Moantaain Ingabongin te Tabati
Ataeinimwaane i Fiji a moan taai ni uti n rianna n te kawai ae e ananau, ma a ingainga ni karaoa tabeia.
Bon tairikin te Kaonobong i Waila Uoote n te Nausori Fiji Titeiki. Taian tabe n te bong anne a bane n tia, ao kaain te nakoanibonga n te Aaron a katauraoi ibukin te Tabati a ikotaki n mwengan Tarira ao Mwanera Maiwiriwiri. Bon te tai ae kakawaki nakoia n reken aia amwarake ae uarereke imwain moanakin aia aki mamatam—n ruamwiaki ma te te matu iaon te kie ni mwengan ana utu Maiwiriwiri.
E rangi ni moantaai te ingabong nakoia taeinimwaane n te Nakoanibonga ae te Aaron. A waekoa ni uti imwain otin taai a karini aia kabaraki mainaina ao aia neketai, ao aia kawaerake roro, ao ngke e a kaan 6:00 a.m.a tia ni kitana mwengan Tarira ao Mwanera Maiwiriwiri ni kakauoman—aiaroia raoi mitinare. N tatabemaniia ake uoman iai kawaia aika onoti ae a na toua ni karokoa te tabo n taromauri n te aoa 10:00 a.m., ngkana e a moanaki te botaki n te nakoanibonga. Tabeia bwa ana tei n aia auti membwa iaon kawaia ao ni bubutia are a kona n anga ibukin te Angabwai n aki mamatam.
Ataeinimwaane aikai a nakonako teniua te maire (5 km) man mwengaia ana utu Maiwiriwiris man tokin te uoote nakon te tabo ni botaki n tokin te uoote. Aio te tai ae kakawaki ni kakoroa nanon mwiokoaia ao ni bubutia kaain te Ekaretia n ibuobuoki n te mwakuri ae kakawaki ibukin mwannanoaia aine ake akea buuia ao ibukiia tariia ao mwaneia man anga aia karea ibukin te angabwai n aki mamatam. Beretitenti Alipate Tagidugu n te Nausori Fiji Titeiki e taekina bwa te bwai ae riki imwin te korakora aio irouia kaain te nakoanibonga ae te Aaron e a tia ni keerake nakon 20 te betienti.
Te bwai ae kakawaki, ataeinimwaane aikai a reke aia tai ni kakoroa nanon mwiokoaia ao ni buokia kaain te uoote ni kawakina aia berita ae tabu are a karaoia n te bwabetito:
“Ngkai ko ingainga ni kan okira ana nanai te Atua, ao n aranaki bwa ana aomata, ao n ingainga ni uota rawawatan temanna, bwa a aonga ni kabebeteaki;
“Ao e koro bukina bwa e kangai nakoia: taraia , aikai nein Moomon ( bwa anne araia) ao ngkai, ngkana kam tangiria ni kaaina ana nanai te Atua, ao n aranaki, bwa ana botanaomata, ao tauraoi ni katokaa iaomi rawawataia raomi, bwa aonga ni beebete. Eng, ao n tauraoi n tang ma ake a tang ; eng ao ni karau nanoia ake a kainanoa karauan nanoia, ao n riki bwa taan kakoaua ibukin te Atua n taainako ao ni bwaai nako, n tabo nako ake kam nako iai, ni karokoa matemi, bwa kam aonga ni kabooaki iroun te Atua, ao n rin ibuakoia ake a na ira te moan mangauti, bwa e aonga n reke iroumi te maiu are akea tokina” (Motiaea 18:8–9).
Ibukiia ataenimwaane aikai, rikoan te anganano ibukin te aki mamatam bon tiaki te rawawata ma te kakabwaia. A kukurei ni bwaini kunnikaia aika mainaina ao aia neketai ni ingainga ni karebwerebwe n aia mataroa membwa n te moantai n te inagbong ni bubutia bwa a na tibwaua te kakabwaia are e reke man aia anganano ibukin te angabwai n aki mamatam.
Ngke I tabe ni matakuakiniia ataeinimwaane aikai ni katauraoi ibukin kakoroan nanon mwiokoiaia ngkai kaain te nakoanibonga , I tabe n iangoia bwa tera te kakabwai ae kakawaki nakoia inanon maiuia n oota ni bonganan korakoraia ni bubutia kaain te Ekaretia ni kainiia nakon te Tia Kamaiu rinanon aia aia anganano ibukin te angabwai n akimamatam. Iraman aika a na riki bwa mitinare aika a raoiroi, iraman aika a na riki bwa buumwaane ao kaaro aika raraoi mai mwiin koraoan aia mwakuri n te nakoanibonga.
A na oota riki n te koroboki ae tabu aio ibukiia ana aomata te Atua: E na arania ana aomata te Atua bwa Tion, ibukina bwa ti teuana nanoia ao ti teuana aia iango ao ni maeka inanon te eti, ao akea ae e kainnano mai ibuakoia (tara Moses 7:18).
Ai te kabwaia tera nakoia kaain te nakoanibonga aikai n ataia bwa a tia ni kaoia membwa ni karokoia ni kaniia nakon te Tia Kamiu.
E moan taai ni waaki te bong, ma te moangare a nako ataeinimwaane aikai man iteran te uoote are teuana nakon are te iterana , n rikoi iaon kawaia taian anganano ibukin angabwai n akimamatam.
Fiji
New Zealand
Australia
Iaontia: rawetamnei © Dynamic Graphics, Inc.; rawetamnei iroun Talat Mehmood; mwabe kangaraoaki mairoun Map Resources