A Taetae Nakoira
Riki bwa te Aomata ae Tamaroa Ngkai
Man “Riki bwa te Aomata ae Tamaroa,” Ensign, Beberuare 1993, 64–67; punctuation standardized.
Te maiu ae tamaroa bon ana kabanea n kantaninga te Atua ibukira. Te maiu aei e riai ni kabonganaaki ma bwaai ni kabane are e anganiira ae ti kona n noori. E na bon akea te tai n tataninga. …
Ngaira ni kabane ti riai ni maiu ma bwaai aika bon riai ni moanibwai ao n riaiia. Tai kataia n karawawatako n aron teim. Ngke, tao n tarataraiko iroum bwa ko maiuakina ana Euangkerio Iesu Kristo ke ko aki.
I tatangira te katei ni maiu ae kaotaki iroun raoraou, Carol Clark, … ngke e taku bwa arora ni kaaitarai ara kanganga bon tiaki te tataninga ma te maiu ni kaubwai, te maiu ni bwaai nako, ao te kimwareirei. Te kantaninga bon tiaki te tataninga ibukin te aomata are ti kantaningaia ma tina riki bwa te aomata ae ti tangiria.
“Kakukurein raoi te maiu aei bon te tokanikai man kanganga ni bon te tai naba are ti kakantaningaia ma te kukurei bwa bwaai ni kabane ana nako raoi. … I kariaia bwa maiuakinan maiu ma miiu aika tuai koro bukiia e a tia ni kaota te kairiri ae rau ao man nano rinano ibukina bwa e bon rangi ni kanganga arona. Ma matoatoam bon inanon baim, ao ngkai bukina anne,I kona ni karekea, e ngae ngke e roko te tai are e toki iai tangiran bwaai are I atia n rang n tangiri— ni maiu aei, irarikin te maiu ni kororaoi. …
“N tain te kabuebue ae nako ao I kaota nanou n aki kukurei nakon raraou temanna ae tiaki kaain– Aika Itiaki ni Boong Aika Kaitira n tuanga ae ia rangi ni kua, akea te kukurei, maiu kaanga te mitiin. Kaanga ake tabena iai, e kabooai man taku, ‘Bwa iroum kaanga tera te bwai aei? Tuoakim n tamaroan am kunikai? Aio bon maium, Carol. Karaoia.’ I kantaningaa karauan nanou ao taeka aika bebete. Ma te bwai ae karekea, bon nanona ni koaua are taekin nako matau.Ma e bon koaua, bwa e bon eti. I bon aki anga kakawakin maiu, ngaia are I bon aki namakina bonganau. I oki rikaaki, ao ia manga wareka riki rongorongon te tia ununiki ao te tarena, ao ni manga kakaea arou ae eti mai iai” (A Singular Life, ed. Carol L. Clark ao Blythe Darlyn Thatcher [1987], 35–36).
Tariu ao mwaneu, kaeta arom, ngkana ngaia anne ae kainanoaki. Tai tataninga. Bwaina ni maium te mwamwakuri, te reirei, te rikirake I bon iroum, te tangira ibukiia aomata nako, ao tabeua riki katei aika materaoi. Maiu ma te kantaninga ni katoabong. …
…I kaotia nakoim bwa ko na kinaa riki Tamam are I Karawa. Ko na Tangiria Riki. Ururinga n taainako ae E tangiriko ao E na bon anganiko kairakim ao te boutoka ngkana ko bon Anganna bwa E na anganiko. Kairia inanon karaoan am babaire. Kairia inanon marakin atuum ao marakin nanom. Kairia ngkana ko taratarai arom ibukin kororaoim I bon iroum. “Bwa nooria, te maiu aei bon aia tai aomata bwa a na katauraoia ni kaitibo ma te Atua; eng, nooria te bong ni maiu n te maiu aei bon te bong are aomata a na karaoi aia beku.” (Aramwa 34:32).
Inanon am tai ni kataia n riki bwa te aomata ae tamaroa ngkoe, reitaki ma Tamam are I Karawa are e kinako riki nakoia aomata ni kabane. E atai am tarena, korakoram, ao mamaram. Ko roko n te aonaaba aei n te tai aei bwa ko na karikirakei ao man katamaroai kateim aikai. I berita nakoim bwa E na bon buokiko. E atai kainanom.
Kabwarabwaraan tamnei iroun Craig Dimond