Namakinan Tamnein te Tembora

Cristian Robles, Chile

Ngke I weteaki bwa Nna riki bwa kaain te kauntira ae rietata, te beretitenti n te titeiki e kaota nanona ibukin mwaitiia kaain te aro ake ana nakon te tembora ni boong ake a katauaki ibukin ara titeiki. Baao ni mwamwananga bon te kanganga, ngaia are te moan bwai ae e karaoia bon karekean te bwati n rikoia kaain te aro ni kabane kateitei n te uoote n te titeiki ao n uotiia rikaaki ngkana e bane kanoan te bong.

E ngae n anne, Iai riki te kanganga teuana. A mwaiti tiina aika aki kona n iri ibukina bwa akea ae e na taraia natiia. Ngke ti maroroakini bwaai aika a kona ni karaoaki ni karekeaia tabeman kairake n aine man te titeiki bwa ana ibuobuoki n tararuaia ataei, I ataia bwa ti kona ni wetea te tia kairiiri irouia ataei aika uarereke man te titeiki. I tabekaarake te iango nakon te beretitenti n te titeiki. E taekinna bwa ti kona ni weteia taan rairaki aika a boou bwa ana ibuobuoki nakon te tia kairiiri irouia ataei aika uarereke bwa aonga n namakina te tamnei n te tembora. Ngke a bane ni karaoaki nanon iango aikai, ti karekea te mwaiti ae korakora ni kawaran te tembora n te titeiki.