“E na kanga n reke irou iango aika itiaki ngkana I noori bwaai ni kabwakabwaka aika bati irarikiu?”

E na tara n ae ko aki kona n nakon taabo tabeua n te bong aei n aki nooriia aomata bwa a kunnikainiia raoi , n aomata ke te aro ni karekerongorongo. Ko na bae n aki kona n taai nako n taua taekan am otabwanin, ma ko kona n taua taekan am iango.

Ngkana ko noora te aomata ae e kunnikainna ni kabwakabwaka, ko kona n ienikuri ni kamwaawako man te bwai ae riki. Ngkana e roko te iango ae buakaka nakon am kaantaninga, rineia bwa ko na aki tiku iai, ma e raoiroi riki kaonan am inago n iango aika itiaki. Kariaia katei aika raraoi bwa a na reitaanako katamaroan ami iango, imwina … e na riki te Tamnei ae Raoiroi bwa raoraom n taai nako (tara D&C 121:45–46). Karekean kaantaninga aika raoraoi e na ka kukureiko ao ni karekea korakoran te Tamnei iroum.

Karaoia bwa am katei n taainako karekean kaantaninga aika itiaki. Kataia n reitaki ma aomata aika a kunnikainiia raoi, ao kamwawako man taabo ake ko na noori kunnikai ni kabwakabwaka. Tataro nakon Tamam are I Karawa bwa E na buokiko. Kamatenanoi kunan te taromauri ao koroboki aika tabu n te aro bwa a na reke iangon bwaai aika raraoi ngkana ko kaririaki. Wareki koroboki aika tabu ni katoatai, ao kawara te tembora ngkana ko kona. Ngkana ko nooria aomata aika kunnikainiia ni kabwakabwaka, ko kona n iangoi bwaai aika a tamaroa.

Tiaki Ngaira Ana Bwai te Aonaaba

Ti riai ni uringa bwa ti mena n te aonnaba ma tiaki ngaira kaaina. Ngaira bon naati mwaane ao naati aine aika ti onoti iroun Tamara are I Karawa ae moan te tangira. Ni bukina aio, te tia kaitara e a karirira riki n ae e korakora, ma ti riai riki ni korakora nakon te kariri. Taan tangirii bwain te aonnaba a bae ni kunikainiia ni kabwakabwaka, n aki ataia bwa rabwatia bon te te tembora ae tabu. Ma Aomata aika itiaki ni boong aika Kaitira iai te rabakau aio irouia. Mangaia are, ti riai ni karaoiroira ao ni kaitiakiira. Ngkana a niniaki ara kaantaninga n iango aika buakaka, ti riai ni waekoa ni ukouokora ana ibuobuoki Tamara are i Karawa rinaon te tatro, bwa akea riki ae rangi n tamaroa ae e na buokira Nakoina.

Dayana H., ana ririki 19, São Paulo, Brazil

Bubutia Raoraom bwa ana Ibuobuoki

Ngkai bon ti ngai te Aomata ae Itiaki ni koraki onoua n au reirei, I kaitibo ma taeka aika buakaka, bwaai ni kabwakabwaka, ao ni imanono n irii waaki ni kaitara. Ma ni moanakin te ririki, I kabwarabwara nakoia raoraou au kainibaire ao kabaeau nako iai n akea kubau. A tia n reiakina tamaroan au Ekaretia inanon namwakaina. Raoraom a na bon buokiko ngkana ko kabwarabwara kakawakin reireiam ao am kainibaire nakoia. Anuaia raoraou, aia kunnikai, ao aia taetae a bitaki nakon te tamaroa. I a tia n reiakinna bwa ngkana bon raoraom ni koaua, a na bon buokiko ni iangoi iango aika raraoi ao ni buokiko n tiku iaon te kawai ae eti man irariki.

Celia N.,ana ririki 12, Virginia, USA

E ibuobuoki te tataro

I kunea bwa ngke I tabe n rinanon te rawaawata ni kateimatoa te iango ae itiaki, te tataro bon au kaeka ni koaua ni kawakinan te iango ae itiaki ao ni kariaia mwaakan te Tamnei bwa e na mena irou n te tabo are I nako iai. Te tataro ni katoa ingabong nakon Tamara are I Karawa e buokai ni karekea te iango ae itiaki ao n anganai te kairiiri inanon te bongina ao kaitauana n te tairiki e anganai te reitaki ae tamaroa ma Ngaia ao ni buokai ni kamwawaai man kabwakabwaka ao ni kawakina anuau aika a raraoi. Te tataro ni katoa ingabong ao n te tairiki e kona ni buokiko ni kaoa te Tamnei bwa e na raoniko ngkana ko aitara ma ana kakaewenako te aonnaba. “Nanomatoa ao n aki kamwaieieaki, n tei n taainako ni mwakuri aika a raoiroi.” (Motiaea 5:15).

Gunnar R., ana rirki 16, Wisconsin, USA

Ngaira bon Tembora

Ngkana a kunnikainiia ni kabwakabwaka aomata akana irarikim, tai tiribureia, bwa ko kainnanoia ni na karekei iango aika raraoi. Kaota te banna ni katooto man kaotakina bwa ko toumwiin ana kainibaire te Ekaretia. Ao buokiia aomata n tangiriia ao n tuangiia bwa Tamara are I Karawa e tangiriia ao ni kainnanoiia bwa ana itiaki ni koaua n te mwakuri ao n te iango. Te itiaki e kakawaki ibukin te kamaiuaki, ibukina bwa ngaira bon ana tembora Atuara.

Maricris B., ana ririki 19, Quezon, Philippines

Maiuakina reirein te Euangkerio

I ataia bwa ti kona ni karekei iango aika itiaki man kamatebwaian koroboki aika tabu ao ni maiuakin aia reirei. Ngakna ti maiuakin ni kabane taian tua ake ti reireiaki iai inanon te Ekaretia, ngkana ti wareka For the Strength of Youth, ao ngkana ti nakon te tembora, ti kona ni karekei iango aika itiaki.

Jossi O., ana ririki 16, Antioquia, Colombia

Te Iango Kanga Aiaron te tabo ni Kamataku

Preach My Gospel iai iterana are taekina rongorongon anua aika raraoi. E taekina ara iango bwa airon te tabo ni kamataku n te auti ni kamataku. Ti temanna te aomata ae kona ni kamataku te taina iaon te tabo ni kamtaku. Ngkana ti iango ni itiaki, kantaninga aika a raraoi, ara iango a kona n tiku iaon kantaninga aikai ao ana mwakuri ara iango e aki kona n oneaki mwina n iango aika kammaira. Anua aika a raraoi bon anuan Iesu Kristo are ti a tia n tuangaki bwa ti na karikirakei. Ti reiakinaki n te Ekaretia bwa ti na riai n taai nako ni iangoi bwaai aika itiaki, ma ngkana iai te bwai ae bareka ae e kaririira, ti kona n anenea kunan te aro ae mamaten nanora ke n iangoi koroboki aika tabu ae mamaten nanora. Te kabanea ni bwai ae kakawaki ae e na ibuobuoki e kona ni kuneaki inanon 2– Nibwaai 32:9: “Teimatoa n tataro, ao n aki mamara iai.”

Unimwane McEachron, ana ririki 21, Brazil João Pessoa Mition

Iangoia Temwangina bwa Natin te Atua

Ko tautaekana arom ni kaeka nakon te bwai ae ko nooria. Ibukina bwa iai te bwai ikekei, ko na aki kaunga nakon ana mwakuri am iango. Ko rinei am iango, rineia bwa ko na kawakin ni kaitiakii. Kamwawako man norakin kabwakabwaka n am kabanea ni kona, ao kunnikainiko raoi n taainako. Imwina iangoiia koraki ake ko reiatki ma ngaia bwa natin te Atua, ma aroia mai karawa, n tangiraki irouin Tamara are i Karawa. Ngkana I nooria tabeman bwa natin te Atua, I bon rorotaki n te nanokawaki man te kabwakabwaka.

Amy S., ana ririki 19, Utah, USA