I Kanga n Ataia
Ana Inga te Tama
E bua tamau ngke itiua au ririki. Te nanououa are e reke e a kuri ni katinanikuai man onimakinan Tamau are i Karawa.
Iaon kawaia au karo ni kitana te botaaki, ma I bon tiku n tangiria ni kan nako n takakaro ni kauniwae aika a bubuti. E rabwatai tamau ao ni butiai ngkana I kona n tiku bwa e aonga ni kairai n nako n takakaro ni kauniwae aika a bubuti.
“I aki!” I taetae ni un.
“Ko kona n onimakinai,” e taku.
A tangiria ni kan oki ake tabeman, aingaia are ti a rin inanon te ka. Tebwina te miniti imwina ao tia reke n te kabuanibwai n te ka. N akea kaantaningakina, I maiu, ma tamau e bon mate. “Tiaki!” anne” anne te kabanea ni bwai are I taekinna nakoina, ao bon ngaia te kabanea n aomata are Nna inga ma ngaia inanon ririki aika a bati.
Te 11 te ririki imwina, maiu e a moanna n rangi ni buakaka. E bua onimakinau I bon irou ao ni moanna n akea ae I onimakinna. E bon rangin ni kananokawaki maiu n te bong anne ngke ai te 18, I kunea bwa I korakai iaan te rawawata, korakoran te bwarannano, ao n tataromwaaka nakon te Atua bwa e na kaota te kawai nakoiu nakon te maiu ni kukurei.
Teuana te wiiki imwina a kawarai uoman mitinare. A kaota te boki nakoiu ao n tuangai bwa Nna tataro ibukin karekean te kakoaua ibukin koauana. Te bwai are a tuangai e tara ni uarereke, ma te maneka are e tiku man maten tamau e korakora, ao I taku bwa te kaitibo ma mitinare bon te tai ae aki kaantaningaki ao tiaki te kaeka mairoun te Atua are E tangirai.
Akea te bwai ae riki, I wareka ana Boki Moomon ao n tataro ni karekea te kaeka—n aki nanonna raoi. Imwiina, are nanona bwa Nna riai n onimakina te Atua, n irabwati ma ngaia ao Ana kaeka. E bon rangi ni beebete butimwaean te tiribure ae tauraoi ibukin te Ekaretia. Ao I a tia naba ni kunea bwa rongorongo ngkoa aika mwaiti ake a tia ni kaotaki nakoiu n te reirei a bane ni kairua. Tera ngke Iotebwa Timiti temanna naba n ai aroia?
N tokina, ai ngaia are I a bwabetitoaki ao ni kamatoaki. I a taia I kainanaoa te kairiiri inanon maiu, ao I tangira te Ekaretia ao kaaina. Ma ngkai I a oota bwa I kainna n akea au koaua , te bwai are e bue n te nano. Te koaua are I karekea e reke man ootau bwa kauntaeka ake a karaoaki mai irouia ana kairiribai te Ekaretia a bon teretere. Ma n tiku n aki kakoaua, I a roko n tokina are kateimatoan te koaua arei e namakinaki korakoran aki totokoana, Kabwarabwarakiu nakon te Ekaretia e a kaman waaki ibukina bwa akea au onimaki ao akea kukureiu, ao I a manga kerikaki nakon arou are mai imwaina.
Mangaia are I a karaoa au rinerine ae rangin kakawaki: N na tataro, ma n te tai aio N na karoia n aron are kaunga Moronaai, ma te “onimaki iroun Kristo,” “ma nanomi raoi” ao te “te nano ae koaua” (Moronai 10:4). N te bong are I a tia n rineia , I aki mamatam ao n tataro ibukin te kairiiri. I kabanea te bongina ni inagoi raoi bwaai ni kabane akea a tia n riki.
I katorobubua irakin au kainiwene n te tairiki anne. I kabaraka atuu,I bubutia Tamau are i Karawa ibukin bwaninin koauan ana Boki Moomon. Au iango e moanna n uringi au nanououa ni kabane. I kainii matau, taui baiu ni kamatoai, ao ni manga bubuti riki—ma te koaua , ma te nanonna raoi, ma te kaantaninga , ma te onimaki iroun ara Tia Kamaiu.
E tara n ae e a toki te aonnaba. I namakina te abue ao n otabwaniniaki n te ota. Ibukin te 11 te rirki ae maan I a tia ni kainnano ibukin aio, ao ni kabaneana I a manga rabwataki riki iroun tamau—Tamau are i Karawa. N tokina ao I a kunea temanna ae n na onimakinna. “Eng,” I taetae, ma ranni matau iaon ubuu, “I onimakiniko.”
Tamnei iroun Doug Fakkel