Գլուխ 3

Լեքին հեռանում է Երուսաղեմից

Տերը գոհ էր Լեքիից և մի գիշեր խոսեց նրա հետ երազում։ Նա ասաց Լեքիին, որ վերցնի իր ընտանիքը և հեռանա Երուսաղեմից։ Լեքին հնազանդվեց Տիրոջը:

1 Նեփի 2․1–3

Լեքիի ընտանիքը սննդի պաշար ու վրաններ հավաքեց։ Նրանք լքեցին իրենց տունը, թողեցին ոսկին ու արծաթը և ճանապարհ ընկան դեպի անապատ։

1 Նեփի 2․4

Լեքին և նրա կինը՝ Սարիան, չորս որդի ունեին։ Նրանց անուններն էին՝ Լաման, Լեմուել, Սամ ու Նեփի։

1 Նեփի 2․5

Երեք օր ճամփորդելուց հետո Լեքիի ընտանիքը ճամբար խփեց հովտում՝ գետի մոտ։

1 Նեփի 2․6

Լեքին զոհարան կառուցեց քարերից ու զոհ մատուցեց Աստծուն։ Նա շնորհակալություն հայտնեց Աստծուն իր ընտանիքին կործանումից փրկելու համար:

1 Նեփի 2․7

Լեքին գետն անվանեց Լաման, իսկ հովիտը՝ Լեմուել։ Լեքին ուզում էր, որ իր որդիները նմանվեին գետին ու հովտին՝ միշտ ձգտելով Աստծուն ու անսասան պահելով պատվիրանները։

1 Նեփի 2․8-10,14

Լամանն ու Լեմուելը մտածեցին, որ իրենց հայրը Երուսաղեմն ու իրենց հարստությունը թողնելուց հետո խելքը կորցրել էր։ Նրանք չէին հավատում, որ Երուսաղեմը կկործանվի։

1 Նեփի 2.11, 13

Նեփին ուզում էր հասկանալ այն, ինչ տեսել էր Լեքին։ Նա աղոթեց, որ իմանար, թե արդյոք հայրը ճիշտ էր վարվել՝ թողնելով Երուսաղեմը։

1 Նեփի 2.16

Հիսուս Քրիստոսն այցելեց Նեփիին և ասաց նրան, որ Լեքիի խոսքերը ճշմարիտ են։ Նեփին հավատաց և չըմբոստացավ՝ ինչպես Լամանը և Լեմուելը։

1 Նեփի 2.16

Նեփին պատմեց իր եղբայրներին այն, ինչ իրեն ասել էր Հիսուսը։ Սամը հավատաց Նեփիին, սակայն Լամանն ու Լեմուելը չհավատացին։

1 Նեփի 2․17-18

Տերը խոստացավ Նեփիին, որ կօրհնի նրան իր հավատի համար։ Նա պետք է դառնար իր եղբայրների առաջնորդը։

1 Նեփի 2․19-22