Գլուխ 50
Հարեդացիները հեռանում են Բաբելոնից
Հարեդը և նրա եղբայրները արդարակյաց մարդիկ էին, ովքեր ապրում էին Բաբելոն անունով մի քաղաքում։ Նրանք ապրել են Նեփիացիներից հարյուրավոր տարիներ առաջ։
Բաբելոնում մարդկանց մեծ մասը ամբարիշտ էին։ Նրանք աշտարակ կառուցեցին՝ երկնքին հասնելու համար։ Տերը բարկացավ և խառնեց նրանց լեզուները։
Հարեդը խնդրեց իր եղբորն աղոթել Տիրոջը և խնդրել, որ իրենց ընտանիքների և ընկերների լեզուն չխառնվի:
Հարեդի եղբայրն աղոթեց և Տերը պատասխանեց նրա աղոթքին։ Հարեդը, նրա եղբայրը և նրանց ընտանիքներն ու ընկերները դեռ կարողանում էին հասկանալ միմյանց։
Տերը Հարեդի եղբորն ասաց, որ հավաքի իր ընտանիքին և ընկերներին ու հեռանա երկրից։ Նրանք իրենց հետ վերցրեցին իրենց կենդանիներին և ամեն տեսակի սերմեր։
Տերն ասաց որ կառաջնորդի Հարեդացիներին խոստումի երկիր։
Հարեդացիները թռչուններ ու ձկներ որսացին՝ իրենց հետ տանելու համար։
Նրանք իրենց հետ վերցրեցին մեղվապարսեր։
Հարեդացիները ճամփորդեցին անապատով։ Տերը խոսեց նրանց հետ ամպի միջից և ասաց, թե որ ուղղությամբ գնային։
Տերն ասաց, որ խոստացված երկրում ապրող մարդիկ պետք է ծառայեն Աստծուն, այլապես նրանք կոչնչացվեն։
Երբ Հարեդացիները հասան ծովի ափին, նրանք խփեցին այնտեղ իրենց վրանները։ Նրանք ծովի մոտ ապրեցին չորս տարի։