Karaoia ni Kakoroa Nanona
Akanne baike a taekinii ataeinaine mai Inria n te tai are aia mwakuri ni ibuobuoki ae beebete are a rangi ni kukurei iai n tain botakin te utu n te tairiki
E tangiria te ataeinaine n te Chennai Kauoua ni Mwanga, Chennai India Mwakoro, kaain te mwaanga ni karaoa bootakin te utu n te tairiki. E bon aki ana te tai ae maan karekean te iango ae beebete ao ni kai karaoaki. A karaoa aia botaki ni utu n te tairiki ni kamronron: tamnein te baire ma te kai ae minomino n taua mwwin tain mwioko n aron te tataro, te angareirei, ao katauraoan te “karewerewe.”
Taian bebwa wiira a rangi ni beebete ao ni kirimatamata. N te tairiki teuana a ikotaki n aia botaki ni kakukurei Ataeinaine n te auti ni botaki, a kanim tamneia utu ake a katabeaki nakoiai n tatabemaniia. Uoman ataeinaine, Sushmitha Santhosh Kumar, 15, ao tarina Sujeetha, 14, a rangi ni kukurei ngke a kunea bwa ngkai ngaia kaain te Ekaretia aika boou, aia utu ao ngaia ana karekea moa te moan wiira.
“Imwin te boonnano ti a nako n te kurubu nakon aia tabo ni maeka ao ni kaota te wiira nakon tamaia,” e taku Daisy Daniel, 16. “A tara ni kukurei te utu ni kabane.” A kaman taekina botakin te utu ma mitinare aika bwanin aia tai te utu, ao te wiira e anganiia te ungannano n ruamwiin are a tia n reiakinna.
A karaoi naba taian wiira aika tau mwaitia ataeinaine bwa anganaki ni kakateuana aia utu ataein te moanrinan inanon te mwaanga. Imwina a karaoi riki wiira ibukiia mitinare ake a bwanin aia tai n anganiia te koraki aika a tibwa rairaki aika boou.
“Ma iai au koaua bwa botakin te utu n te tairiki e na buokiia ataei ao aia karo ni bootia, ao au kantaninga bwa n te tai are a noora te wiira n te botaki ni utu n te tairiki utu aikai a na bon taku,‘OK, kaain ara ekaretia a tangirira, ao anganira te kauring aei, mangaia are ti a karaoa ara botaki ni utu n te tairiki.’” E katautaua bwa n te tai ae waetata ao te botaki ni utu n te tairiki e na karaoaki ni katoa wiiki irouia aomata aika mwaiti inanon te mwanga.
Teuana te Mwakuri ni ibuobuoki ae Tamaroa e kairiiri nakon areTeuana
Taian wiira ni botakin te utu n te tairiki bon teuana mai buakon tabeua mwakuri ni ibuobuoki ake a tia ni karaoaki irouia ataeinaine aikai. Ni katakin buokan te aine ae mate buuna man te mwaanga e tara n namakina teutana te tiku ni maroaa, a katamaroa te bwaene atainaine ao ni kaonna ni koroboki n te tabonibai aika a urereke man kakukurei. “Akea temanna ikekei ae e na tararuaia,” e taku Daisy. “Ngaia are tia kauringnga bwa tabeman membwa man te mwanga a iangoia.” A uota te bwaene ataeinaine ni bon rabwataia ao ni kabwarabwara bwa e kona ni wareka te koroboki teuana ni katoabong bwa e aonga ni karekea te moangare i ubuna.
E kaunga te iango te bwaene are iai koroboki iai. A iangoia ataeinaine ni korei reeta ni kakaitau nakoia n tatabemaniia.“Ti korei reta aika tikiraoi nakoia n tatabemaniira nako,” e kabwarabwara Monisha Kalai Selvam, 13.
E na Teimatoa Maiun Bootakin te Utu n te Tairiki!
A reiakinna ataeinaine n te Chennai Uoua Mwanga bwa rinanon aikai ao tabeua riki mwakuri ni ibuobuoki aika rangi ni uarereke a kona ni outia aomata ni kaniia ma te Tia Kamaiu. E kona n ae membwa n te mwaanga arei ana uringnga n taainako taian wiira n te botaki ni utun te tairiki ibukina bwa e mwaiti ae a kaman kamanena. Ma e ngae ngkana taian wiira a riki bwa kauring aika aki tei maan, e bon raoiroi naba.
“E bon kona temanna ni karaoa oin ana wiira ke ana bebwa ni baire ke ti tekateka ma te bentira ao te bebwa ao ni karoa te babaire,” e taku Daisy. “Ti a tibwa ataia bwa botakin te utu n te tairiki nakoira ni kabane e kakawaki, ao ti tangiria n ibuobuoki ni karaoia bwa e na riki.”
Rawetamnei iroun Richard M. Romney
Karthikeyan
Meganathan
Daniel
Bharath Raj