Te reirei nakoia Ataeinaine iaon te Ikikina

Iroun Beretitenti ni Kabuta n te Botaki n Ataeinaine

Te ikikina e kaunga! Te karetangira bon te tai are kona karikirakea ao ni karababa am iraorao ma te teinimwane. Unimwane Robert D. Hales man te katengaun ma uoman n Abotoro e anga ana kamatata ae bebete man nano iaon te rao: “Naaka a iraorao bon aomata ake a kabebetea maiuakinan ana euangkerio Iesu Kristo.”¹ Ikikina ma te teinimwane ae e tangiriko bwa kona riki bwa te aomata ae kona tamaroa riki. “Karaoa anuam ae te kabanea n tamaroa” bwa ko a aonga n riki bwa te bwai ni kakairi nakoia ake ko marooro ma ngaia.²

Riiki bwa te Aekan Aomata Are ko Kan Marooro ma Ngaia.

Ko kona ni waaki mang ngkai ni karikirakei anua akanne are e na katiki naano nakoim ao ni kamimi.

Moangare! Eng, moangare ao kukurei. Ao moangarem e na bon rootia tabeman ni buokiia ni kakukureia tabeman ake a raoniko.
Bwaina te maiu ni kiritian. Karaoi bwaai ake ana kanimko ni kaniiko ma te Tamnei ae Raoiroi bwa E na riki bwa raoraom n taai nako.
Bwaina te marurung n rabwata. Tararua raoi rabwatam, kamarurungko, ao kataneiaiko n anuana kanakin amwarake aika a kamarurung. Bwaina te itiaki.
Karikirakei mamatennanom ao am taarena. Ukora te reirei n aron am kona. Ko kona ni wareki booki aika kakawaki, n ongora nakon anene aika raraoi, n atai bwaai aika riki ngkai, ke n reiakina te taetae teuana.
Karaoa anuan te aine ae Natin te Atua. Tai rangi ni reberake, too ieta, aki taotaonannano, ke ni kakauiango. Tao ko atia noorii anua aikai man taian tamnei, ma e bon aki tau iroun te ataeinaine ae e oota ana iango ae natin te Atua te aine.
Karikirakea arom n reitaki. Bwaina te akoi, nakoia tabemwaang, ao n tabeakina kainanoia tabeman. Kataneiaiko n reitaki ma aomata n rabwatam n aomata. Reiakin anua ao katei aika a raraoi. Bwai aikai ni kabane ana buokiko n riki bwa te aomata ae kan raoraonaki.
Kaboboko ma aomata. Kaotia ae iai nanom irouia tabeman ni bwaai ake a tangiria ni karaoi. Anga titiraki ake ana kona ni ibuobuoki ao ana mwengaraoi iai ao ena buokiko bwa kona kinaia riki.
Katei taian tia. Tai kariaia tabeman bwa ana konako. Kateimatoa itiakim.
Maiuakina te aroaro are Kakorakoraia te Roronrikirake. Tai maakinna n tibwa te aroaro ma naake ko maroro ma ngaiia. Tai karinanoa arom ibukin temanna. Ngkana e kantaningaiko temanna bwa ko na karaoia, teuanne ke neienne e aki tau bwa e na riki bwa raoraom ke raonakim.
Buokiia tabeman bwa ana riki n aroia ae tamaroa. Katamaroaia riki ngkana ana iraorao ma ngkoe. E ngae ngkana e aki mwaiti am tai ni maroro, ko kona ni moangare ao ni karekeia raoraom aika a boou. Rineia bwa kona kukurei n tainako. Te unra n te iraorao e kona ni buokiko ni karikirakeko. Aomata nako ake ko kaitibo ma ngaia a kona ni karikirakea maium, ao ko kona ni kakabwaiaia tabeman ngkana ko tibwa anuam aika raraoi.

Iangoraoi n Rineia ake Kona Marooro ma Ngaia.

Te marooro bon te tai are kona kinaa raoi te teinimwane ao ni katauraoi nakon te mare. Taratara raoi n rineia ake kona maroro ma ngaiia. Ngkana koa baireia bwa kona iranako te teinimwane, taraia raoi bwa e maiuakina te aroaro ae itiaki ao ena buokiko n tainako ni maiuakina ana euangkerio Iesu Kristo. Aikai titiraki tabeua ake a kona n titirakiniko.

E korakora ao e raoiroi anuana?
E kona n onimakinaki ao ni katan iaana?
E kokoaua?
E karinerine nakoia tabeman ao nakoiu?
E tutuaraoi?
E karineia au karo ao ana karo?
E karinea nakoana n nakoananibonga?
E kaungaai bwa n na riki n tamaroa?
E kororaoi n nakon te tembora?

Kakukureiko ao kaungako n am tai ni marooro ni kinai ngkami ibon iroumi. Kabaea ami tai ni kakukurei ibon iroumi. Tabeua boong ni maroro ana kona ni bebete n ai aron te kaai ni kuka ibukin te amwarake. Ke iangoa te mwakuri ni ibuobuoki. Ko kona ni kamwataua ao ni kinaa te aomata anne riki man karaoan mwakuri nakon te tekateka ni matakuakina te tamnei.

E a tia n taekinna ara burabeti, “N te maroro, karaoa te karinerine nakon raom, ao kantaninga raom bwa ena kaota naba anne nakoim.”³ Ti ataia bwa kona riki bwa te banna ni katoto nakoia mwane ni kabane ake ko maroro ma ngaia inanon maium—ao ni kabane raraom ake a noora te banna ni kakairi mai iroum.

Ngkai ko reitinako ni karikirakei am bwaintangira ao tarena, karaoa te rinerine ae iangoraoi irouia raraom ao riki ngkoe bwa te banna ni katoto ae raoiroi, am ririki inanon am iraorao ena bon nakoraoi, mwaitina ae ko karekea ao ena kakukurei. Aio te tai are kona katea am taratara ae rietata, kantaninga te tamaroa, ao riki bwa te kabanea n tamaroa are e kantaningaiko iai Tamam are i Karawa. Ngkoe natin Tamam are i Karawa te aine; E tangiriko, ao ngaira naba.