Greece

Rigas Pofantis ao Nicholas Malavetis a kakaea koauan te aro inanon teniua te ririki ngke a noora te beeba are e maroroakinaki iai taekan ana koaua te Moomon n 1898. A atikaki nanoia ao a koroboki nakon kautuun te Ekaretia n reireinaki riki. Taan kairiri n te Ekaretia a kanakoa te beretitenti n te Mition i Turkey ni kawariia ao n reireiniia naaka uoman aikai i Greece. N 1903 Nicholas Malavetis e mate, ma uoua te ririki imwiina, Rigas Pofantis e a manga koroboki riki nakon kautuun te Ekaretia ao n tuatua bwa e na bwabetitoaki. Taan kairiiri n te Ekaretia a manga kanakoa naba te beretitenti n te Mition i Turkey, ike e bwabetitooa te Tari Pofantis ao niiman riki, ni ikotaki ma buun Nicholas Malavetis.

Moan mitinare ake a aroko i Greece onoua namwakaina imwiin te moan bwabetito aei, ma ni moan te ririki n 1909, te Ekaretia e katoka te mwakuri ni mitinare ikekei inanon e uakaan ma 70 te ririki, tabeua bukina ae te aki rau n te tautaeka n te aono anne N te marena n tai aio, kaain te taanga ni buaka ake a tiku ikekei a waaki n tibwaua te euangkerio ma kaain Greek. E bon teimatoa ni karaurau te rikirake, ngke te Mwaanga ae Athens e onea mwiin te tia ibuobuoki n te Ekaretia n te unite n 1967, te Ekaretia e wakinako ni kariniia 80 membwa n te mwaanga ma ti waniman kaain Greek.

N 1972 Unimwane Gordon B. Hinckley (1910–2008), ngke e kaaina te Koorum n te Katengaun ma Uoman n Abotoro, e katabua Greece ibukin taetaekinan te euangkerio. Man te tai anne a bati karikirake ake a kaungaa rikiraken mwaitiia membwa n te Ekaretia, n ikotaki ma boretian rairan ana Boki Moomon n te taetae n Greek n 1986, katean te Greece Athens Mition n 1990, ao katabuan te moan autinibotaki i Greece n 1999.

Kaain te Aro (2009)	661
Aono	1
Mwaanga	5

N ririki aikai Mars Hill, te tabo are e kabwarabwara iai te Abotoro are Bauro Mwakuri 17, bon te tabo ibukin te botaki ni kaoti koaua, mwakuri ni ibuobuoki, ao kauringaan kororaoia kaain Greek.