Սուրբ գրությունների պատմություններ
Գլուխ 31. Մորոնի զորավարը հաղթում է Զերահեմնային


Գլուխ 31

Մորոնի զորավարը հաղթում է Զերահեմնային

Lamanites talking

Զերահեմնան՝ Լամանացիների առաջնորդը, ցանկանում էր, որ իր ժողովուրդը շարունակեր ատել Նեփիացիներին և նրանց դարձներ իրենց ստրուկները։

Nephite soldiers

Նեփիացիները ցանկանում էին, որ իրենց հողն ու ընտանիքները ազատ լինեին։ Նրանք նաև ցանկանում էին ազատ երկրպագել Աստծուն։

Captain Moroni

Մորոնի զորավարը Նեփիացիների բանակների ղեկավարն էր։ Երբ Լամանացիները եկան կռվելու, Մորոնին իր բանակներով դիմավորեց նրանց Երսոնի երկրում։

Captain Moroni with army

Մորոնի զորավարի բանակը պատրաստվել էր զենքերով, վահաններով, զրահներով և հաստ հագուստներով։

Lamanite army

Լամանացիների բանակը մեծ էր, բայց նրանք վախեցան, տեսնելով Նեփիացիների զրահները, քանի որ իրենք շատ թեթև էին հագնված։

Lamanites hiding in wilderness

Լամանացիների բանակը չհամարձակվեց կռվել Մորոնի զորավարի բանակի դեմ։ Լամանացիները փախան անապատ և որոշեցին հարձակվել Նեփիացիների մեկ այլ քաղաքի վրա։

Alma praying

Մորոնին լրտեսներ ուղարկեց՝ հետևելու Լամանացիներին։ Նա նաև խնդրեց Ալմային աղոթել Տիրոջ օգնության համար։ Տերն ասաց Ալմային, թե որտեղից էին Լամանացիները պատրաստվում գրոհել։

Moroni marching his army

Երբ Մորոնին ստացավ Ալմայի ուղերձը, նա մի քանի զինվոր թողեց Երսոնը հսկելու համար, իսկ մնացածի հետ դուրս եկավ Լամանացիներին դիմավորելու։

Moroni’s soldiers hiding

Մորոնի զորավարի զինվորները թաքնվել էին Սիդոն գետի երկու կողմերում, որ ծուղակը գցեն Լամանացիների բանակը։

battle in river

Ճակատամարտը սկսվեց, և Լամանացիները փորձեցին փախչել գետն անցնելով, սակայն մյուս ափին նրանց սպասում էին ավելի շատ Նեփիացիներ։

Nephites shooting arrows

Զերահեմնան և նրա զինվորները նախկինում երբեք այդպես չէին կռվել։ Նրանք սպանեցին շատ Նեփիացիների։ Նեփիացիները աղերսեցին Տիրոջը օգնության համար։

Nephites facing Lamanites

Տերը զորացրեց Նեփիացիների բանակը։ Բանակը շրջապատեց Լամանացիներին, և Մորոնին հրամայեց կանգնեցնել ճակատամարտը։

Moroni talking to Zerahemnah

Մորոնին ասաց Զերահեմնային, որ Նեփիացիները չեն ցանկանում սպանել Լամանացիներին կամ ստրկացնել նրանց։

Moroni talking

Մորոնին ասաց, որ Լամանացիները չեն կարող ոչնչացնել Հիսուս Քրիստոսի հանդեպ Նեփիացիների հավատը: Նա ասաց, որ Աստված կշարունակի օգնել Նեփիացիներին կռվել, քանի դեռ նրանք հավատարիմ կմնային։

Moroni ordering Zerahemnah

Մորոնին հրամայեց Զերահեմնային վայր դնել զենքերը։ Լամանացիները չեն սպանվի, եթե խոստանան այլևս երբեք չկռվել Նեփիացիների դեմ։

Zerahemnah giving Moroni weapons

Զերահեմնան հանձնեց իր զենքերը Մորոնիին, սակայն ասաց, որ չի կարող խոստանալ չկռվել։ Մորոնին զենքերը վերադարձրեց Լամանացիներին, որպեսզի նրանք կարողանային պաշտպանել իրենց։

Nephite soldier breaking Zerahemnah’s sword

Զերահեմնան հարձակվեց Մորոնիի վրա, սակայն Նեփիացի զինվորներից մեկը հարվածեց և կոտրեց Զերահեմնայի սուրը։

soldier scalping Zerahemnah

Ապա զինվորը կտրեց Զերահեմնայի գանգամաշկը, սրի ծայրով բարձրացրեց և թափահարեց օդում։

Lamanite scalp

Նա ասաց, որ Լամանացիները վայր կընկնեն, ինչպես ընկավ գանգամաշկը, եթե չհանձնեն իրենց զենքերը և չխոստանան այլևս երբեք չկռվել։

Lamanites giving up weapons

Լամանացիներից շատերը գցեցին իրենց զենքերը Մորոնիի ոտքերի մոտ և խոստացան չկռվել։ Նրանք ազատ արձակվեցին։

Lamanites fighting

Զայրացած Զերահեմնան կոչ արեց մնացած զինվորներին կռվել։ Մորոնիի զինվորները շատերին սպանեցին։

Zerahemnah begging Moroni

Երբ Զերահեմնան տեսավ, որ ինքը և իր բոլոր մարդիկ կարող են սպանվել, աղաչեց, որ Մորոնին չսպանի իրենց։ Նա խոստացավ այլևս երբեք չկռվել Նեփիացիների դեմ։

Lamanites walking away from Nephites

Մորոնին կանգնեցրեց կռիվը և վերցրեց Լամանացիների զենքերը։ Երբ Լամանացիները խոստացան այլևս երբեք չկռվել, նրանք հեռացան։