Գլուխ 53

Մորոնին և նրա ուսմունքները

Մորմոնի մահից հետո Մորոնին մնաց մենակ։ Նա ավարտեց հիշատակարանները, որոնք հայրը տվել էր իրեն։

Մորմոն 8.1, 3

Մորոնին գիտեր, որ ոսկե թիթեղները մի օր գտնելու էին և հանելու էին հողի միջից։

Մորմոն 8․16

Ոսկե թիթեղները պատմում էին Հիսուս Քրիստոսի մասին։ Դրանք վկայություն էին պարունակում և ուսուցանում էին մարդկանց՝ ինչպես արդար կյանքով ապրել։

Մորմոն 9․11-12, 27

Ամբարիշտ Լամանացիները սպանում էին բոլոր այն Նեփիացիներին, ովքեր չէին հրաժարվում Հիսուս Քրիստոսից։

Մորոնի 1․2

Մորոնին երբեք չհրաժարվեց Հիսուս Քրիստոսից։ Նա տեղից տեղ էր տեղափոխվում՝ թաքնվելով Լամանացիներից։

Մորոնի 1․3

Մորոնին ավելի շատ գրառումներ կատարեց ոսկե թիթեղների վրա, հատկապես դիմելով վերջին օրերի Լամանացիներին։

Մորոնի 1.4

Նա գրի առավ շատ կարևոր բաներ, այդ թվում՝ հաղորդության աղոթքների բառերը։

Մորոնի 4, 5

Մորոնին գրեց, որ մկրտվել կարող են միայն նրանք, ովքեր պատրաստ են ապաշխարել իրենց մեղքերի համար և ծառայել Հիսուս Քրիստոսին։

Մորոնի 6.1–3

Մորոնին ցանկանում էր, որ բոլորը հավատային Հիսուս Քրիստոսին և ճանաչեին նրան։ Նա ասում էր, որ ամեն բարի բան գալիս է Քրիստոսից։

Մորոնի 10․18, 30

Մորոնին գրեց, որ եթե մարդիկ սիրեն Երկնային Հորը և հետևեն նրան, նրանք կատարյալ կդառնան։

Մորոնի 10.32

Մորոնին գիտեր, որ մահից հետո նա հարություն կառնի և կապրի Երկնային Հոր և Հիսուս Քրիստոսի հետ:

Մորոնի 10.34