Beeku n te Ekaretia
Kakawakin te Tia Reirei
Mai iroun “Only a Teacher,” Tambuli, Okitobwa 1990, 3–8.
N taai aika a nako teniman ataeinimwane a maroroakin taekaia aia karo. Temanna e taku, “Tamau e bubura riki nakon tamam,” are temanna e kaeka, “Ma, tamau e wanawana riki nakon tamam.”Te kateniman n ataeinimwane e kaitaraa, “Tamau bon te taokita.” Imwiina, e rairaki nakon te teinimwane temanna, e taetae ni kaenaena, “Ao tamam bon tii te tia reirei.”
Bon iai temanna te tia reirei ae maiuna e kakannato riki nakoia ni kabane ake tabeman. E maiu n aki kani buokaki ma e na ibuobuoki, n aki karekea ma e na anga, n aki kamanoa Maiuna ma e na anga maiuna ibukiia tabeman. E kabwarabwara te tangira ae e tikiraoi riki nakon te mataai, te maiu ni kainnano e kaubwai riki nakon kaubwai. E reirei ma te mwaaka ao tiaki n aekaia taan koroboki. I taetae iaon te Mwatita n Tia Reirei, n aekan Iesu Kristo, Natin te Atua, te Tia Kamaiu ao te Tia Kabooira ngaira ni kabane.
Ngkana taan reirei aika a bane nanoia a kaeka nakon Ana kakao ae mangori, “Nakomai reirei mai irou,” a riki ni katoonga mwaakana mai Karawa.
I reiakina aio ngke te teinimwaane ngai ngke I a karekea man anuan temanna te tia reirei. N ara reirei n Tabati neiei e reireiniira taekan Karikan te aonnaba, Bwakan Atam, ao ana mwakuri ni kamaiu Iesu. E kairia nakon te auti n reirei ana iruwa aika a karineaki Moote, Iotua, Peter, Thomas, Bauro, ao ai uana naba ma Kristo. E ngae ngke ti aki noriia, ti reiakina bwa tina tangiriia, karineia, ao ni katotongiia.
Te teinimwaane ngke e ongo te kangoongo: “Tamau e bubura riki nakon tamam,” “Tamau e wanawana riki nakon tamam,” ma e kona ni kaman kaeka, “Tamam e kona ni bubura riki nakon tamau, tamam e kona ni wanawana riki nakon tamau, tamam e kona n riki bwa te bwairati, te intinia, ke te taokita, ma tamau bon te tia reirei.”
Ti bia ngaira n tatabemaniia ni karekea te kamoamoaki ae koaua ao ae e kororaoi!
Te Kabwarabwara iaon te Maunga, iroun Carl Heinrich Bloch, kabonganaaki man ana kariaia te National Historic Museum n te Frederiksborg i Hillerød, Denmark, e tabuaki kaeweana.