Գլուխ 20
Ալման և Նեորը
Նեոր անունով մի հաղթանդամ, ուժեղ մարդ սկսեց կեղծ ուսմունքներ ուսուցանել։ Նա ասաց, որ բոլորը կփրկվեն՝ և՛ չարերը, և՛ բարիները։ Շատերը հավատացին Նեորին։
Նեորը քարոզում էր Աստծո Եկեղեցու դեմ, բայց Գեդեոն անունով մի արդարակյաց մարդ պաշտպանեց Եկեղեցին։ Նեորը և Գեդեոնը վիճաբանեցին, սակայն Գեդեոնը խոսում էր Աստծո խոսքերով։
Նեորը զայրացավ, հանեց իր սուրը և սպանեց Գեդեոինին։
Նեորին տարան Ալմայի մոտ դատվելու։ Նեորը ինքնավստահ պաշտպանվում էր։
Բայց Ալման ասաց, որ Նեորը մեղավոր է, քանի որ նա սովորեցնում էր մարդկանց լինել անարդար և սպանել էր Գեդեոնին։
Ալման ասաց, որ Նեորը պետք է պատժվի Գեդեոնին սպանելու համար։ Համաձայն օրենքի, Նեորը պետք է մահապատժի ենթարկվեր։
Նեորին տարան մոտակա բլուրը և մահապատժի ենթարկեցին։ Մահից առաջ նա ասաց, որ այն ամենը, ինչ ինքն ուսուցանում էր, սխալ էր։ Բայց շատ մարդիկ դեռ հավատում էին Նեորի չար ուսմունքներին։
Այդ մարդիկ սիրում էին հարստությունը և չէին հետևում Աստծո պատվիրաններին: Նրանք ծաղրում էին Եկեղեցու անդամներին, վիճում և կռվում էին նրանց հետ։
Արդարակյաց մարդիկ շարունակում էին հետևել պատվիրաններին և չէին բողոքում, անգամ երբ Նեորի հետևորդները վիրավորում էին իրենց։
Եկեղեցու անդամները կիսվում էին իրենց ողջ ունեցվածքով աղքատների հետ և հոգ էին տանում հիվանդների մասին։ Նրանք հնազանդվում էին պատվիրաններին, և Աստված օրհնում էր նրանց։