Taan ota Ana Karekea Bokin te Tembora Ae tibwa Kabouaki

Taan ota n te Riaona ao Ensign maekatiin ana karekea te boki ae boou ibukin te Tembora n Ana Ekaretia Iesu Kristo Ibukia Aika Itiaki Ni Boong Aika Kaitira n onea mwiin baike a riki n Okitobwa 2010.

Te boki ae boou aei bon kanoan te boki aei are e a kaman n tia ni boretiaki e raka iaon 50 te ririki n nako. E riki bwa rongorongo n ana maekatiin te Ekaretia Improvement Era n te ririki 1955. E riki imwiina bwa te boki ae e okoro are e a tia ni manga rinanoaki wanua te tai. A na kaobi ae ngkai e karinaki ibuakona rongorongo aika a boou ao tamnei ake a boretiaki nakon 45 taian taetae.

Burabeti ni Boong aika Kaitira, ni ikotaki ma Beretitenti Thomas S. Monson, a teimatoa ni kaungaia membwa bwa ana karekei aia otenanti n te tembora ao ni manga okira te tembora ni karaoa te mwakuri ibukia aia bakatibu.

Te boki aei e kataia n reiakin taian tua ao reirei n taromauri n te tembora. Kaain te Ekaretia a kaungaaki bwa e na riai ni iai aia katooto ni mweengaia n te aro bwa ana kona kaaro ni kamanena te boki aei n te bootaki n utu ke ni waaki riki tabeua n reiakiniia aia utu taekan te tembora.

Ni kabane aomata a kona ni kakaai bwaai aika a riai ake a kaineti nakon maiuia n te boki aei. Rongorongo aika a boou n te kaobi aei ni ikotaki ma “Taian kakabwaia man te Tembora,” iroun Beretitenti Thomas S. Monson, ao “te Katauraoi ibukin Kakabwaia man te Tembora,” iroun Unimwaane Russell M. Nelson man aia Koroom te Tengaun ma Uoman n Abotoro. Kanoan te boki aei bon te rongorongo ibukia kairake ae atunaki “Karaoa te Tembora bwa iteran Maium,” ao ataei a kona n reiakina aron te tembora man koroboki ae atunaki “Kawaira nakon te Tembora.” Ni kabane taan wareware a bane ni kukurei n nori rongorongon tembora ni kabuta te aonnaba. Kanoan naba te boki aei bon taian kaeka nakon titiraki aika a tabangaki nakoia membwa ake a katauraoia nakon te tembora ae aitibwa aia moan tai.

A kaungaaki kaain te Ekaretia bwa ana tibwaua te boki aei ma kaain aia utu ao raoraoia man aaro ake tabeua. Nikiran kaobin te boki aei a tauraoi n ana tienta nako te Ekaretia ni Kanakobwai ao n te LDScatalog.com.

Titeiki Beretitenti, bitiobi, ao taan reirei n te kiraati n te katauraoi nakon te tembora a na rineia bwa a na kamanenai bwaai n reirei aikai bwa bwaai ni ibuobuoki ma te Bwaintangira man ae Rietata ana boki ni kairi te tia reirei ao te boki ae, Te Katauraoi n Rin n te Tembora ae Tabu.

N aron riaina, mataniwi n te nakoanibonga a riai n angaa te boki nakoia membwa ake a tia n rin n te tembora bwa e na buokiia ni kauring bwaai ake a tia n rinanona n te tembora. E na bongana naba ibukin buokaia te koraki ake a oki rikaki nakon ana mwakuri ni kakukurei te Ekaretia ake a katauraoia ni kabaeaki n te tembora.

“Te boki aei e na bon tamaroa bwa te bwai ni ibuobuoki nakoia membwa ni kabaneia,” e taku Unimwaane Yoshihiko Kikuchi man te Itingaun. “Bon te buoka are e na kauringira bwaai ake ti rinanona aika a tabu n te tembora, ni irekereke ma berita ao kakabwaia, ao katabeakiia membwa n tatabemaniia nako ni karaoan rongorongon aia utu ibukin kakaean aia bakatibu ao ni katauraoii otenanti n te tembora ibukia n reitaki ni karaoan te mwakuri n te tembora.”

N Okitobwa, taan ota ana karekea te koroboki ae boou man bokin te tembora.