakaiaki are e raonaki n te mamara ni buroo ao te kantia ni buua. E kaumakiia kaain te Ekaretia bwa ana kaarakai aia rangata, ao ana banna ni katoto e bon bebete. “Karaoia.” Ibukin marurungina, tabeman a iangoia bwa ana botaki n tararua Spencer W. Kimball ae te Beretitenti n te Ekaretia e na kona ni uarereke. Ma e kairiiri iaon te Ekaretia ibukin 12 te ririki, inanon ana tai ao mwaitin tembora aika a mwakuri e taboro, mwaitiia mitinare e keerake 50 te betienti, ao te nakoanibonga e karaababaaki nakoia mwaane ae kaain te aro ake a kororaoi.

Ana kakaonimaki ae nene nakon te euangkerio ao ana koaua iaon ana mwakuri korakora e uota Spencer W. Kimball man moan arona ni mangori n ana kaawa i Arizona nakon te kauntira ni kairiiri n te Ekaretia. Ana botaki n tararua ae te Beretitenti n te Ekaretia e mwakenaki man korakoran rikiraken katean tembora ao mwakuri ni mitinare. N tiku: Ma buuna, Camilla (1894–1987).