Aia Iteraniba Ataei
N taai tabetai ao I namakinna bwa I aki rang oota n taekan te Ekaretia ke I namakinna bwa E aki rang n tau au onimaki ni bwaai tabeua. Ngkana I karekea te namakina aei, I tataro nakon Tamau are I Karawa ibukin ana ibuobuoki. I kuri n taai nako ni karekea te kaeka. I namakina te abuee ao te kamanoaki ni kabutaa rabatau, ao I karekea te namakin ae koaua bwa te Atua e ongo n au tataro ao e rangi n tangirai. Bwaai aika a tia n riki nakoiu a buoka au koaua ao karikarekean au tangira ibukin te Atua.
I kakoaua bwa te Atua boni ngaia Tamara ao e tangirira n tatabemaniira nako. E kakauongo nakon ara kanganga ao e kanakoa te Tamnei are e Raoiroi bwa ena karaui nanora. I kakoaua bwa Eongo ara tataro ao e kukurei ngkana ti kororaoi. I onrake n te kimwareirei n ataia bwa te Atua e tangirai ao I boni kaaina te Ekaretia. I kakoaua bwa Iesu Kristo bon Ngaia Natina ao ara Tia Kamaiu.
Deveney R., ana ririki 11, Switzerland
Carlos D., ana ririki 8, Brazil
Viet Minh Tri P., ana ririki 10, Cambodia
Daniel K., ana ririki 7, mai Denmark, bon te teeinimwaane ae e kukurei ao e ninikoria. E tangiria ni kan ibuobuoki n te onnaroka. E tangiria naba ni kan ibuobouki ni kuuka —ai moararariki ni katiraan burawan te pizza. E rang mwakuri korakora n te reirei ao maten nanona te butibooro, te nako n tebotebo, ao n tamwarakean taian aroka. E tangiria ni buoka kauraan te ai n ana bootaki ni kakukurei te Tikauti. N te ekaretia ao e tangirii karaki iaon rongorongon Iotebwa Timiti ao Iesu, ao e tangiria n anenea “ Rinea te Eti.”