Գլուխ 45․ Հիսուս Քրիստոսը ուսուցանում է հաղորդության և աղոթքի մասին

Հիսուս Քրիստոսն ուղարկեց իր աշակերտներին հաց ու գինի բերելու։ Նա խնդրեց Նեփիացիներին նստել գետնին։

Երբ աշակերտները վերադարձան, Փրկիչը հացը կտորների բաժանեց և օրհնեց այն։ Նա մի քանի կտոր տվեց իր աշակերտներին, ապա խնդրեց նրանց, որ մնացածը բաժանեն մարդկանց։

3 Նեփի 18․3-4

Հիսուսն ասաց, որ հաղորդություն ընդունողները խոստանում են միշտ հիշել նրան և նրա զոհաբերությունը։ Այնուհետև նրանք ստացան նրա Հոգին։

3 Նեփի 18․7

Հիսուս Քրիստոսն օրհնեց գինին և բաժանեց իր աշակերտներին: Աշակերտները բաժանեցին այն մարդկանց:

3 Նեփի 18․8

Հիսուսն ասաց, որ հաղորդություն ընդունողները խոստանում են պահել իր պատվիրանները։

3 Նեփի 18.10

Հիսուսը կրկին ասաց իր աշակերտներին, որ յուրաքանչյուր մարդ, ով կընդունի հաղորդությունը և միշտ կհիշի իրեն, կունենա իր Հոգին։

3 Նեփի 18.11

Նա ասաց իր աշակերտներին, որ նրանք կօրհնվեն, եթե պահեն իր պատվիրանները։

3 Նեփի 18.14

Նա ասաց նրանց, որ միշտ աղոթեն, և աղոթեն այնպես, ինչպես ինքն է աղոթում։

3 Նեփի 18․15-16

Փրկիչն ասաց Նեփիացիներին, որ աղոթեն Երկնային Հորը իր անունով։ Նա նաև պատվիրեց նրանց աղոթել իրենց ընտանիքների հետ։

3 Նեփի 18.19, 21

Նա ասաց, որ մարդիկ պետք է հաճախ միասին հավաքվեն։ Նրանք պետք է ողջունեն ուրիշներին իրենց հավաքներին, աղոթեն նրանց համար և լավ օրինակ ծառայեն։

3 Նեփի 18․22-24

Փրկիչն իր աշակերտներին տվեց Սուրբ Հոգի շնորհելու զորություն։ Այնուհետև մի ամպ ծածկեց մարդկանց, և միայն աշակերտները տեսան, թե ինչպես Հիսուս Քրիստոսը բարձրացավ երկինք։

3 Նեփի 18․36-39