Te Ota ae kaineti ni Kaota te Tembora
Manila Philippines Tembora
Beretitenti Gordon B. Hinckley (1910–2008) katabua te Manila Philippines Tembora n Tebetembwa 1984. Te kateitei ae tamaroa ae onoua kainteina iai itinanikuna ae takaneanea mainainan ana tieraemiki ao e bon katobibiaki n aroka aika taian nii aika a tararaoi ao aroka aika matamata.
E karaoaki neweabakin te tembora e aki maan imwiin uoua angibuaka ake a taona Philippines. N aki ongea te angibuaka, te bootaki e waki nako n aron are e baireaki. N Tebetembwa 3, 1984, te neweaba ibukiia bwakuaku e wakinaki. N te bong are imwiina, ngke e a uki te tembora ibukiia aomata n nakoaia, “te bwai ae kaoti mai karawa ae e tamaroa e taakinaki ietan te tembora,” e taku Jovencio Ilagan, te tia koroboki ni kometen te tembora inanon kateana. “Taai, n ootana ae e rangi n ota ni kabane, e noraki rinanon katobibin te ota ni kaara aika a kakaokoro. … N teuana te tabo, te nuuka ni boua ma bouan te anera ae Moronaai e nooraki i nuukan te oota ae katobibi. E kaan bubua aomata n ana tabo te tembora ake a kakoauaa. A mwaiti ake a waanako ranin mataia.”1
Te Tembora i Manila Philippines bon te moan tembora ni kateaki i Philippines. Katean te kauoua n tembora n te aba e waaki inanon 2007 ni Kaawana ae Cebu.