Գլուխ 51
Հարեդացիները ճամփորդում են խոստացված երկիր
Երբ Հարեդացիները ճամբարեցին ծովի ափին, Հարեդի եղբայրը մոռացավ աղոթել։ Տերը հայտնվեց նրան ամպի մեջ և ասաց, որ ապաշխարի։
Հարեդի եղբայրն ապաշխարեց և աղոթեց։ Տերը ներեց Հարեդի եղբորը, բայց ասաց, որ նա այլևս չպետք է մեղք գործի։
Տերը Հարեդի եղբորն ասաց, որ նավեր կառուցի՝ մարդկանց խոստացված երկիր տեղափոխելու համար։
Տերը Հարեդի եղբորն ասաց՝ ինչպես կառուցել նավերը։
Նավերը պետք է այնպես պատրաստվեին, որ ջուր ներս չթողեին։
Հարեդի եղբայրը մտածում էր, թե ինչպես մարդիկ պետք է շնչեին այդ նավերում։ Նա հարցրեց Տիրոջն այդ մասին։
Տերը նրան պատվիրեց անցք բացել նավերի վերին մասում և հատակին։ Անցքերը կարելի էր բացել, որպեսզի օդ ներս գա, և փակել, որ ջուր չլցվի։
Հարեդի եղբայրը Տիրոջն ասաց, որ նավերի ներսում մութ է։ Տերը նրան խնդրեց մտածել, թե ինչպես կարելի է լույս ունենալ նավերի ներսում։
Կրակով չէր կարելի լուսավորել ներսը, ոչ էլ պատուհաններով, որովհետև դրանք կկոտրվեին։
Հարեդի եղբայրը գնաց սար և ժայռից 16 փոքր քար տաշեց։ Քարերը մաքուր ապակու էին նման։ Ութ նավերից յուրաքանչյուրի համար նա երկու քար պատրաստեց։
Հարեդի եղբայրը վերցրեց քարերը և բարձրացավ սարի գագաթը։ Այնտեղ նա աղոթեց Տիրոջը:
Հարեդի եղբայրը խնդրեց Տիրոջը դիպչել քարերին, որպեսզի դրանք լույս տային նավերի ներսում։
Տերը իր մատով դիպավ յուրաքանչյուր քարին:
Այսպիսով, իր մեծ հավատի շնորհիվ Հարեդի եղբայրը տեսավ Տիրոջ մատը։ Այն նման էր մարդու մատի։
Այնուհետև Տերն իրեն ցույց տվեց Հարեդի եղբորը:
Հիսուսն ասաց, որ իրեն հավատացողները հավերժական կյանք կունենան։
Հիսուսը Հարեդի եղբորը շատ բաներ ուսուցանեց և ցույց տվեց։ Հիսուսը նրան պատվիրեց գրի առնել այն ամենը, ինչ նա տեսել էր ու լսել:
Հարեդի եղբայրը քարերը վերցրեց և իջավ սարից ներքև։ Նա դրեց քարերը յուրաքանչյուր նավի երկու ծայրերում։ Քարերը լույս տվեցին նավերի ներսում։
Հարեդացիները իրենց կենդանիների և մթերքի պաշարի հետ մտան նավերի մեջ։ Տերը ուժեղ քամի ուղարկեց, որպեսզի նավերը քշվեին դեպի խոստավցած երկիր։
Տերը պաշտպանում էր նրանց փոթորկոտ ծովում։ Նրանք շնորհակալություն էին հայտնում և փառաբանում Տիրոջը։
344 օր ջրի մեջ անցկացնելուց հետո նավերը հասան խոստացված երկրի ափերը։
Երբ Հարեդացիները դուրս եկան նավերից, նրանք ծնկի իջան և արտասվեցին ուրախության արցունքներով։
Հարեդացիները տներ կառուցեցին և ցորենազգիներ աճեցրեցին խոստացված երկրում։ Նրանք իրենց զավակներին սովորեցրին լսել Տիրոջը և հնազանդվել նրա խոսքերին։