Գլուխ 8

Ճամփորդություն ծովով

Տերն ասաց Լեքիին, որ տեղավորի իր ընտանիքի անդամներին իրենց կառուցած նավի վրա։ Նրանք նավը բեռնեցին մրգով, մսով, մեղրով և սերմերով, որոնք պետք է ցանեին խոստացված երկրում։

1 Նեփի 18․5-6

Ուժեղ քամիները նավը քշեցին դեպի խոստացված երկիրը։

1 Նեփի 18․8

Լամանը, Լեմուելը և մի քանի այլ մարդիկ սկսեցին չարանալ։ Երբ Նեփին ասաց նրանց, որ դադարեն չարանալ, նրանք զայրացան և պարաններով կապեցին նրան։

1 Նեփի 18․9-11

Նրանց չարության պատճառով Լիահոնան դադարեց աշխատել։ Նրանք չգիտեին, թե որ ուղղությամբ վարեին նավը։ Սաստիկ փոթորիկ բարձրացավ և երեք օր նավը հետ քշեց։

1 Նեփի 18․12-13

Լեքին ասաց Լամանին ու Լեմուելին, որ ազատ արձակեին Նեփիին, բայց նրանք չլսեցին։ Լեքին և Սարիան այնքան վրդովվեցին, որ հիվանդացան։

1 Նեփի 18.17

Նեփիի կինն ու երեխաները լաց էին լինում։ Նրանք խնդրում էին Լամանին և Լեմուելին ազատ արձակել Նեփիին, բայց նրանք հրաժարվեցին։

1 Նեփի 18.19

Չորրորդ օրը փոթորիկն ավելի սաստկացավ։ Նավը համարյա խորտակվում էր։

1 Նեփի 18․14-15

Լամանն ու Լեմուելը գիտեին, որ փոթորիկն Աստված էր ուղարկել։ Նրանք վախեցան, որ կխորտակվեին։

1 Նեփի 18.15

Վերջապես, Լամանն ու Լեմուելը ապաշխարեցին ու ազատ արձակեցին Նեփիին։ Թեև դաստակներն ու ոտքերի կոճերը պարաններից այտուցվել ու վնասվել էին, Նեփին չէր գանգատվում։

1 Նեփի 18․15-16

Նեփին իր ձեռքը վերցրեց Լիահոնան և այն կրկին սկսեց աշխատել։ Նեփին աղոթեց և քամին դադարեց։ Ջրերը հանդարտվեցին։

1 Նեփի 18.21

Նեփին վարեց նավը, և այն կրկին ուղղվեց դեպի խոստացված երկիրը։

1 Նեփի 18.22