Te Rongorongo n Reirei ni Kaakawari
Kakaean ao Karekean Oin Am Kaotioti
Reirei koroboki aika tabu ma taeka aikai ke, ngkana e tangiraki, te tua riki teuana ae na kakabwaiaia mwanemi ake kam kawariia. Anga am koaua iaon te reirei. Kaoia naake ko kawariia bwa a na tibwaua te bwai are a tia n namakinna ao n reireiaki.
N na kanga ni Kakaea Oin Au Kaotioti ?
“Ti tauraoi ni karekei oin ara kaotioti n ai aroia naba burabeti, man kamatebwaian koroboki aika a tabu, aki mamatam, tataro, ao katean te onimaki. Te Onimaki bon te kiing. Uringa ana katauraoi Iotebwa ibukin te Moan Kaotioti:
“‘Ngkana akea ana rabakau temanna ibuakomi, ao e na butiia te Atua. …
“‘Ma e na bubuti n onimaki, n aki nanokokoraki.’”1
Unimwaane Robert D. Hales kaain te Kooram n te Tengaun ma Uoman.
“Te tataro bon am kiing n nako karawa. Te roka are mena ni iteram man te rabuna.
“Ma anne bon tiaki ni kabane. Ngkana temanna are e iangoia bwa te kaotioti e na raanga n akea te kekeiaki, e taku te Uea:
“‘Ko tuai n oota, ko iangoia bwa N na anganiko, ngke akea am iango ma ti te titirakinai.
Ti riai n iangoa moa te babaire n ara iango; imwiina ti na tuanga te Atua ngkana eti te babaire, ao ngkana eti ao e na tuangiira inanora ao e na kaabuea inanora ao tina namakinna bwa te babaire e bon eti (tara D&C 9:7–8)2
Beretitenti Boyd K. Packer, Beretitenti n te Kooram n Abotoro ake Tengaun ma Uoman.
N na Kanga ni Karekea Oin Au Kaotioti?
“N aron ae namakinaki, kaotioti ke namakin e roko man taekan te iango ake a reitaki nakon te iango (tara Enoti 1:10; D&C 8:2–3), man namakinan te kukurei ae tawe (tara D&C 6:14–15) man te namakin ae eti ke e kairua n taekan bubuti ibukin mwakuri aika a tabe ni iangoaki karaoakiia, ke man namakinan mwakuri aika a katika te nano iangoakia, ae aekan karaoan taian korotamnei. N aekan Beretitenti Boyd K. Packer, … Beretitenti n te Kooram n Abotoro ake Tengaun ma Uoman, are e taekinna, ‘Te kaotioti e roko ni korakora n te namakin nakon te bwana.’”3
Unimwane Dallin H. Oaks man te Kooram n Abotoro ake Tengaun ma Uoman.
“Te tembora bon te auti n reirei. Angin taian kaetieti ake a taekinaki n te tembora bon kanikina ni katotoo ao n reireinaki man te Tamnei. . Aio nanona ti bon reireinaki mai karawa. … Ootara n nanon otenanti ao berita aika a tabu e na rikirake ngkana ti oki nakon te tembora n tainako ma te anua ni kan reirei ao n iangoia raoi taekan koaua aika akea tokiia aika a reiakinaki.… Ti na kukurei ni korakoran te tamnei ao te kaotioti ake ti karekei ngkana ti kakawara te tembora n tainako.”4
Silvia H. Allred, moan kauntira n te beretitentii ni kabuta n Aia Bootaki Aine.
Tamnei a kabwarabwaraaki iroun Juan Pablo Aragón Armas