Te Moanrinan Te Tiabiaano
“I aki kakoaua!”
“Ko aki manikangare!”
“E na aki kona n riki anne!”
Anne te bwai ae ana kona n taekinna Andrea, Erick, Kristofer,Suzett, ao Yuridia mai Provo, Utah, ngkana ko tuangiia bwa ana katang biaano ibukin aia tai n taetae kaain te Moanrinan n te bootaki n toa. Imwin taai aikanne, bon ti temanna ibuakoia ae e a tia ni katang biaano mai imwaina!
Ma aia tia biaano kain te Moanrinan, Titita Perry, e angania te kakaewenako— ao a tauraoi ni butimwaia.
Tebongina n te wiiki, kaka temanna irouia ataei a reirei iaon te biaano ma Titita Perry, ma tii temanna te teei ae ea kaman reke ana tia reirei. Ni mweengaia a kataneiai iaon taian note n te aokan aika a maiu man te iti. N tokina a reiakina rairan taian anene aika a bebete ibukin aia taetae n te bootaki n toa. A kataneiai n te Moanrinan ngke a tabe n anene ataei ake te korakina.
Akea bwa e a roko te bong are e kariariaki. N tatabemaniia ataei a katanga te korana ke uakora kunaia. Aki nako nanoia ngke a katangitang imatan te uoote ae e bwanin? Ngaia raoi! Ma e aki katoka aia waaki.
“I rangin namakina te nako nnano,” e taku Kristofer, ma iai Au onimaki.”
E rabwa aia onimaki ao aia mwakuri korakora, a bane n tikiraoi aia kekeiaki n te tai anne. Ao tikiraoina riki?
“E kakukurei te kona ni ibuobuoki inanon te ekaretia.” E taku Andrea. “Bon te kakabwai aio nakoiu.
Ngkai ataei a kona ni katangitang n te bootaki n utu n te tairiki, n te bwabetito, ao ngkana anene aia utu n te bootaki n toa. Ai raoiroira!
Korotamnei iroun Christina Smith