Koroboki aika tabu Bon au Angka

Giccelly D., Venezuela

Ngke I moana au tieminari bwa kaain te Ekaretia ae boou, I aki iangoia bwa koroboki aika tabu a na riki bwa au angka, au otanga ao kamanoau, au tia karaunano ao au kimwareirei. Rinanon koroboki aika tabu I ataia ana aomata te Atua aika ninikoria ake a buaka ibukin aia onimaki ao aia utu aika a teimatoa ni waaki nako, a matoatoa n nim ma Kristo n taai nako. A nanorinano, tataonaki n nano, onrake n te tangira, ana tangira Iesu ae kororaoi, ao n onimaki. I ataia bwa iai aia kaantaninga inanoia ibukira n ara bong bwa tina kawakin tuua nako ake a reiakinaki inanon koroboki aika tabu.

Taan ninikoria n tatabemania ni koroboki aika tabu aikai bon iai namakinaia irou, ma temanna ibuakoia ae rangi ni katitika te nano are e nanorinano, ongeaba man uarerekena, temanna are e kaota te banna ni katooto ae tamaroa, temanna are e bwainaki irouia aomata ni kabane. Te mwaane anne bon Iesu Kristo. Bon akea au taeka ae e kona ni kabwarabwara au kakaitau Nakoina .

E reireinai te tieminari bwa koroboki aika tabu ana aki ti kawakinaki n ara iango ma ti na kamanenai inanon maiura. I karabwarabwa nakoia au tia reirei aika raraoi n tatabemaniia nako, ake bon bwai ni mwakuri ni koaua inanon bain te Uea.