Waaki Ni Kairiri ae e Boou n te Bootaki n Aine e kakabwaiaia Membwa
Julie B. Beck, te beretitenti ni kabuta n te Bootaki n Aine, e katanoata onoua te namwakaina n nako n tain ana maungatabu te Bootaki n Aine aron te waaki ni kairiiri ae e boou ibukin waakinan te Bootaki n Aine, ae uaana ao e kakabwaiaia maiuia aine ni kabuta te aonaaba.
Karekean te waaki ni kairiri ae e boou e bon rangin tamaroa, e taekinna Titita Beck, ao ni kaotia bwa taian membwa n te aonaaba ni kabuta a kona ni baairei karaoan aia boowii are a kaineti ma kainnanoia aomata n tatabemaniia, ni butimwaai bwaai aika a tatauraoi n te ekaretia aika anaaki kakerikaka aron te katei n te tabo ni kamwakuri.
“Aio e riki bwa te mwaneka ae rangin tamaroa ibukin te bootaki n te aonnaba,” E taku Titita Beck “Ti tangiriia tenan titita, ti onimakiniia taian titita, ao ti ataia bwa ngkana a karaoa aei bwa wakin aia onimaki ao aia ongeaaba, ana bon akea aia kangaanga iai.”
Ana maroro Titita Beck, e atunaki bwa “Te Bootaki n Aine: Te Mwakuri ae Tabu” (Riaona, Nobembwa 2009, 110) e na riki bwa te tua ae kinaaki ni kaineti ma karaoan boowi, ao taani kairiri n te Bootaki n Aine ma aia titraki ibukin tuua ana riai ni kaetieti ma taan kairiri n te nakoanibonga.
Bitaki aika a kabuta
E kateretereaki raoi bwa kauntira n te Bootaki n Aine ana ira ana katooto te nakoa ni ibonga ao e na kona ni weteaki bwa te moan ke te kaukoman ni kauntira. Te nakoa aei e ataaki n arana ae te mweenga, te utu, ao te tia kairiri ibukin karikirakean rabakaun temanna e na aranaki bwa te tia tararua n te bootaki n Aine. Te aine are e reke n te nakoa aei e na katauraoa te bootaki ibukin te bootaki n Aine are e na karaoaki ni bongin te wiiki iaan ana tararua te beretitenti.
Te waaki ni Kairiiri ibukin te Bootaki n Aine
N ana maroro, Titita Beck ao e taekinna bwa a kangaa n aranaki bootaki aikai “te mweenga, te utu ao karikirakean rabakaun temanna” are a kona n aranaki ngkai bwa te Bootaki n Aine.
E kabwarabwaraa Titita Beck bwa ena kanga te beretitenti n te bootaki n aine n tararuai ana boowi te Bootaki n Aine ao ni karekei kaetieti mairoun te bitiobu ke te beretitenti n te mwaanga, are e butimwaai babaire ibukin taian boowi.
Te beretitenti n te Bootaki n Aine e na riai n tararuai tain bowii, ma e na riai n tuanga te moan ke te kauoman ni kauntira—ke n rinea temanna te aine n te uoote ke n te mwaanga n riki bwa—te tia tararua n taian boowii. E kakawaki ae temanna te membwa man te beretitentii n riai n roko n taian boowii ni kabane.
Boowii ana riai ni karaoaki ni katoa namakaina, ma e kakawaki bwa n te kuata, n te taina itinanikun te bong ae te Taabati ke n te Moanibong. Te bitiobu ke te beretitenti n te mwaanga ao te beretitenti n te Bootaki n Aine ana tataraa mwaitin te boowii, ao aine a riai n aki namakina ae a kaantaningaki nakon boowii aikai.
Ngkana ko babairei waakin taian boowii, e na riai te beretitenti n te Bootaki n Aine ni iangoi rongorongo ibukin taai ni motinnano, te kabane mwane, maurim, ao te mwamwananga n ae e raroa.
Boowi nako a riai ni kakoroa raoi nanon ana “Mwakuri ae Tabu” te Bootaki n Aine, bwa ana karikirakea te onimaki ao te kororaoi ao n tararuai kainnanoia i bon irouia n tatabemaniia nako n te maiu n tamnei ao n rabwata ao taian utu.
Ni bairean boowi nako e riai te beretitentii n te Bootaki n Aine n moanbwai n anga atun reirei aika e na kakoroi nanon ana kantaninga te Bootaki n aine; taian boowi a kona ni kaineti iaon atun te iango teuana ke a kona n tibwauaki nakon kirati aika mwaiti ke mwakuri ni kakukurei. A riai n riki taan reirei bwa membwa n te uoote ke te titeiki.
“Kamanenaan raoi boowi n te Bootaki n Aine e kona ni karikirakea te atatai n te Bootaki n Aine ni mwakuri ni kawai aika korakora ma mataniwi n te nakoanibonga n taian uoote nako,” e taku Titita Beck.