Գլուխ 25
ԱհարոնԸ ուսուցանում է Լամոնի թագավորի հորը
Ահարոնը թագավորին ասաց, որ Ամմոնի եղբայրն է։ Թագավորը չէր մոռացել Ամմոնի բարության և իրեն ասված նրա խոսքերի մասին։
Ահարոնը հարցրեց թագավորին, թե արդյոք նա հավատում է Աստծուն։ Թագավորն ասաց, որ վստահ չէ, բայց կհավատա, եթե Ահարոնն ասի, որ Աստված կա։ Ահարոնը թագավորին հավաստիացրեց, որ Աստված ապրում է։
Ահարոնը թագավորին կարդաց սուրբ գրություններից։ Նա ուսուցանեց Երկրի Արարման, Ադամի Անկման և Հիսուս Քրիստոսի առաքելության մասին։
Թագավորը հարցրեց, թե ինչ պետք է աներ, որպեսզի Սուրբ Հոգին իր հետ լիներ, և ինքը պատրաստ լիներ ապրելու Աստծո հետ։ Թագավորը պատրաստ էր անել ամեն ինչ, անգամ հրաժարվել իր թագավորությունից։
Ահարոնը թագավորին ասաց, որ նա պետք է ամբողջությամբ ապաշխարեր։ Նա պետք է աղոթեր և հավատ ունենար առ Աստված:
Թագավորն աղոթեց, որ իմանար, թե իրոք Աստված կա։ Նա ասաց, որ այլևս ոչ մի մեղք չի գործի։
Թագավորն ընկավ գետնին և, կարծես, մահացել էր։ Երբ թագուհին տեսավ նրան, մտածեց, թե Ահարոնը և նրա ընկերակիցները սպանել են թագավորին։
Թագուհին հրամայեց իր ծառաներին սպանել Ահարոնին և նրա ընկերակիցներին, բայց ծառաները վախեցան դա անել։ Նա ուղարկեց նրանց, որ գտնեն մարդկանց, որոնք կանեն դա։
Մեծ ամբոխ էր հավաքվում և անախորժություններ կարող էին սկսվել, և Ահարոնը բռնեց թագավորի ձեռքը և պատվիրեց նրան ոտքի կանգնել։ Թագավորը վեր կացավ։
Թագավորը հանգստացրեց իր վախեցած կնոջը և ծառաներին, ապա սկսեց ուսուցանել նրանց ավետարանը: Նրանք բոլորը հավատացին Հիսուս Քրիստոսին։